KIPINDJI 5

Mpeshi a kabutu—Mbanyi abapushishe? Na bashibapushishe?

Mu mafuku a Nowa, bantu bebungi abaadi abakitshi myanda ibubi. Kibangilo 6:5

Ba mwikeyilu bebubi bafwale mbidi ya bana ba bantu abata bakashi

Adame na Eeva abatandile bana, bantu nkufwima pa nsenga. Kunyima, ingi mikeyilu ibalondele buntomboshi bwa Satana.

Abafikile pa nsenga abo nkwata mbidi ya bantu bwashi bayibakile bakashi. Baba bakashi abatandile bantu ba bilobo babaadi bukyelo na bukome bukile.

Mwana mukashi mutwale mwana nsongwalume amukupila; ba Nefilime, bana ba ba mwikeyilu bebubi, bena etombo

Nsenga ibawudile na bantu abaadi abakitshi myanda ibubi. Bible alesha’shi: “Bubi bwa bantu bubaady’abwend’abufiimanga pa nsenga: ngub’oso, mashimba aabo abaadi aneemene’nka ku milwisho.”

Nowa baadi mupushiishe Efile aye nkukita bwato. Kibangilo 6:13, 14, 18, 19, 22

Nowa baadi muntu ebuwa. Yehowa balungwile Nowa shi akyebe kubutula bantu booso bebubi ku mpeshi mukata a kabutu.

Efile balungwile Nowa shi akite bwato bukata, atweshe mwanka kifuko kyaye na nyema ya bipaso byoso.

Nowa adimusha bantu pabitale kufika kwa mpeshi a kabutu abo namu abamusepe

Nowa balungwile bantu shi Mpeshi a kabutu akanoko, anka tababapushishe nya. Bangi abaadi abasepe Nowa; bangi naamu abadi bamushikwe.

Nowa na kifuko kyaaye ababungu nyema mu bwato

Pabapwile bwato, Nowa batweshele nyema mwanka.