KIPINDJI 9

Mpaladiiso akafiki mafuku kinyi?

Myanda ya malwa ipano pa nsenga ayilesha shi Bufumu bw’Efile tabudi pepi na kubanga mufubo. Luka 21:10, 11; 2 Timote 3:1-5

Kafutakanyi ke mu mafuku a nfudiilo—masha a makuta, ngoshi, maladi, kukutwa bidibwa, kukutwa kunemka baledi, na etombo dya mu nshibo

Bible bibaadi bitemukye bwa bintu bibungi bikwete kukitshika lelo uno. Bibakwile shi bantu abakekala bafule nfwalanga, bash’abakokyela bebatande, baasha mashimba apape, na bafule miloo ya mbidi.

Akukekala kutshinkatshinka kukata kwa nsenga, ngoshi, nsala, na bipupa bya maladi. Ino myanda ikwete kukitshika lelo uno.

Temwe a Yehowa kwete kulungula mwana mulume mukandu wibuwa wa Bufumu

Yesu bakwile dingi shi: mukandu wi buuwa wa Bufumu aukalungulwa mu nsenga ishima.—Mateo 24:14.

Bufumu abukakaasha bubi booso. 2 Mpyeele 3:13

Kubashaala mafuku apeela Yehowa abutule bantu bebubi.

Satana na bademo baye abakanyokibwa.

Yesu mushale ku lupuna-nsulu lwaye mwiyilu na bantu ba makoba elekene abasanka

Booso abapushisha Efile abakekala na muwa mu nsenga ipya ya bululame, mbalo ishayikekala moo, ayikekala na bantu befulene na bekulupisheene.