Nsungu ibatakula muntu mu kuipayishena

Kunyima kua Adama na Eva kukatuka mu lupango lua Edene, abatandile bana bebungi. Muana’bo mbedi nyi Kayina, baadi kidime, a kabidi namu, nyi Abele, baadi mulami a mikooko.

Dingi efuku Kayina na Abele abaadi abalambula milambu kui Yehowa. Ouku shi mulambu nkinyi? Nkutuusha kia buntu ki pa buakio. Yehowa baadi musangeele mulambu wa Abele apela wa Kayina. Bibaadi bifiitshishe Kayina munda. Yehowa nkudimusha Kayina’shi, nsungu yaaye i kumukitshisha muanda wibubi. Anka Kayina tabaadi mupushe nya.

Kayina nkulungula Abele shi: “Tuende ku mafuba.” Pababaadi penda bubidi buabo muifuba, Kayina nkukupila Abele, nkumuipaa. Yehowa badia kukita kinyi bua uno muanda? Yehowa baadi munyookie Kayina p’aye kumutuma kula na kifuko kiaye. Tabaadi mutadiile Kayina bua kualukiila dingi nya.

Uno muanda awitulongiesha kinyi? Tui balombene kubanga kufiita munda nsaa yatumono’shi mianda tayendeka kalolo muyile biatukumiina. Su atupusha nsungu ayitama munda muetu​—sunga bangi betudimusha ku’abetumono tui bafiite munda—​abitungu tushintuule musango umune ngielelo eetu a binangu kupela yetukambila.

Bu biabidi’shi Abele baadi mufule Yehowa na kukita bibuwa, Yehowa kuete’nka kumutentekiesha. Efile Mukulu akasangula Abele ku lufu p’Akaluula nsenga mpaladiiso.