Yesu atoosha ntempelo

Mu kipungo kia printemps kia kipua kia 30 B.B., Yesu bayiile ku Yelusalema. Bantu bebungi abaadi mu kibundi bua kukita Pasaka. Ku wawa musangeelo, abaadi abatuusha nyema bua kulambula ku ntempelo. Bangi abatuadile nyema yabo, bangi namu abaudile nyema mu Yelusalema.

Pabayiile Yesu ku ntempelo, bapetele bantu abaudisha nyema kuanka. Abaadi abakitshi busunga buabo ku nshibo ya lulanguilo ya Yehowa! Yesu badia kukita kinyi? Bakitshiine lufimbo lua mioshi, aye nkuibatuusha paasha pa ntempelo na mikooko yabo. Bafuudikile mesa aabo abaadi abashintuluila makuta, aye nkupalakasha nfualanga yabo ya bingolongolo mu nsenga. Akupu, aye nkulungula baaba boso abaadi abaudisha nkudimba’shi: ‘Katushayi bino bioso bintu pano! Tanualulanga nshibo ya Nshami bu nshibo ya busunga!’

Bantu abaadi bakaanye bikile mu ntempelo muanda wa biabia bibakitshiine Yesu. Balongi baaye nkutentekiesha butemuki pabitale Mesiya abuamba’shi: ‘Nayikala na kisumi bua nshibo ya Yehowa.’

Kunyima, mu kipua kia 33 B.B., Yesu baadi mutooshe ntempelo musango wa kabidi. Tabaadi mulombene kuleka muntu su ngumune bua’shi akutue kanemo bua nshibo ya Nshaye nya.