Ngukisho itale beena Kikongeno

BISANGILO BI PABWABYO

MUDIMO WA KU BETELE Balungudi bapwe kubatshishibwa be na bipwa 35 sunga muushi, be na lukalo lwa kwenda mu kufuba ku Betele, belumbuule bwa kutwela mu kisangilo kibatale akikitshika mu dya Katano kunyima kwa midi. Abebalungula mbalo na nsaa ayikitshika kino kisangilo.

KALASA KA BALUNGUDI BA BUFUMU Ba mbala-mashinda be na bipwa kubanga mu 23 na ku 65, abakumina kutamisha mudimo wabo; be kutwela mu kisangilo kitale Kalasa ka Balungudi ba Bufumu akikitshika mu dya Lubingo kunyima kwa midi. Abebalungula mbalo na nsaa ayikitshika kino kisangilo.

NGUKISHO ITALE BEENA KIKONGENO

BAABA ABAKUKILA BANTU Be kwanka bwa nkukwasha. Kumiina kulonda kyooso kyabakulungula pabitale mbalo ya kutuula motoka, ntukutuku sunga nkinga, mbalo ya kutwelela na ya kutuukila, kukwatshila bangi mbalo na bwa ingi myanda.

LUBATSHISHO Mbalo ilumbulwe bwa bantu ababatshishibwa ayikala kumpala, italene na yawa akitshi mwisambo. Abitungu bantu abakyebe kubatshishibwa bashale pa yaaya mbalo kumpala kwashi mwisambo wa lubatshisho ubangye mu dya Mpooso kumpala kwa midi. Muntu ooso afikye na bilamba bibuwa bya kumwina nabyo na kya kwikumuna nakyo meema.

BYA BUNTU Makuta e bungi ngatushiibwe bwa kulumbuula mbalo i buwa ya kushala, bintu bya kutusha nabyo mayi, bya kulesha nabyo video, ingi midimo ayikwasha bwashi kikongeno kikitshikye kalolo na bwashi kitukwashe bwatudya kwifubwila peepi na Yehowa. Bya buntu byenu abikwasha bwa kukumbasha ino myanda na bwashi mudimo wa Bufumu aukitshikaa mu nsenga ishima wende kumpala. Bwa ooso akumiina kutuusha kya buntu, kwi tusheto twabadi batuule patooka. Atwinutumbula bikata bwa bya buntu byenu byanukwete kutuusha. Kasaka ka Bakunkushi-Bakulu akenutumbula bwa kalolo keenu kanulesha bwashi mudimo wa Bufumu wende kumpala.

BUKWASHI BWA BWANGA Tanulubanga shi bino mbitale NKA PENDA MUKUMBO UBAPULUKILA MUNTU KU KIKONGENO.

DEPARTEMA A BINTU BISANGULWE Abitungu nkatuula bintu byooso byanusangula ku Departema a bintu bisangulwe. Su boshimisha kintu kampanda, enda okekikimbe ku uno departema. Su bopete mwana e kwibula na bamutande na mushimine, mutwale ku uno departema. Kadi, ino ta mbalo ya kulama bana nya. Atwinutekye bwashi nulame bana benu kalolo na kushaala nabo pamune.

MBALO YA KUSHAALA Kumiina namu kunemeka bangi. Tolubanga shi anka penda baaba banudi bashale nabo mu nshibo imune, muntu anudi bafikye naye pamune sunga yawa okwete kulonga naye Bible; ndjo oodi mulombene kukwatshila mbalo. Tokumanga kutuula bintu pa mbalo yoshi mukwatshile bantu

BUKWASHI KU MIDIMO Su we na lukalo lwa kukwasha ku midimo ya ku kikongeno, enda okemonene na bano abafubu mu departema a ngukisho na a bukwashi ku mudimo.