Myaluulo ku nkonko ya mu Bible
Kwi lukulupilo bwa bafwe su?
Lufu lwi bu tulo twi bukopo kwi bantu bafwe mwanda tabauku kintu su nkimune sunga kukita kintu su nkimune. Byabya, Mupangi a muwa mmulombeene kwalusha bafwe ku bukwashi bwa lusangukilo. Bwa kulesha byabya, Efile Mukulu mmupe Yesu bukome bwa kubuusha bafwe bebungi bwabadya kwikala na muwa.—Badika Mulungudi 9:5; Yowano 11:11, 43, 44.
Mmushindo kinyi wi lufu bu tulo?
Efile Mukulu mmulee shi, bafwe be mu binangu byaaye abakasanguka mu nsenga ipya ya kululama. Baaba abasanguka ababanda kushaala bafwe mpa na nsaa yabakebapa dingi muwa kwi Efile Mukulu. Efile Mukulu sha bukome booso e na lukalo lukata lwa kutumika na bukome bwaye bwa kwalwisha bafwe muwa.—Badika Yoobo 14:14, 15.
Lusangukilo alukekala naminyi?
Efile Mukulu pasangusha bantu, abekala na mushindo wa kwitundula, kutundula bakuuku baabo, na kifuko kyabo. Sunga mbidi ya muntu yanyanga, Efile Mukulu mmulombeene kusangusha yawa muntu na mbidi ipya.—Badika 1 Beena-Kodinto 15:35, 38.
Anka penda ndambo ipeela ya bantu ndjo abakasanguka bwa kwenda mwiyilu. (Bifumbulwe 20:6) Bantu bebungi abakasanguka abakapete dingi muwa pa nsenga ayikaluluka mpaladiiso. Bano bantu abakabanga nshalelo mupya na lukulupilo lwa kwikala na muwa wa losoo.—Badika Misambo 37:29; Bikitshino 24:15.