MYALUULO KU NKONKO YA MU BIBLE
Bwakinyi kuteka bwashi Bufumu bw’Efile Mukulu bufikye?
Okumiina kuuka myanda ibungi pabitale Bufumu bw’Efile Mukulu na kyabukyebe nkakita su?
Bufumu bw’Efile Mukulu nyi guvernema a mwiyilu. Yesu baadi mulungule balongi baye bwa kuteka bwashi bufikye mwanda abukalushuula bululame na butaale pa nsenga. Ta kwi guvernema a bantu mukumbene kupudisha buntomboshi, kukutwa kwa kululama, sunga mikumbo bwa looso nya, kadi Bufumu bw’Efile Mukulu abukyebe kukita byabya. Efile Mukulu mmusangule Mwan’aye, Yesu bwa kwikala Nfumu a buno Bufumu. Yehowa mmusangule’nyi kasaka ka balongi ba Yesu bwa kumunana naye mu Bufumu.—Badika Luuka 11:2; 22:28-30.
Binobino, Bufumu bw’Efile Mukulu abukyebe kukatusha b’eshikwanyi booso ba Bufumu. Byabya, kuteka bwashi Bufumu bw’Efile Mukulu bufikye nkuteka bwashi bufikye mu kukatusha ma guvernema a bana bantu.—Badika Danyele 7:13, 14; Bifumbulwe 11:15, 18.
Bwakinyi Bufumu bw’Efile Mukulu abukyebe kukwasha bantu?
Yesu nyi Nfumu mulombane mwanda e na lusa. Bu byadi Mwan’Efile Mukulu, e na bukome bwa kukwasha booso bakwete kwidila kwi Efile Mukulu.—Badika Misambo 72:8, 12-14.
Bufumu bw’Efile Mukulu abukakwasha bantu booso bakwete kuteka bwashi bufikye na bakwete kwitatshisha bwa kwikala na nshalelo mwipushene na akikyebe Efile Mukulu. Twe mulombene kwidila musango su ngumune p’obe kulonga akyamba Bible pabitale Bufumu bw’Efile Mukulu.—Badika Luuka 18:16, 17; Yowano 4:23.