MYALUULO KU NKONKO YA MU BIBLE
Uno muwa nyi nfudiilo a byooso su?
Muntu mukulu na mwana mukinga abatala ku bula?
Tobopwile kwiyipusha su kwi ungi nshalelo mukile kusanka pamune, kufuba, kwibakila, kutamisha kifuko na kununupa su? (Yoobo 14:1, 2) Bible aleesha’shi mpaa na bantu basha binangu bibungi mbeyele luno lukonko.—Badika Mulungudi 2:11.
Bwakinyi mbapangye muwa? Kya kumpala, abitungu twiyipushe’shi, muwa ngubangye naminyi? Kunyima kwa kutaluula abifubaa bongo na mbidi yetu yooso, bebungi mbafikye mu kwakula’shi kwi mupangi sha binangu mwitupangye. (Badika Misambo 139:14.) Su bi byabya, e na kaaso kaadi mwitupangile! Su tubalongo bwa kuuka kano kaaso, atwiuku bwakinyi twi na muwa.
Bwakinyi Efile Mukulu bapangile bantu?
Efile Mukulu baadi mwelele mulume na mukashi ba kumpala mwabi na baadi mwibape mudimo ukata. Mpàngo yaaye ibaadi yashi bekaale na muwa wa looso, baushe nsenga, na kwiyikasha mpaladiiso.—Badika Kibangilo 1:28, 31.
Mpàngo y’Efile Mukulu ibaadi ilwile pabaadi bantu batombokyele bukunkushi bwaye. Kadi Efile Mukulu tamushintuule mpàngo yaaye bwetu na bwa nsenga nya. Bible etushinkamisha’shi kwete kufuba bwa kupaasha bantu basha lulamato na bwa kulombasha mpàngo yaaye pabitale nsenga! Byabya Efile Mukulu akyebe’shi wekale na nshalelo abaadi mulumbuule ku mbangilo! (Badika Misambo 37:29.) Mu Bible, we bya kulonga byodi mulombeene kupeta muloo mu yaaya mpàngo y’Efile Mukulu.