MYALUULO KU NKONKO YA MU BIBLE
Myanda kinyi ayitakula bantu bebungi bwa kukumiina shi kwi mupangi?
Muwa ta nkipaso su?
Takudi bipwa bikile ku 3 000, kasha ungi mufundji a misambo afunda shi: Nkwete kusamuna Yehowa “mwanda wa kumpanga mu kino kipaso kya kukânywa kukata.” (Misambo 139:14, EEM) Nsaa yonangusheena mushindo awipangaa mwana kubanga ku cellule umunenka, tabikukanyishaa su? Bantu bebungi bakwete kutumbisha Mupangi a bintu byooso bi na muuwa.—Badika Misambo 139:13-17; Beena-Ebreeyi 3:4.
Yawa bapangile eyilu na nsenga na byooso bi mwanka nyi bakitshiine bwashi bantu bashaale mu nsenga na nnaye dingi mupangye muwa. (Misambo 36:9) Baadi mwisambe na bantu na kwete kwilungula kwatudi.—Badika Yeeshaya 45:18.
Twi batuukye ku nyema su?
Patutala kalolo, mbidi yetu ngifwanene na ya nyema. Bi byabya mwanda Mupangi bakitshiine bantu na nyema bwashi bashaale booso pa nsenga. Bapangile muntu a kwibedi, kushi kukatukila ku nyema, kadi ku lufuufi lwa nsenga.—Badika Kibangilo 1:24; 2:7.
Bantu mbelekene na nyama mu mishindo ibidi ikata. Wa kumpala, bantu be na mushindo wa kuuka, kufula na kunemeka Mupangi. Wa kabidi, ta mbapangye nyema bwa kwikala na muwa wa looso, kadi, abapangile bantu bwa kwikala nawo. Binobino, bantu booso bakwete kufwa mwanda muntu a kwibedi baadi mupele bukunkushi bwa Mupangi.—Badika Kibangilo 1:27; 2:15-17.