Bible akula kinyi?

Pa nsenga panekale butaale su?

We kwakula naminyi?

• Oolo

• Nya

• Pangi

Akyakula Bible

Mu Bufumu bwa Yesu Kidishitu, “kufukama kukata akukekala kwanka mpâ n’apakalekyesha mweshi kumunyika”—bino abilesha’shi bwa ikalaika.—Misambo 72:7 EEM.

Nkinyi dingi akitulongyesha Bible?

• Ba ntomboshi abakebakatusha pa nsenga, nka penda bantu bebuwa ngi “abasangeela mu butaale bw’eyendo.”​—Misambo 37:10, 11.

• Efile Mukulu akafudisha ngoshi yoso.​—Misambo 46:8, 9.

Kwi mushindo wa kwikala na butaale bwa mu binangu kubanga binobino su?

Bangi bantu abakula’shi . . . ta kwi mushindo wa kupeta butaale bwa mu binangu mu mafuku ooso e makyenga na kukutwa kwa kululama pa nsenga. Obe namu omono naminyi?

Akyakula Bible

Mpa na kubanga binobino, baba boso abefubwila pepi n’Efile Mukulu mbalombene kwikala na “butaale bw’Efile Mukulu, abo butabukile binangu byooso.”​—Beena-Fidipe 4:6, 7.

Nkinyi dingi akitulongyesha Bible?

• Efile Mukulu mmulee’shi akakatusha makyenga na kukutwa kwa kululama pa nsenga, na ‘kwikasha bintu byooso bipya.’​—Kibafumbwilwe 21:4, 5.

• Twi balombene kwikala na butaale bwa binyibinyi p’atwe kulombasha nkalo yetu ya “mu kikudi.”​—Mateo 5:3, Kilombeeno kipya 2009.