“Beeyishe naamu abapyana nsenga”
Bebungi ba kwatudi mbamone bileshesho bibungi bya kukutwa kululama na bantu babi abakyengyesha bantu be buwa. Akukafiki mafuku akushakwikala dimo buntomboshi na kukutwa kwa kululama su?
Mu mukanda wa Misambo 37 Bible etupa lwalulo na bukunkushi bulombene kwitukwasha kubanga binobino. Banda kutala byamba pabitale ino nkonko i na muulo ayilondo.
Twi kukita naminyi kwi baaba abetukyengyesha?—Verse 1, 2.
Nkinyi akikafwila bantu babi?—Verse 10.
Nshalelo a bantu be buwa akekala naminyi mu mafuku aafiki?—Verse 11, 29.
Nkinyi akitungu’shi tukite kubanga binobino?—Verse 34.
Mayi ayokyelwe e mu Misambo 37 aalesha patoka abikekala nshalelo a baba booso ‘abakulupila kwi Yehowa, [na] abalam’eshinda dyaye’ mu mafuku aafiki. Ba Temwe ba Yehowa be na muloo wa nkukwasha bwa kulonga Bible na bwa kulonga kyodya kukita bwa’shi obe mpa na bantu bodi mufule nukekale na nshalelo e buuwa mu mafuku aafiki.