“Bufumu bwobe bufikye”—nduteko lwabakwete kwambuula kwi midiyo ya bantu
T’obopwile kuteka bwa’shi Bufumu bw’Efile Mukulu bufikye su? Takudi bipwa nkama, bantu midiyo bakwete kwambuula bino bishima: “Bufumu bwobe bufikye.” Bwakinyi bakwete kuteka byabya? Mwanda Yesu balungwile balongi baaye bwabadya kuteka Bufumu bw’Efile Mukulu.
Ku mbangilo, balongi ba Yesu tababadi abapusha myanda yooso ibakwile Yesu pabitale Bufumu nya. Abamwipwishe’shi: “Mwanaana, binobino ngi abikumbana nguba ookakituula [kwalushuula] bufumu bwa bena Isaleele su?” Abimweneka’shi babakaanyine pabakutshilwe Yesu kwibapa lwaluulo musango umune. (Bikitshino 1:6, 7) Byabya abipushika’shi tatwi bya kupeta ngaluulo ku nkonko yetu pabitale bufumu su? Nya, tabi byabya!
Kino Kitenta kya Mulami akikyebe nkukwasha bwa kupeta ngaluulo ku ino nkonko ayilondo:
Bwakinyi twi na lukalo lwa Bufumu bw’Efile Mukulu?
Nnanyi Nfumu a Bufumu bw’Efile Mukulu?
Bufumu bw’Efile Mukulu abukamunu pa nsenga nsaa kinyi?
Bufumu bw’Efile mukulu abukakitshi kinyi?
Bwakinyi kusangula bwa kukwatshishena Bufumu bw’Efile Mukulu kubanga binobino?
Bufumu bw’Efile Mukulu nkinyi?