Mushindo wa kubanga mwisambo (Su jurnale a Kisonge te kwanka, nwate a Fwalanse)
Bwa kubanga kulonga Bible na muntu mu dya Mposo dya kumpala mu mweshi wa Mwanda
“Muntu ooso e na nsaa kampanda yelaa nteko. Ingi nsaa mpa na baaba bashy’abakumina shi Efile e kwanka abelaa nteko nsaa yabadi mu masaku. Opwandikisha shi Efile Mukulu ateemeshaa nteko yooso?” Mutadiile aluule. Muleshe kipusu kya kunyima kwa Kitenta kya Mulami kya 1/7, na nutaluule lwaluulo lwa lukonko lwa kumpala na kubadika sunga verse umune a ku yaaya yabadi batemune mwanka. Mupe jurnale, na wepushene naaye bwa kwalukiila mu kumutala bwashi nutaluule lungi lukonko alulondo.
Kya kuuka: Abitungu kukita kileshesho pabitale mushindo wa kulesha uno jurnale mu kisangilo kyanukitshi bwa kwenda mu bulungudi mwifuku dya 3/8/2013.
Kitenta kya Mulami 1/8
“Tubafiki mu kwinutala bwa nsaa ipela mwanda tubapusha shi bantu bebungi abedidi pabitale mushindo upalakane pornografi. Kadi, bangi namu abamono shi pornografi te masaku nya. Obe opwandikisha naminyi? [Mutadiile aluule.] Yesu bambile shi twi balombeene kushinguula su kintu kampanda ki buwa sunga bubi muyiile bikuba byakyo. [Badika Mateo 7:17.] Uno jurnale alesha bikuba bya pornografi. Etupa dingi binangu bikumbeene kwitukwasha bwa kuleka kiubishi kya kutala pornografi.”
Réveillez-vous ! Mweshi wa 8
“Bebungi ba kwatudi be na lukalo lwa kwikala na muwa munda mwa bipwa bibungi. Opwandikisha shi bintu byabadi batuushe kwi bantu ba sianse mbilombeene kwitukwasha bwa kwikala na muwa bwa looso? [Mutadiile aluule.] Tala uno mulayilo ukata. [Badika 1 Beena-Kodinto 15:26.] Mushindo kinyi aukyebe Efile Mukulu kukumbasha uno mulayilo: nku bukwashi bwa sianse su mu ungi mushindo? Na bwakinyi tukwete kununupa na kufwa? Uno jurnale alesha mushindo wi Bible aluula ino nkonko.”