Mbantu kinyi bakwete kukita akikyebe Yehowa lelo uno?
1. Ndubingo kinyi lwatubanga kulonga broshire Mbantu kinyi bakwete kukita akikyebe Yehowa lelo uno? na akwitukwasha mushindo kinyi?
1 Kubanga mu lubingo lwa 28/10, atwikala atulongo broshire a Mbantu kinyi bakwete kukita akikyebe Yehowa lelo uno? mu Kulonga kwa Bible mu kakongye. Uno broshire mupya, baadi mutuukye ku kikongeno kya distrike ‘Bamba eshimba dyoobe kalolo!’, mufundjibwe bwa kulesha bantu bi ndumbulwilo a Yehowa. Kutaluula uno mukanda takwitukwasha penda bwa kwata ndumbulwilo a Yehowa na muulo kadi akwitukwasha mpa na bwa kwiubidishena na uno mukanda awitukwasha ngofu mu mudimo wa bulungudi.—Mis. 48:13.
2. Mushindo kinyi watukyebe kulonga uno broshire mu kakongye?
2 Mushindo watukyebe kumulonga: Abitungu shi mukunkushi atshibuule nsaa kalolo bwa kwisambila kipindji kyooso kalolo. Akyebe kubanga malongyesha 28 ooso na lukonko lwi bu mutwe wa mwanda. Akupu, akyebe kulungula yawa abadika bwashi abadikye paragrafe a mbangilo. Kunyima, yawa akunkusha akyebe kwela bantu lukonko lwadi mulumbuule bwa kubanga nalo. Akupu, abitungu kubadika kipindji kyooso akibanga na mayi e mu maleta akata afita na kwela nkonko pabitale kyakya kipindji. Kunyima kwa kubadika kipindji, mukunkushi ayipusha bantu bwashi baleshe mushindo wi kino kipindji akyaluula lukonko lwa mutwe wa mwanda wa mwisambo wanulongo. Broshire e na dingi bifwatulo bibungi byanudi balombeene kwisambila. Nwi kubadika angi maverse su kwi nsaa. Kumpala kwa kwenda ku mwisambo aulondo, mukunkushi akyebe kwela nkonko i kuushi kw’esaki bwa kwambuula myanda ikata. Su mwi kashibo ka “Bwa kuuka ingi myanda,” abitungu kwikabadika, akupu ayipusha bantu bwashi baleshe mushindo wi myanda i mwanka ikumbeene kukwasha mulongi a Bible su batumikila myanda i mwanka. Su kukii nsaa, ku nfudiilo mukunkushi mukumbeene kwela dingi lukonko lwa mutwe wa mwanda bwashi bantu bambuule myanda ibaabalongo. Ukayi shi tabitungu kukitanga nka byabya panwilongyela ku nshibo nya.
3. Kinyi kyatudi balombeene kukita bwashi kulonga kwa uno broshire kwitukwashe?
3 Bwashi kuno kulonga kwitukwashe, abitungu twikale atwilumbuula kumpala kwa kufika ku bisangilo. Twitatshishe bwa kwaluula ku nkonko. Nsaa yatukwete kulonga, twikale atwele binangu pabitale mushindo wi myanda yatulongo kukwasha balongi ba Bible. Kulonga kwa uno broshire mupya kwitupe mushindo wa kukwasha bantu bwashi besangye netu mu kukita kwa akikyeb’Efile Mukulu bwashi abo namu bekale na lukulupilo lwa kwikala na muwa wa looso.—1 Yowano 2:17.