Kampanye ka Kitentekyesho akabanga mu 22/3

Kino kipwa kampanye ka kwitamina bantu bwabadya kutwela mu Kitentekyesho akabanga mu dya Mposo 22/3. Bantu booso mbatekiibwe bwa kufuba ngofu. Mu dya Mposo twi balombeene dingi kwabila bantu ma jurnale a wawa mweshi su kwi mushindo. Mu dya Mposo dya kumpala dya mweshi wa Kananka, atwimeena nka penda mu kwabila kwa masaki a lwitamino pamutwe pa kubanga kulonga Bible na bantu. Byabya, su twafumankana na muntu aleesha lukalo lukilekile, twi balombeene kushaala na kubanga kulonga naye Bible. Mukunkushi a mudimo mmulombeene kuleesha su kwabila masaki a lwitamino nsaa yatulungula mukandu wibuwa mu ma mbalo e bantu bebungi nkulombeene kukwasha kakongye bwa kulambukisha bantu bebungi ba mu teritware aabo. Kita liste a bantu booso bweukeena nabo bu beena kifuko nobe, beena mudimo nobe, balongi nobe, na bangi bantu bwalukilaa mu kutala bokumiina kwitanyina, na webape masaki a lwitamino nsaa ayibanga kampanye. Atukulupila shi bantu bebungi abakyebe kufika kwatudi bu byatusangeela myanda ibidi ikata ya kifulo.​—Yowano 3:16; 15:13.