Kwitamina bantu mususa umune

1. Kwabila kwa bantu masaki a lwitamino bwa ku kikongyeno kya mafuku asatu akubanga mafuku kinyi?

¹ Su okwete kulumbuula kyakudya ki pabwakyo bwa bakuuku bobe sunga beena kifuko, bwa kwibikita abikutungu makuta ebungi na kwitatshisha ngofu bwa kwibiteeka, abitungu wekale na katshintshi ke byabya nsaa ywabila bantu masaki a lwitamino lwa ku kikongeno kya mafuku asatu. Mu mushindo umune, kwi midimo ibungi yatubabanga kukita bwa kulumbuula bidiibwa bya mu kikudi abitungu nkatuusha mu kikongeno kya mafuku asatu. Mbingo isatu kumpala kwa kikongeno kyetu, Yehowa betupa bushito bwa kwitamina bantu booso bwabadya kupetekyelwa mwanka. Nkinyi kilombeene kwitukwasha bwatudya kwabila masaki a lwitamino na katshintshi kooso?

2. Nkinyi akitutakula bwatudya kwipaana ngofu mu kwabila kwa masaki a lwitamino?

² Twi balombeene kufuba ngofu mu mudimo wa kwabila kwa masaki a lwitamino su atuleesha lutumbu pa wawa mwanda, mushindo watupete bukwashi abutuukila ku kidibwa kya mu kikudi akitupa Yehowa ku bikongeno. (Yesh. 65:13, 14) Abitungu tushinguule dingi shi kampanye keetu ka ku kipwa kyooso akatushaa bipeta bibuwa. (Tala kashibo kabadi bafunde shi: “Bipeta byatudi bapete.”) Bangi bantu batukwete kwitamina abatwele netu mu kikongeeno kadi bangi abapele. Pabitale bungi bwa bantu abafiki mu kupetekyelwa, abimweka shi, mufubo wi bukopo watukwete kukita mu kampanye autumbisha Yehowa na kuleesha kalolo kaaye.—Mis. 145:3, 7; Bif. 22:17.

3. Mushindo kinyi autungu kwabila masaki a lwitamino?

³ Kasaka kooso ka bakulu akaleesha mushindo awabila kakongye kaabo masaki a lwitamino, na pa bitale mushindo wa kuleka ku mashibo a bantu bashii kwanka sunga nsaa yabakwete kulungula mukandu wibuwa mu ma mbalo e bantu bebungi e mu teritware eenu. Su kwi mushindo, mu ma dya Mpooso nwibalombeene kuleesha bantu ma jurnale pamune na masaki a lwitamino. Kunyima kwa kampanye, muloo kinyi watwikala nawo wa kuuka shi atwikalanga bafube na muloo ooso na shi atwikalanga betanyine bantu bebungi bwabadya kufika na shi bantu be bungi abekalanga bafikye twapetekyelwa nabo mu kidibwa kya mu kikudi kyabadi betupe kwi Yehowa!

Bipeta byatudi bapete

Kunyima kwa kwabilanga masaki alwitamino takudi bipwa bipeela, ungi mukwetu mukashi baadi eyipusha su byooso bibaadi akitshi bibaadi na muulo. Baadi eyipusha shi: ‘Bano bantu abakumiina kwenda na nkapetekyelwa netu mu kikongeno?’ Mu kingi kikongeno mu dya Mpooso kumpala kwa midi, aye nkumona ungi nsongwalume a mu kipwilo kya Sikh mmushaale peepi naye, ndjo yawa mukwetu mukashi bende mu kwilubula kwadi. Abimweka shi uno nsongwalume baadi mufikye ku kikongeno mwanda baadi mupete esaki dya lwitamino. Yawa nsongwalume baadi na nkonko ibungi ibaadi yawa mukwetu mukashi mulombeene kwaluula. Baadi mwakule pabitale mushindo ubaadi umusangashe yawa programe na bibaadi mukanye pabitale nfwadilo na mwikeelo wa bantu abaadi mu kikongeno. Anka dyadya efuku dimune nsaa ibapu kukila, yawa mukwetu mukashi nkubanga mwisambo na bangi beena dibaka abaadi bashaale peepi naye. Abaadi bapete n’abo namu dyabo esaki dya lwitamino na abo nkufika ku kikongeno. Abaadi basangeele kikongeno na baata mpàngo ya kufika dingi mu dya Lubingo. Nka paapa yawa mukwetu mukashi nkushinguula muulo wi nawo mudimo wetu wa kwitamina bantu ku kipwa kyooso.
Ku kikongeno kikile’ki, ungi mulume na mukashi aaye bekale ba mbaala-mashinda ba myeshi yooso abekalanga belubule kwi bangi beena dibaka batabadi bakulu. Bano beena dibaka abaleesha shi nyi musango wabo wa kumpala wa kufika ku kikongeno. Baaba ba mbaala-mashinda kwibepusha shi: “Nanyi ekalanga mwinwitamine?” Abo nkwibaluula shi: “Dingi efuku, patwikalanga balukiile ku nshibo, tupetele esaki dya lwitamino muushi mwa kiibi kyetu.” Abo nkubadika lwitamino na musango umune abo nkuusha mbalo i kunyima kw’esaki dya lwitamino ayibatekye adrese yabo. Bangi Batemwe abekalanga ku kikongeno nkudya pamune na yawa mulume na mukashi kidibwa kya midi. Abekalanga basangeele programe ngofu abo nkwata na kitshibilo kya kufika dingi butookye. Kubaadi kwatshibwe mpàngo ya nkebatembela na kwenda mu kwibakimbuula.