Mushindo wa kubanga mwisambo (Su jurnale a Kisongye te kwanka, nwate a Fwalanse)

Bwa kubanga kulonga Bible na muntu mu dya Mposo dya kumpala dya mweshi wa Kasatu

“Tukwete kumona bantu bwa kapindji kapeela mwanda kwi kintu akikyebe kukitshika mu 14/4. Dino efuku dya mweshi nyi efuku dya kitentekyesho kya lufu lwa Yesu. Bangi bantu abakapetekyelwa ku kyakya kitentekyesho mwanda abapusha shi lufu lwaye lubaadi na muulo ukata. Bangi tabauku akipatuula lufu lwa Yesu. We mulombeene kunangusheena shi lufu lwa Yesu alwitukwasha atwe booso su?” Mutadiile aluule. Muleshe kunyima kwa Kitenta kya Mulami kya 1/3, na nutaluule pamune myanda i mushi mwa lukonko lwa kumpala na kubadika verse umune a ku aa abadi baleeshe paapa. Mupe ma jurnale, na wepusheene naye bwa kwalukila mu kumutala bwashi nutaluule lungi lukonko alulondo.

Kitenta kya Mulami 1/3

“Bantu bebungi bakwete kwiyipusha bwakinyi Efile Mukulu ta mufudiishe makyenga na kukutwa kwa kululama mu nsenga. Omono shi mpa mwanda wa shi Efile Mukulu t’akalwilaa bantu su mpa mwanda wa shi aye kwete kumona shi bibuwa bantu bakyengye? [Mutadiile aluule. Akupu obadikye Yowano 3:16.] Sunga mbyabidi shi bantu bebungi abamono uno verse shi Efile Mukulu akalwilaa bantu, tambashinkamishe shi lufu lwa mwan’Efile Mukulu lelo uno lwi na muulo kwabadi. Uno jurnale apatuula mushindo wi lufu lwa Yesu alupetesha mushindo wa kufudiisha kukutwa kwa kululama na dikyenga pa nsenga.”

Réveillez-vous ! Mweshi wa 3

“Tukwete kutala bantu bwa kapindji kapeela bwashi tutompe kutaluula mpushisho e bubi e naye bantu bebungi pabitale uno verse a mu Bible. [Badika Kibangilo 1:1.] Bangi bantu abakumina bino shi eyilu na nsenga mbebipangye, bangi namu abapele. Mbande nkwipusha, obe namu omono naminyi? [Mutadiile aluule.] Bantu bebungi mbapele kukumiina shi bintu mbebipangye mwanda bakata ba bipwilo abalongyesha myanda yabashii bakule kwi Bible. Uno jurnale alesha myanda ya Bible ikale ya binyibinyi na ayilondo mu mulongo wa ku mbangilo kwa nsenga na kw’eyilu.”