Mushindo wa kubanga mwisambo (Su jurnale a Kisonge te kwanka, nwate a Fwalanse)
Bwa kukita kampanye ka kwabila masaki a lwitamino lwa ku Kitentekyesho
“Tukwete kwitanyina bantu pabitale mwanda wi na muulo ukata aukyebe kukitshika. Mu 3/4/2015 midiyo ya bantu be mu nsenga abakyebe kwibunga bwa kutentekyesha lufu lwa Yesu Kidishitu na kulonda buntu mwisambo wa mu Bible pabitale mushindo waludi lulombeene kwitukwasha. Dino esaki dya lwitamino adileesha mbalo na nsaa ayikyebe kukitshika kisangilo mu mbalo yatudi bashaale.”
Kitenta kya Mulami 1/3
“Efuku dya 3/4/2015 nyi efuku dya kitentekyesho kya lufu lwa Yesu Kidishitu. Bantu bebungi abakapetekyelwa mu dino efuku bwa kutentekyesha, kadi bangi abanangushena shi lufu lwa Yesu t’alwitukwasha nya. Obe namu omono naminyi? Omono shi lufu lwa Yesu na lusangukilo lwaye abitukwasha namu su? [Mutadiile aluule.] Talanga akyakula Eyi dy’Efile Mukulu pa bitale uno mwanda. [Badika 1 Beena-Kodinto 15:22, 26.] Uno jurnale esambila pabitale myabi i kumpala ya mu mulambu wa nkuulo ya Yesu—nyi nkwamba shi kwi efuku dish’adikafu muntu sunga ngumune pa nsenga.”
Réveillez-vous ! Mweshi wa Kasatu
“Tukwete kutembele bantu bwa kapindji kapeela bwa kwibaleesha uno Réveillez-vous! [Muleeshe pa kipusu.] Muntu ooso e na aaye mweneno pabitale luno lukonko lwa kumpala alwamba shi: ‘Efile Mukulu e kwanka su?’ Mu koobe kumona, basha mmweneno e buwa bwa myanda i ku meeso—mbano bakumiine mwi Efile Mukulu su mbano bashii bakumiine? [Mutadiile aluule.] Kwi mulayilo aufiki kwi Efile Mukulu aupa bantu bebungi lukulupilo. [Badika Misambo 37:10, 11.] Uno jurnale apatuula tubingilo tunanka twa kutaluula su Efile Mukulu e kwanka.”