Tulongamishe mudimo wetu wa bulungudi—Kulumbuula mayi eetu a mbangilo
Bwakinyi bi na muulo: Su mbangilo eetu a mwisambo t’ebwesha lukalo mwi muntu, sha-nshibo mmulombeene kwitutshiba mwisambo kumpala kwashi tumulungule mukandu wibuwa. Byabya, balungudi ba mukandu wibuwa bebungi abataa bishima byabo bya mbangilo bu nkipindji kyabo kikata kya ku mushindo wa kubanga mwisambo na muntu. Sunga mbyabadi batuushe mishindo ya kubanga mwisambo na bantu mu Mudimo Wetu wa Bufumu na mu mukanda wa Comment raisonner, tabilombasha mbangilo ebuwa a miisambo yooso, mu mushindo wa kwitukwasha bwa kubanga miisambo ilekeene lekeene nya. Sunga twapeta mayi a mbangilo ooso mulombane mu mukanda, balungudi mbalombeene kwibilumbuula sunga kukimba mayi a mbangilo abo’bo banabeene. Byabya, su twalumbuula kalolo bishima byetu bya mbangilo atupete bipeta bibuuwa pamutw’a kwakula kyooso akitufikila mu mutwe nsaa ayibaula sha nshibo kiibi.—Mye. 15:28.
Ebitompeyi munda mwa wawa mweshi:
Panudi mu lulangwilo lwa mu kifuko, ata ingi nsaa bwa kulumbuula na kutompa mushindo wa kufuba na bishima bya mbangilo.
Nsaa yoodi mu mudimo wa bulungudi, lungula mwin’oobe oodi naye myanda y’opwandjikisha kwakula bwa kubanga mwisambo. (Mye. 27:17) Shintuula bishima byoobe bya mbangilo su t’abikumu bantu ku mashimba.