Tulongamishe mudimo wetu wa bulungudi—Pa kwituula pa mbalo ya muntu
Bwakinyi bi na muulo: Yesu baadi etatshisha bwa bantu, na baadi ebalesha kifulo na kwituula pa mbalo ya muntu pa bupenka. Bu kileshesho, ungi mususa pangi Yesu bamwene shi yawa mpudi-matwi e na buufu, ndjo bwakinyi nsaa ibamupashishe, bayile naye ku lupese, kula na mbalo ibadi kisaka kya bantu. (Mak. 7:31-35) Baadi munemekye balongi baye p’aye kushinguula myanda yabashii balombene koobesha sunga kupela kwibalongyesha myanda ikile bungi. (Yo. 16:12) Sunga taadi mwiyilu, Yesu kwete kwitatshisha bwa muntu ooso pa bupenka. (2 Tim. 4:17) Bu byatudi balondji ba Kidishitu, abitungu tumwifwane. (1 Mp. 2:21; 1 Yo. 3:16, 18) Na dingi, atukafubu kalolo mudimo wetu wa bulungudi su tubetuulu pa mbalo ya bantu na kufunda myanda imutale bu mbalo ibatumupete, myanda ibamusankisha, na myanda imukalakashe. Akasangeela kwitutemesha ngofu su bapusha shi tatwi bafwile penda bwa kulombasha mudimo wa kulungula mukandu sunga kumulekyela mikanda, anka, tukwete kwituula pa mbalo yaaye na atwitatshisha bwaye pa bupenka.
Ebitompeyi munda mwa wawa mweshi:
Kitayi bileshesho mu lulangwilo lwa mu kifuko, sunga nsaa ya kwenda mu bulungudi, mwi mulungudi ashintuula mayi aaye a mbangilo bwa kwisambila mwanda ubakula muntu esamba naye.
Mu bisangilo bya kumpala kwa kwenda mu bulungudi, mukwetu akunkusha mmulombeene kwisambila sunga kukitshisha kileshesho akileesha mushindo wa kwituula pa mbalo ya muntu.