Tulongamishe mudimo wetu wa bulungudi—Kufuba na mukanda wa Akilongyesha Bible bwa kuleesha muntu bya kulonga Bible

Bwakinyi bi na muulo: Nsaa y’atwakula kulonga na muntu Bible buntu kwaye ku nshibo, bantu be bungi ta mbalombeene kupusha kyabakula nya. Mbalombeene kunangusheena shi abende bu mu kalasa. Pa mutwe pa kuteka muntu bwashi nulongye naaye, bwakinyi tanwibalombeene kumuleesha musango umune bya kulonga Bible? Nka penda mu minite ipeela, sunga nsaa y’olongo na muntu bwimane, we mulombeene kumuleesha mushindo ubofule a aumunyingisha wadi mulombeene kulonga Bible.

Mushindo wa kwibikita:

Kunyima kwa kwilubula kwadi, ipusha yawa muntu su ekalakashaa bwa myanda ikii kumpala.
Muleeshe shi bantu bebungi be na yawa mweneno e byabya, na omuleeshe myanda i mu mukanda wa Akilongyesha Bible. Mupatulwile shi uno mukanda wi na malongyesha abofule kupusha aaleesha akilongyesha Bible pa bitale myanda i kii kumpala na ingi myanda, na omwipushe shapitre bamukumu kwishimba.
Mupe waye mukanda na nwende musango umune ku yawa shapitre abasangula. Mupatulwile shi nkonko i kumbangilo kwa shapitre mbeyaluule mu ma paragrafe e kuushi.
Teka yawa muntu bwashi abadikye paragrafe a kumpala su mmulombeene kubadika. Akupu obadikye lukonko lwa yawa paragrafe, na nutaluule naye lwalulo pamune. Kimbaayi na kwisambila pa maverse abadi baleeshe aaluula ku lukonko. Muleeshe mushindo oodi mupete myaluulo mu oobe mukanda.
Taluulayi paragrafe alondo, kadi yaaya nsaa teka yawa muntu bwashi atompe kwaluula ku lukonko mu bishima byaye’ye nabeene.
Mutumbule, na nwate mpàngo ya kwalukiila bwanudya kupudisha dilongyesha.
Su kwi mushindo, kaka binangu byaye ku video e mu jw.org e na mutwe wa mwanda awamba shi: Comment se passe un cours biblique?

Ebitompeyi munda mwa wawa mweshi:

Tekayi bwashi Yehowa eelele byoso byanukwete kwitatshisha myabi bwa kupeta bantu bapya ba kulonga nabo Bible.—Fid. 2:13.
Tompayi kuleesha mushindo wa kulonga Bible na muntu nufube na mukanda wa Akilongyesha Bible, sunga kuleesha video a Comment se passe un cours biblique? Nsaa yooso yanwende mu bulungudi, tompa kufuba na kintu kimune kya ku bino bi pano.