We mwilumbuule bwa Kitentekyesho su?

Kubaadi mwifuku dya 13 dya mweshi wa Nisane kipwa kya 33 bipungo byetu (B.B.) Yesu nkushinkamisha shi kyakya ndjo kyolwa kya nfudilo kya kushaala na bakuuku baaye ba p’eshimba kumpala kwashi bamwipee. Bibaadi abitungu shi akite kidibwa kyaye kya Lukilo nabo na nka paapa, aye nkutuula kitentekyesho kipya, Kidiibwa kya Mwanana. Kino nkipindji kibaadi na muulo ukata, bibaadi abitungu kwilumbuula. Ndjo aye nkutuma Mpyeele na Yowano bwa kulumbuula bintu. (Luk. 22:7-13) Kipwa kyooso, bii na muulo bwa beena Kidishitu be na lukalo lwa kukita Kitentekyesho bwabadya kwilumbuula bwa uno mwanda. (Luk. 22:19) Mbintu kinyi bii na muulo abitungu shi tulumbuule bwa Kitentekyesho ki mu 3/4/2015?

Kwilumbuula kutale bakulu:

Abaata mpàngo ya kukitshiina mu Nshibo ya Bufumu sunga ingi mbalo. Abitungu kwikale ma mbalo a kushaala alombane, etaata dibuwa, na kapapi ke buwa. Abelumbuula bwa kupeta mbalo ilumbuule kalolo kumpala kwa nsaa.
Abasangula muntu auku kukita mwisambo kalolo, mukunkushi, na bakwetu abele nteko bwa nfinyo na mukate.
Su kwi kangi kakongye akakyebe kukitshiina mu yaaya mbalo imune, kunkushayi bisangilo mu mushindo washi nutwele na kutuuka pa nsaa bwa kulekyela bangi mbalo ya kutuula yabo myotoka.
Abasangula na kulumbuula bantu abakuukila beenyi na abatshisha nfinyo na mukate.
Abaata mpàngo ya kupeta nfinyo na mukate bilombanyinyine, mpa na malonga aalame, na bilaudi, mesa e buwa, kilamba kya ku mesa.

Kwilumbuula kutale balungudi:

Abelumbuula bwa kwipaana mu kwabila kwa masaki a lwitamino lwa ku Kitentekyesho.
Abafundu mashina a bantu babalongaa nabo Bible, bakwabo, balongi nabo, beena mudimo nabo, na bangi bantu babasepaa nabo, bwa kwibetamina.
Ababadika na kunangusheena pa maverse a Kitentekyesho.
Abafiki ku Kitentekyesho kumpala bwa kukuutshila bantu babekalanga betamine.