Okwete kwilumbuula bwa Kitentekyesho su?

Kidibwa kya lukilo kya nfudilo kya Yesu kibaadi na muulo ukata. Pamwanda wa’shi lufu lwaye talubaadi peepi, Yesu baadi mulumbuule bwakudya Pasaka na batumibwa baye, na aye nkukita kidibwa kya kutentekyeshanga ku kipwa kyoso kyabetanyina bu Kidibwa kya kyolwa kya mwanana. Na batumine Mpyele na Yowano bwabadya kulumbuula kadimbo. (Luk 22:7-13; tala kifwatulo kya ku kipusu.) Bino abitutentekyesha muulo wa kwilumbuula bwa Kitentekyesho ki mwifuku dya 27 dya mweshi wa Kasatu. Na tukongye ntulumbuule akitshi mwisambo, mukate na nfinyo, na ingi myanda ayitungu. Anka, nkinyi kyatudya kukita pa bupenka bwa kwilumbuula bwa Kitentekyesho?

Lumbuula eshimba dyobe. Badika na kunangushena muyile programe a kubadika kwa Bible bwa Kitentekyesho. Yawa programe e mu ka mukanda ka Tutaluleyi Bifundwe efuku dyooso. Bwa kuuka myanda ibungi, we mulombene kutala shapitre 16 a Mukanda aukwasha bwa kulonga Eyi dy’Efile Mukulu. (Tala dingi mwisambo wi mu Programe a Bisangilo bya Bwina Kidishitu na mudimo wetu a mweshi wa kananka 2020.) Bifuko mbilombene kupeta myanda ya kutaluula mu lulangwilo lwabo lwa mu kifuko pabitale muulo wa nkuulo mu mukanda wa Index des publications des Témoins de Jéhovah sunga Mukanda aukwasha ba Temwe ba Yehowa bwa kukimbuula myanda.

Itanyina bangi bwa kutwela. Kwatshishena kampanye ka kwitanyina bantu ku Kitentekyesho. Nangushena pabitale bantu bodi mulombene kwitanyina, bu bantu bwalukiilaa mu bulungudi, balongi bobe ba Bible ba kala, bantu bwewukena nabo, na bena kifuko nobe. Abitungu bakulu bashinkamishe’shi mbetanyine boso bashaa balungulaa dingi mukandu wibuwa na kutwela mu bisangilo. Tentekyesha’shi su muntu nta mushale mbalo yanudi, we mulombene kupeta nsaa na mbalo ayikitshika Kitentekyesho pa mbalo yadi mushale pa kutwela mu jw.org pa mbalo ifunde’shi TWI BANTU KINYI na kusangula mbalo ifunde’shi “Kitentekyesho.”

Nkinyi dingi kyatudi balombene kukita bwa kwilumbuula?