Tulongamishe mudimo wetu wa bulungudi—Kulambukisha bantu abesamba lungi ludimi

Bwakinyi bi na muulo: Yehowa etatshishaa ngofu bwa nshalelo a mu kikudi a bantu ba “mîlo yôso.” (Bik. 10:34, 35, EEM) Nyi bwakinyi Yesu baadi mupwe kuleesha shi mukandu wi buwa aukalungulwa “pa nsenga yoso ishaadibwe” na “maumbo ooso.” (Mat. 24:14, Kilombeno kipya 2014) Zakarii batemukile shi bantu “ba ndjimi îlekêne na ba mîlo îlekêne” abakakumiina mukandu wi buwa. (Za. 8:23, EEM) Muyiile kimonwa kya Yowano mutumibwa, mu baaba abakatukila ku mpombo ikata amwikala bantu “ba kwiumbo dioso na kisaamba [kioso] na mwiilo na ndjimi [yoso].” (Bif. 7:9, 13, 14, Kilombeno kipya 2014) Pabitale bino byooso bibatukatuka mu kwakula, nsaa y’atufumankana na muntu mu teritware eetu kwete kwakula lungi ludimi, twi balombeene kutompa kumulungula mukandu wi buwa.

Mushindo wa kwibikita:

Ikala mwilumbuule. Mu kibuta kyobe kya bulungudi tamukutwanga ka mukanda ka Une bonne nouvelle pour des gens de toutes nations. Ikala mupwe kwiubidisheena na myanda i mu mbalo yabadi bafunde shi “Mushindo wa kukwasha bantu abakula lungi ludimi,” i ku mbangilo kwa kano ka mukanda. Nangusheena pabitale ndjimi yoodi mulombeene nkafumankana nayo, na ata video sunga mikanda ya mu yaaya ndjimi ku Internet mu jw.org ku bukwashi bwa kamo koobe ka ku maasa. Taluula mushindo wa kufuba na Application JW Language bwa kulonga myaku iipi. Su tukongye twa ingi ndjimi tukwete kulambukisha mu yawa teritware umune, ata mikanda nka penda ya ludimi loobe nsaa ywende mu bulungudi bwa ku nshibo na nshibo. Anka, nsaa ywende mu bulungudi bwa mu mbalo i bantu be bungi mwabakwete kwakula ndjimi ibungi, ata mikanda ya mu yaaya ndjimi yoodi mulombeene kufumankana nayo.
Nsaa y’ofumankana na muntu sh’akula ludimi lobe, etatshishe moobe mooso bwa kwisamba naye “myanda ya kukaanya y’Efile Mukulu” mu ludimi lwaye. (Bik. 2:11) Muleeshe shi, bwa kuuka ingi myanda ya mu ludimi lwaye, mmulombeene kutwela mu jw.org. Su baleesha lukalo, uusha bukidi esaki dya Veuillez suivre l’intérêt (S-43-F) na wedipe mufundji a mu kakongye keenu. Tungunuka na kutembela yawa muntu muleeshe lukalo mpa na nsaa iyimweka balungudi abakula ludimi lwaye.

Ebitompeyi wawa mweshi:

Mu Lulangwilo lwenu lwa mu kifuko alulondo, kitayi kileshesho kya mulungudi alambukisha muntu sh’akula edimi dyenu.