Kufuba pamune bwa kulungula mu teritware abesamba ndjimi ibungi

Misusa ibungi bantu abatambulaa mukandu wa Bufumu bukidibukidi nsaa yabeupusha mu ludimi lwabo lwa butandwa. Pangi nyi bwakinyi mu Pentekote a mu 33 B.B., Yehowa batshile mpàngo ya’shi, “beena Yuuda ba kishima mu balangwidi babakatukilanga mu bisamba byoso” bapushe mukandu wibuwa mu “ludimi lwa kwabo,” sunga mbibabadi abakula ludimi lwabesamba kwi bantu boso, bu kina Ebelu na kina Greeke. (Bik 2:5, 8) Lelo uno mu mbalo yabesamba ndimi ibungi, tukongye atukitshi bisangilo mu ndimi ilekene ntulombene kwikala na teritware e mbalo imune. Mushindo kinyi ukumbene balungudi ba mu twatwa tukongye kufuba pamune bwa kutusha bu kamonyi kushi kwalukila ku nshibo imune misusa ikile bungi bilombene kulwisha basha nshibo ku mashimba?

• 

  Esambeyi (Nki 15:22): Bakunkushi ba mudimo, bibuwa besambe pamune bwa kuuka bilombene mulungudi ooso a mu kakongye kukita bulungudi kushi lukalakashi. Su tabee na teritoire mukata, tukongye atulungula mu lungi ludjimi twi kwikala na lukalo lwa’shi nutumpikye mashibo a bantu abesamba ludjimi lwa kakongye kabo be mu teritware abo. Byabya, su ta be na mushindo wa kwisamba na bantu be mu teritware abo mushima mwanda mbapalakane ngofu, be kwinuteka bwashi tanutumpikanga aa mashibo kadi nwikale anwibalungula su kwi muntu esamba ludjimi lwa kakongye kabo asankila bya binyibinyi. (od 93 ¶37) Sunga’shi, be kwinuteka bwashi kakongye kenu kebakwashe bwa kupeta bantu abesamba ludjimi lwa kakongye kabo bwabadya kufunda ma mbalo abadi bashale mu teritware abo. (km-F 7/12 5, kashibo) Lamina’shi, mu nshibo imune mwi kwikala bantu abesamba ndjimi ibungi. Mpàngo ya kulungula mu yawa teritware abitungu ipushene na miiya itale byanufubishaa myanda itale bantu ba mu dyadya eumbo.

• 

  Fubayi pamune (Ef 4:16): Londa myanda yabakulungula kwi mukunkushi a mudimo enu kalolo. Okwete kulonga Bible na muntu akumina kulonga mu ludjimi lushii lwa kakongye kenu su? Yawa mulongi mmukumbene kwenda kumpala mususa umune su bwata mpàngo ya’shi muntu a mu kakongye sunga kisaka akisamba ludjimi lwaye alongye naaye Bible.

• 

  Elumbuule (Nki 15:28; 16:1): Su mwina nshibo a mu teritware eenu esamba lungi ludjimi, etatshishe bwa kumulungula mukandu wibuwa. We kwilumbuula nsaa yobadiila kuuka ndjimi ayisambaa bantu mu teritware eenu, na nsaa ywata mu kamo kobe Bible na ma video ku Internete mu lwalwa ludimi. We kufuba dingi na application a JW Language bwa kulonga mushindo wa kusema bantu mu ingi ndjimi.