Ebalongyeshe bwabadya kutungunuka na kufubila Yehowa

Myanda yatudi bamone ayilesha shi balungudi bapya babadi balongyeshe kubanga ku mbangilo byabadya kwikala abalungula misusa yoso na katshintshi, abalungulaa mukandu wibuwa kalolo. (Nki 22:6; Fid 3:16) Talayi mayele anudya kufubisha bwa kukwasha balongi benu ba Bible bwabadya kwikala na kitako kibuwa mu mudimo wa bulungudi:

• Su abakumiina mulongi oobe bwadya kwikala mulungudi shi mubatshishibwe, banga kumulongyesha. (km-F 8/15 1) Muleshe muulo wa kwikala na kyubishi kya kulungulanga lubingo loso. (Fid 1:10) Mulungule myanda ibuwa ya mu teritware. (Fid 4:8) Munyingishe bwadya kulungula pamune na mukunkushi a kasaka ka bulungudi na bangi balungudi bwadya kuukila ingi myanda kwabadi.​—Nki 1:5; km-F 10/12 6 ¶3

  

• Su mulongi oobe babatshishibwa, tokookanga kumunyingisha na kumulongyesha mu mudimo wa bulungudi, bikishekishe su tabandjile kupudisha mukanda wa “Kifulo ky’Efile.”​—km-F 12/13 7

  

• Nsaa yanudi mu bulungudi na mulungudi mupya, banga mwisambo na muntu mu kipaso kipelepele. Kunyima omutemeshe namu byabanga mwisambo na muntu, akupu omutumbule bikata. Mupe angi mayele alombene kumukwasha bwa kufuba kalolo.​—km-F 5/10 7