NSHALELO A BWINA KIDISHITU

Yehowa mmufule bantu be na mankenda

“Suula maasa obe, suula mu nshibo yobe na kukomba mwanka. Sumbula butwafu bokombanga.” Baledi bebungi abalongyeshaa baana baabo bya kwitumpanga meema. Byabya binangu bya kwikala na mankenda abitukila kwi Efile Mukulu etu eselele. (Efi 30:18-20; Miy 23:14; 2Kod 7:1) Nsaa yatulama mbidi na bintu byetu selele, atutumbisha Yehowa. (1Mp 1:14-16) Twi kwamba naminyi bwa mashibo na bintu bi mu lupango? Mu kwilekena na bangi bantu abasumbulaa butshafu mu kilayi sunga mu mpango, bena Kidishitu abakitaa mwabo moso bwa kulama mbalo yabo yabadi bashaale selele. (Mis 115:16; Kibaf 11:18) Sunga mu tu bintu tupela bu kusumbula tubudimbo twa bombo, milangi ya ndundo, sunga tubudimbo twa ma bazoka mbilombene kuleshaa bi mweneno etu pabitale kwikala selele. Mu nshalelo etu ooso atukumina ‘kwilesha atwe banabene mu byooso bu bafubi b’Efile Mukulu.’—2Kod 6:3, 4.

TALA VIDEO AKULA SHI: YEHOWA MMUFULE BANTU BE NA MANKENDA, AKUPU WALULE KU INO NKONKO AYILONDO:

Ntubingilo kinyi twi kutusha bangi bwa kupela kulumbuula bintu byabo?
Mwiya wa Moyiise ubadi aulesha mweneno a Yehowa pabitale bukalanga naminyi?
Twi kutusha bu kamonyi pabitale Yehowa kushii kwakula mu kipaso kinyi?

Nshe-mwana batwele mu mootoka wa mwan’aye wi butshafu; nshe-mwana esamba na mwan’aye pabitale miiya ya Yehowa bwa makenda; ba tshiite-mwakwidi babidi ba mu Isaleele a kala, umune efubwila ku elonga dya munyinga dya meema bwa kwitumpa; mukunkushi a kasaka ka bulungudi atuuku binobino mu mootoka wa mwana wi na makenda — Ne kulesha mweneno a Yehowa pabitale makenda mu nshalelo ande naminyi?