Tulongamisheyi mayele eetu mu mudimo wa bulungudi​—Ikala oshintuula myanda muyile nshalelo a muntu

BWAKINYI BI NA MUULO: Bena Kidishitu bedibwe mwimu na ingi mikoko bakwete kwitanyina bantu ba bipaso byoso bwa’shi bafikye ‘baate meema a muwa a buntu.’ (Kibaf 22:17) Ano meema a muwa a mu kinfwanyi aalesha mpango yoso yate Yehowa bwa kupasha bantu basha kukokyela ku mulwisho na lufu. Bwakukwasha bantu be na bipikwa na nkumiino ilekeene, abitungu kwibalungula “mukandu wi buuwa wa looso” mu mushindo ausankisha muntu ooso pa bupenka.​—Kibaf 14:6.

BYA KWIBIKITA:

• Sangula mwanda na kifundwe akikumu bantu ku mashimba mu teritware eenu. Wekufubisha mishindo ya kubanga mwisambo sunga mwisambo utobofubiishe watusha bipeta bibuwa. Miisambo nkinyi na ma verse kinyi aakuminaa bantu? Kwi mwanda ubakatuka mu kukitshika ukii mu binangu bya bantu? Myanda kinyi ikumbene mulume sunga mukashi kusankila?

• Ikala oseme bantu na kwikala na bipikwa abikalaa mu teritware enu.​—2Kod 6:3, 4

• Eubidishene na mikanda na ma video bi mu Kashete ketu ka biina mudimo bwa kwisamba na oso akumiina

• Ata mikanda na ma video ku internete mu ndimi yodi modi mulombene kufumankana na bantu mu teritware enu

• Lumbuula mwisambo obe bwa kwipusheena na lukalo lwa muntu sha shibo. (1Kod 9:19-23) Bu kileshesho, we kwisamba kinyi su ouka’shi sha nshibo mukatukye mu kufwiisha muntu?

TALA VIDEO, AKUPU WALULE KU INO NKONKO AYILONDO:

• Mulungudi banganga kwisamba mwanda kinyi na sha nshibo?

• Kinyi kikeele kifikile sha nshibo?

• Verse kinyi ekeele buwa kufubisha bwa uno mwanda, na bwakinyi?

• Mbikunyi byoshintulaa mbangilo oobe a mwisambo bwa kusankisha bantu mu teritware eenu?