Bya kubanga mwisambo na ma trakte

Kubanga mu mweshi wa kumpala 2018, ku kipusu kya Programe a bisangilo bya Bwina Kidishitu na Mudimo wetu kwi mishindo ya kubanga mwisambo. Mbetunyingishe bwa shi twikale atwisamba na bantu pamutwe a kwibapa penda mikanda. Ma video a bya kubanga mwisambo ngaleshe bya kubanga mwisambo ku bukwashi bwa penda Bible, bwa kukwasha balungudi bwashi balongamishe mishindo yaabo ya kubanga mwisambo. Bino, abikyebe kwamba’shi tabitungu dingi kufubisha mikanda yetu patulungula mukandu wibuwa ku nshibo na nshibo su? Nta byabya nya! Kileshesho, ma trakte ngalombene kwitukwasha bikata bwa kubanga mwisambo. Twi balombene kufuba na ano mayele pa tufubisha trakte oso yawa:

1. Ipusha lukonko lwi na ngaluulo ilekenelekene i kumpala kwa trakte.

2. Muleshe lwalulo alutuukila mu verse (ma verse) e kumbangilo kwa lupese lwakabidi. Su e na nsaa, badikayi na nwisambile myanda i mu trakte.

3. Pa mwina shibo trakte na omunyingishe bwa shi ashale abadikye yaya myanda ibashala papete nsaa.

4. Kumpala kwa kwilekeena, muleshe lukonko lwi pa mbalo ya badi bafunde shi: “bwa kunangushena” akupu omulungule shi anukatala lwalulo lwa mu Bible musango aufiki.

Pokaluka, nwisambile lwalulo na omulekyeele lungi lukonko bwa shi nwilwisambile ungi musango. Wekusangula lwalwa lukonko mu site eetu sunga mu mukanda wabadi baleshe ku lupese lwa nfudilo lwa yawa trakte. Mu nsaa yomono shi ngilombane, mupe broshire a Mukandu wibuwa w’Efile Mukulu! sunga ungi mukanda watulongaa nao Bible na bantu wi mu kashete keetu ka bina mudimo.