Nkinyi kyatudi balombene kulongyela ku ingi ngono yetu?

Ku ingi ngono yetu ngikunyi ayikusanganshaa ngofu? Na bwakinyi? Welaa binangu’shi video i mwanka ngitale myanda ya mu nshalelo efuku dyoso su? Bu byayakwila myanda ilekenelekene na abeyibi mu mishindo ilekeene, ayisankisha muntu ooso. Byabya ingi ngono yetu na ino i na ma video tayikalaa kwanka nka penda bwa kukisha kapapi nya.

Loono looso lwa mu ingi ngono yetu alwikalaa na dilongyesha dikata dyatudi balombene kufubisha mu nshalelo a bwina Kidishitu na mudimo wetu. Ingi ngono ayakwila kwikala na kalolo, buumune, bukuku na Yehowa, kunyinga eshimba, kifulo, na lukumiino. Ingi naamu ayakwila bya kwalukila kwi Yehowa, kufwila bangi lusa, kulama bululame efuku dyoso, na kwikala na bipatshila bya mu kikudi. Kwi mpana lungi loono a lwakwila bya kufubisha telefone na binangu. Angi malongyesha kinyi odi mupete mu ingi ngono yetu?

LESHA VIDEO A KU INGI NGONO YETU AMBA’SHI: ENKA MU BWIPI MUNO AKUPU WALULE KU INO NKONKO AYILONDO:

• Mulume na mukashi banunu bakwete kwela binangu ku myabi kinyi ayikafiki?​—Kib 12:3

• Mbinkunyi byatudi balombene kunyingisha lukumiino lwetu mu ngobesha ya Yehowa ya kulombasha milayilo yaaye?

• Nkwimoneena kinyi kwa muloo akukakitshika mu mafuku apela ekumpala?

• Kwikala na lukulupilo ku bufumu akwitukwasha naminyi bwa kunyingila nkalakashi?​—Lom 8:25