Atuleesha kifulo nsaa y’atukwatshishena dinyoka dya Yehowa

Kutusha muntu mu kakongye akukalwila kakongye na kunyoka nkitshishi a bubi shi mwilangye kwishimba. (1Kod 5:6, 11) Nsaa y’atukwatshishena dino dinyoka aditukila kwi Yehowa, atuleesha kifulo. Bi kwikala bino naminyi aku namu nsaa yabatusha muntu mu kakongye abiinyongosha bena kifuko mpa na komite a kusambisha?

Kukatusha byabya, atuleesha kifulo bwa nkumo ya Yehowa na mwiya waye wa kwikala beselele. (1Mp 1:14-16) Dingi, atuleesha kifulo bwa yawa muntu mutushibwe mu kakongye. Dinyoka dibukopo, sunga mbyadinyongoshaa muntu, ndilombene kutusha “kikuba kya butaale na kya bululame.” (Eb 12:5, 6, 11) Tatukwatshishena dinyoka dya Yehowa, su twi mu kipwano na muntu abadi batushe mu kakongye sunga mwituukile aye nabene. Tentekyesha’shi Yehowa anyokaa mwilo waye “muyile kululama.” (Yel 30:11) P’atukwatshishena dinyoka dya Yehowa na kulama byubishi byetu bibuwa bya mu kikudi, atutungunuka na kukulupila’shi yawa muntu aluka kwi Nshetu sha lusa.​—Yesh 1:16-18; 55:7.

TALA VIDEO AMBA’SHI: LAMA LULAMATO LOOBE N’ESHIMBA DIMUNE, NA WALUULE KU INO NKONKO AYILONDO:

• 

  Baledi bena Kidishitu abapushaa naminyi su mwana aabo balekye Yehowa?

• 

  Mmushindo kinyi ulombene kakongye kukwatshishena bena kifuko abashala na lulamato?

• 

  Nkileshesho kinyi ki mu Bible akitulongyesha’shi kwikala na lulamato kwi Yehowa kwi na muulo kukila kwikala na lulamato kwi bena kifuko neetu?

• 

  Mmushindo kinyi watudya kutuula lulamato lwetu kwi Yehowa pa mbalo ya kumpala kukila lulamato lwetu kwi bena kifuko neetu?