Ba nambutwile, longyeshayi bana benu myanda ayitungu’shi baukye

Twi mu ndumbulwilo atakula bantu mu kunangushena’shi myanda ibuwa i bubi na myanda i bubi i buwa. (Yesh 5:20) Bi malwa, bangi bantu bakwete kukita myanda ishikwe Yehowa, mpa na mwikelo wibutete pankatshi pa mulume na mulume na mukashi na mukashi. Ba kuuku ba bana betu ba nsongwa bakii ku kalasa sunga bangi bantu mbalombene kwibatakula bwa kulonda mwikelo wabo. We kulumbuula bana bobe bwabadya kukambila luno lukalakashi na ingi i mumune naminyi?

Longyesha bana bobe myanda ayitungu’shi baukye pabitale miiya ya Yehowa. (Lv 18:3) Ebalongyeshe kapeelakapeela abyamba Bible pabitale bipindji bya mbidi bya buufu, abitungu webalungule myanda yabadi balombene kupusha muyile bipwa byabo. (Miy 6:7) Eyipushe’shi: ‘Ne mulongyeshe bana bande pabitale mushindo wibuwa wa kwileshena kifulo, pabitale muulo wa kufwala bilamba bibuwa na abitungu’shi bangi banemekye bipindji byabo bya mbidi bya buufu su? Bana bande abauku kya kukita su muntu atompa kwibalesha pornografi sunga kwibateka bwa kukita kintu akyamba Yehowa’shi ki bubi su?’ Kwibalungula myanda ayitungu’shi baukye kumpala, nkulombene kwibakwasha bwa kusuuka nkalakashi ibungi. (Nki 27:12; Mul 7:12) P’obe kulongyesha bana bobe, olesha kifulo bwa bupyanyi bukupe Yehowa.​—Mis 127:3.

TALA VIDEO AMBA’SHI IBAKAYI BIFUKO BYENU BIKALE BINYINGYE​—PA KUKALWILA BANA BENU KU “MYANDA IBUBI,” AKUPU WALUULE KU INO NKONKO AYILONDO:

• 

  Bwakinyi bangi abekakaa bwa kulongyesha bana babo pabitale bipindji bya mbidi bya buufu?

• 

  Bwakinyi abitungu baledi ‘balongyeshe na kunyoka bana babo muyile abikyebe Yehowa’?​—Ef 6:4

• 

  Mbintu kinyi bitushe ndumbulwilo a Yehowa bwa kukwasha baledi bwabadya kulongyesha bana babo pabitale bipindji bya mbidi bya buufu?​—w19.05 12, kashibo

• Bwakinyi abitungu wekale wesamba pa kyubishi na bana bobe kumpala kwa’shi bapeta nkalakashi?