Shala mwilumbule kuno ku nfudilo kwa “mafuku a ku nfudîlo”

Bu byatwende na kunyingiila ano mafuku a ku nfudilo kwa “mafuku a ku nfudîlo,” atutengyela’shi atukapete nkalakashi ibukopo. (2Tim 3:1; Mat 24:8) Nsaa yoso ayifumankanaa mwilo wa Yehowa na masaku, aupetaa buludiki bwa kwiupasha pa nsaa ilombane. Kupashibwa kwetu mu kyakya kipungo akwikala muyile bya tukokyela bwa kwilumbula binobino mu kikudi mpa na ku mbidi.​—Luk 16:10.

• Elumbule mu kikudi: Ikala na byubishi bibuwa. Longa mishindo ilekene ya bulungudi. Twekalanga na moo su twe pepi na bakwenu ba mu kakongye mu kipungo kampanda. (Yesh 30:15) Twekula na Yehowa sunga na Yesu.​—od 176 ¶15-17

• Elumbule ku mbidi: Kukatusha kwikala na kibuta kya kusuka nakyo, muntu oso a mu kifuko abitungu ekale na byakudya, mema, manga, na bingi bintu bi mumune, bi na muulo kushala mu mbalo imune bwa kipungo kila.​—Nki 22:3; g17.5-F 4, 6

TALA VIDEO AMBA’SHI TOPWILE KWILUMBULA BWA MASAKU AATUKILA KU BIPANGWA? AKUPU WALUULE KU INO NKOKO AYILONDO:

• 

  Mushindo kinyi watudi balombene kwilumbula mu kikudi bwa masaku?

• 

  Bwakinyi abitungu . . .

  • kwikala na kyubishi kya kwisambanga na bakulu?

  • kulumbula kibuta kya kusuka nakyo?

  • kutaluula masaku oso alombene kutuuka na kya kukita mu mwanda oso?

• 

  Mishindo kinyi isatu yatudi balombene kukwasha bangi nsaa ya bafumankana na masaku?

EYIPUSHE’SHI, ‘Kipupa kya COVID-19 kibandongyesha kinyi pabitale kwilumbula?’