NSHALELO A BUINA NKIDISHITU

We mupue kuilumbuula bua nsaa ayikala bukopo bua kupeta makuta su?

Tabitukalakasha patumono’shi mianda ayikitshika mu nsenga ishima, ayikitshi bia’shi bikale bukopo bua kupeta ekuta. Buakinyi? Muanda tui ku nfudiilo kua mafuku a nfudiilo, na Bible etudimusha bua kupela kutula lukulupilo luetu mu “mapeta aashimina.” (1Tim 6:17; 2Tim 3:1) Kileshesho kia Nfumu Yehoshafate kikuitulongiesha kinyi pabitale bia kuilumbuula bua nsaa ayikala bukopo kupeta ekuta?

Nsaa ibabadi abakiebe kuibatuuka ngoshi kui beshikuanyi baabo, Yehoshafate baadi mukulupile Yehowa. (2Mya 20:9-12) Baadi dingi mulumbuule muilo kumpala, pa kunyingisha bibundi na kutuula bisaka bia basalayi. (2Mya 17:1, 2, 12, 13) Nka bu Yehoshafate, abitungu tukulupile mui Yehowa na tuilumbuule bua kukambila nkalakashi ikuitufuila.

NKINYI KIATUDIA KUKITA BUA KUILUMBUULA NSAA AYITUUKU LUKALAKASHI LUA KUPETA EKUTA?

Elumbuule mu kikudi: Sanka na biodi nabio, na nyingisha lukumiino lobe mu ngobesha ya Yehowa’shi ekala alombasha nkalo yobe ya kuifuku n’efuku. (Mat 6:26; 1Tim 6:8) Tokumanga kuleka kukokiela mayi a kulonda a mu Bible bua kulombasha ino nkalo. (Lom 2:21) Taluula mushindo odi mulombene kutungunuka na kubadika Bible na ingi mikanda imene mu Bible su batshiba kaalo ka nsembue sunga Internete. Nsangula ndambo ya mikanda ya ku masaki yodia kulama, su kui mushindo, ata mikanda mu Internete kumpala kua nsaa.

Elumbuule ku mbidi: Pelesha bishiyo na kuula bintu bishi na muulo kumpala kua kipungo akikala bukopo bua kupeta ekuta. (Nki 22:7) Su kui mushindo, lama ndambo ya bia kudia na bingi bintu bi na muulo. Bangi abakunaa bisakisaki mu lupango bua kulama ekuta.

TALAYI VIDEO AMBA’SHI TOPWILE KWILUMBULA BWA MASAKU AATUKILA KU BIPANGWA? AKUPU NUALUULE KU INO NKONKO:

Kifuatulo ki mu video amba’shi: “Topwile kwilumbula bwa masaku aatukila ku bipangwa?” Bifuatulo abilesha Bible, kibuta kia kusuuka nakio na telefone, na bakuetu abafubu ku luibako.

Nkinyi kiatudia kukita pa bupenka bua kuikala belumbuule nsaa ayituuku masaku?

Your answer

Kifuatulo ki mu video amba’shi:“Topwile kwilumbula bwa masaku aatukila ku bipangwa?” Bakuetu balume abakuasha bantu bapete masaku pa kukita midimo ya luibako, na kuyisha bintu mu motooka.

Mushindo kinyi watudia kuikala belumbuule bua kukuasha bangi?

Your answer