Lesha kifulo mu kifuko

Kifulo mbulama abulamakasha kifuko pamune. Pakushii kifulo mu kifuko, abikala bukopo bwashi kikale mu buumune na mu kwipushena. Mushindo kinyi ulombene balume, bakashi, na baledi kulesha kifulo mu kifuko?

Mulume sha kifulo apasukilaa nkalo ya mukashi aye, mweneno aye a myanda, na byapusha. (Ef 5:28, 29) Alombashaa nkalo ya ku mbidi na ya mu kikudi ya kifuko kyaye, mpa na kwikala na kwyubishi kya kukitanga lulangwilo lwa mu kifuko ku kyolwa. (1Tim 5:8) Mukashi sha kifulo akokyelaa mulume aye na kumulesha “kaneeno kakata.” (Ef 5:22, 33; 1Mp 3:1-6) Abitungu mulume na mukashi bekale abefwilena lusa. (Ef 4:32) Baledi basha kifulo abapasukilaa bana babo boso na kwibalongyesha bwashi bafule Yehowa. (Miy 6:6, 7; Ef 6:4) Nkalakashi kinyi ayifumankanaa nayo bana babo ku kalasa? Bakwete kukambila binangu bibubi bya benabo naminyi? Nsaa i kifulo akitama mu kifuko, bena kifuko boso abepusha mu bulami na mu kukalwilwa.

TALA VIDEO AMBA’SHI LESHA KIFULO KISH’AKISHIMINA MU KIFUKO KYOBE, AKUPU WALUULE KU INO NKONKO AYILONDO:

• 

  Mulume sha kifulo bapasukila mukashi aye na kumufula naminyi?

• 

  Mukashi sha kifulo balesha kaneemo kakata kwi mulume aye naminyi?

• 

  Baledi basha kifulo babalongyesha bana babo Eyi dy’Efile Mukulu naminyi?