Ikala na bana bakashi bakulu koodi bu banyinobe, na bana bakashi bakinga koodi bu bankashan’obe

Bifundwe abitulungula bwa kukitshina bena Kidishitu babaapu kukula myanda bu ba nyin’etu, ba nshetu, na ba nsongwa bu bakwetu ba mu kifuko. (Badika 1 Timote 5:1, 2.) Bikishekishe bakwetu balume abitungu bakitshine bakwetu bakashi myanda na kwibadinga na kwi banemeka.

Mukwetu mulume ta mulombene kulembakasha mukwetu mukashi sunga kukita kintu kampanda ki kumukalakasha. (Yob 31:1) Mukwetu mulume shi mwibakile t’amulombene kwasha na nkalo ya mukwetu mukashi shi mwibakilwe, pa kumukulupisha’shi e na lukalo lwa kumwibakila aku namu te na lukalo lwa kumwibakila nya.

Abitungu bakulu baneemekye bakwetu bakashi abebeele nkonko na kaneemo koso, sunga nsaa yabadi na mwanda awutungu’shi beupasukile. Abitungu bakulu bapasukile bikishekishe baba bashii na balume ba kwi bakalwila.​—Lut 2:8, 9.

TALA VIDEO AMBA’SHI LESHA KIFULO KISH’AKISHIMINA MU KAKONGYE​—KWI BAKASHI KILELE NA BANA BA NSHIYE, AKUPU WALUULE KU INO NKONKO AYILONDO:

• 

  Kakongye kabaadi kaleshe mukwetu mukashi Myint kifulo kikata naminyi?

• 

  Kifulo kibaadi kakongye kaleshe kibaadi kitushe bu kamonyi mu kibundji naminyi?

• 

  Kifulo kibaadi kakongye kaleshe kibaadi kikume mwana a mukwetu mukashi Myint kwishimba naminyi?

Mmishindo kinyi y’odi mulombene kulesha kifulo bwa bakwetu bakashi ba mu kakongye kenu?