Mianda yatulongiela ku nshalelo a Samuele

Samuele badi mushaale na lulamato kui Yehowa mu muwa waye oso. Pabadi ki mukinga, ta badi muambule kileshesho kia Ofeni na Finease bana ba Eliya. (1Sam 2:22-26) Samuele badi atungunuka nka na kukula, na Yehowa badi nka naye. (1Sam 3:19) Sunga patabaadi mununu, Samuele badi mutungunukie nka na kutambukila mu mashinda a Yehowa, sunga bibadi bana baye t’abebikitshi.​—1Sam 8:1-5.

Kileshesho kia Samuele akitulongiesha kinyi? Su we nsongua, shinkamisha’shi Yehowa auku nkalalakashi y’ofumankana nayo, na bywepusha. Enkukuasha bua kunying’eshimba. (Yesh 41:10, 13) Su we muledi e na bana bash’abafubila Yehowa, bi nkunyingisha pa kuuka’shi Samuele ta badi na bia kukitshisha bana baye bua’shi bashaale na lulamato ku miya ya Yehowa. Badi mutule muanda mu masa mua Yehowa, aye nkulama lulamato na nkusankisha Nshaye e muiyilu, Yehowa. Pangi kileshesho kiobe ki buwa, ki kutakula muan’obe bua kufubila Yehowa.

LESHA VIDEO AMBA’SHI: LONGIELA KUABADI​—SAMUELE, AKUPU WALULE KU INO NKONKO AILONDO:

• 

  Mushindo kinyi ubadi Samuele muleshe eshimba dinyingie pabaadi ki mukinga?

• 

  Danny baadi muleshe eshimba dinyingie naminyi?

• 

  Patabaadi muntu mununu, Samuele mulekie kileshesho ki buwa naminyi?

• 

  Baledi ba Danny abalekie kileshesho ki buwa naminyi?