Kampanye ke pabuako bua kubanga kulonga Bible na bantu mu mueshi wa Kitema

Mu mueshi wa Kitema, atukitshi muetu moso bua kulonga Bible na muina nshibo oso pa kufubisha broshire a We kuikala na muloo bua loso! Balungudi be kusangula bua kufuba bu mbala-mashinda mukuashi bua nsaa 30. Mushindo kinyi watukitshi kano kampanye ke pabuako?

• Mu kuimonena dia kumpala: Fubisha lukonko lui ku kipusu kia nfudilo kia broshire bua kukaka bianangu bia muntu, na omuleshe abikitshikaa kulonga. Toyiluanga bantu abaadi baleshe lukalo kumpala, mpa na baaba bualukiilaa. Sunga abaadi bapele kulonga Bible kala, balombene kusankila mayele etu apia a kulonga nao uno broshire. Ma broshire ta ngakuleka ku mashibo kushi bantu sunga kuiatumina bantu bashi baleshe lukalo. Komite a mudimo a kakongie, mulombene kulumbuula bingi bisangilo bia mudimo wa bulungudi mu wawa mueshi.

• Ingi mishindo: Su kakongie kenu akafubishaa tutempu tua mikanda, ekueleyi broshire a We kuikala na muloo bua loso! Tulungule boso abakumina kuata broshire’shi, mbalombene dingi kulonga Bible buntu. Nsaa yanuisamba, we kumulesha mu kikoso abikitshikaa kulonga kua Bible, sunga we nkamulesha bianka ingi nsaa. Mukunkushi a mudimo mulombene kusangula balungudi abakitaa bulungudi kalolo, buadia kuenda mu bisalue bi mu terituare aabo bua kulonga Bible na bantu. We kuteka dingi bena mudimo nobe bua kulonga nabo Bible, sunga bantu bobopete mushindo wa kulungula mukandu wi buwa.

Yesu baadi muitutumine eyi dia ‘kuikasha bantu bu balongi’ na ‘kuibalongiesha.’ (Mat 28:19, 20) Biabia, bakuetu kano kapanye ke pabuako ketukuashe bua kukumbasha kano kepatshila pa kufubisha broshira a We kuikala na muloo bua loso!