Mushindo wa kukuasha apatuuku masaku

Masaku aatukila ku bipangua, abanyisha kufuima lelo uno. Nsaa yaatuku, abitungu bukuashi na bukunkushi bui buwa. Bua kano kabingilo, Kasaka ka Bakunkushi-Bakulu, kaate mpango ya’shi departema akukuasha bantu abapete masaku, atudibue mu filiale oso.

Nsaa i bakuetu ba mu uno departema abauuku’shi mbalo kapanda ibatuuku masaku, musango umune abetamina bakulu ba mu yaya mbalo bua kuuka bintu biabadi nabio lukalo kui balungudi. Su bintu mbiluile ngofu mu mushindo ushi balungudi kuibilumbuula banabene, filiale asangula bakuetu abauku wawa mudimo bua kunkunkusha mudimo wa kuibilumbuula. Bano bakuetu be kuteka balungudi bebungi ba kufika mu kukuasha sunga kuikala na lukalo lua kintu kampanda, sunga kuula na kuabila bintu yaya mbalo.

Kukita bino akukuasha ngofu. T’atukitshi mudimo wa bisumanga, kutusha kafutakanyi, kuluisha makuta na bintu; mianda ilombene kutuuka apeatshila muntu mpango ya kuikitshina mianda mu waye mushindo.

Bakuetu babadi basangule kui filiale, mbalombene kutshiba bungi bua makuta akufubisha, na bua bakuetu balombene kukuasha. Balombene dingi kuipushena na bakata ba mbulamatadi ba yaya mbalo, abatukuashaa kebungi bua’shi midimo yetu ya kukuasha mbalo ituukie masaku, yende lubilo. Biabia, t’abitungu’shi muntu eatshile mpango ya kukongola makuta, kutuma bintu sunga kuenda mbalo ituukie masaku nya, nka su bakulungule bua kuibikita.

Anka, nsaa ayituuku masaku, atukumiina kukuasha. (Eb 13:16) Tuibafule bakuetu! Tui kukita kinyi? Muanda wi na muulo ngofu, tui kutekiela baaba bapete masaku na bakuetu abebakuasha. Dingi, tui kutuusha bia buntu bua kukuatshishena mudimo wa mu nsenga ishima. Ku bukunkushi bua kasaka ka Bakunkushi-Bakulu, ma biro a filiale alombene kuuka mbalo ibuwa yabadi balombene kufubisha ano makuta. Su atukumiina’shi tufube atue banabene bua kukuasha, tui kuusha formilere a Demande d’admission comme volontaire local développement-construction (DC-50).

TALAYI VIDEO AMBA’SHI MPESHI EBUKOPO MULUISHE BINTU MU BRÉSIL, AKUPU NUALUULE KU LUNO LUKONKO:

Nkinyi akikukanyisha pabitale bikuashe Tumonyi tua Yehowa kunyima kua mpeshi ebukopo mu Brésil mu 2020?