Okuete kufubisha kalolo Bible abaadi bakobole su?

Bible abadi bakobole nkinyi? Nyi Bible a Traduction du monde nouveau mukituulue abadi bakobole mayi. Ndimi ibungi ikuete kutusha mukanda umune ku umune nka’bo bakiabapu kuiukobola. Kintu ki buwa bukile mu uno Bible mukobolue, nyi mayi elekene abadi bafubishe bua muntu na muntu e mu Bible. Bishima mbebibadikie kalolo na kushinkamisha, na bua kutusha mukandu wa mu Bible nka biabia biaudi, baba ababadika mbakule na kinyongua sunga muloo.

Miabi kinyi yatupete mu uno Bible abadi bakobole? Bantu bebungi abateemeshaa pa kiubishi Bible abadi bakobole, mbafule biebakuashaa bua kumona’shi Eyi di’Efile Mukulu ndia binyi. Abamonaa’shi kupusha bantu belekene ababadika, mbalombene kumona mu binangu mianda ya mu Bible kalolo na kupusha kalolo biabia bifundibue. (Nki 4:5) Bebungi mbapete’shi, kuteemeshanga Bible mukobolue akuibataadishaa mashimba nsaa yabadi na nkalakashi.—Mis 94:19.

Kupushanga ku’ababadika Eyi di’Efile Mukulu n’eyi dibukopo, nkulombene kuikala na bukitshishi bui bukopo mu nshalelo etu. (2Mya 34:19-21) Su Bible abaadi bakobole e kuanka kapindi sunga mushima mu ludimi lopusha kalolo, we kuikala omuteemesha pa kiubishi mu nshalelo oobe su?

TALAYI VIDEO AMBA’SHI KUTUSHA KUA BIBLE ABAADI BAKOBOLE—KAPINDI, AKUPU NUALUULE KU LUNO LUKONKO:

Nkinyi akikukanyisha pabitale kutusha kua Bible abadi bakobole?