Watchtower MIKANDA I MU INTERNETE
Watchtower
MIKANDA I MU INTERNETE
Kisongye
  • BIBLE
  • MIKANDA
  • BISANGILO
  • w20 Mweshi wa 5 esak. 8-11
  • Ba nfumu babidi bashaabepushena mu mafuku a ku nfudiilo

Tatui bapete video.

Etufuile namu lusa, kui kintu kibakutshishua kukafika kui video.

  • Ba nfumu babidi bashaabepushena mu mafuku a ku nfudiilo
  • Kitenta kya Mulami akilungula Bufumu bwa Yehova (Kya kulonga)—2020
  • Mianda i mumune
  • “Nfumu a Kuunundu” mu mafuku a ku nfudiilo
    Kitenta kya Mulami akilungula Bufumu bwa Yehova (Kya kulonga)—2020
  • Nnanyi mwikale “nfumu a kuunundu” lelo uno?
    Kitenta kya Mulami akilungula Bufumu bwa Yehova (Kya kulonga)—2020
  • Mukanda wa Kibafumbwilwe: Ki’aulesha bua beshikuanyi b’Efile Mukulu
    Kitenta kya Mulami akilungula Bufumu bwa Yehowa (Kya kulonga)—2022
  • Longiela ku matemuki a mu Bible
    Kitenta kia Mulami kia kulonga akilungula Bufumu bua yehowa (kia kulonga)-2023
Kitenta kya Mulami akilungula Bufumu bwa Yehova (Kya kulonga)—2020
w20 Mweshi wa 5 esak. 8-11

Ba nfumu babidi bashaabepushena mu mafuku a ku nfudiilo

Matemuki abadi baleshe mu kano kashibo aalesha myanda ayikitshika mu kipungo kimune. Aashinkamisha’shi twi mu “mafuku a ku nfudilo.”​—Nda. 12:4, EEM.

Kashibo akalesha matemuki na nfumu a kuunundu na a kuushi kukatuka mu kipwa kya 1870 mpa na lelo uno.
  • Kashibo 1 ka ku tushibo 4, akalesha matemuki aalombana mu kipungo kimune mu mafuku a ku nfudiilo kubanga mu 1870 na ku 1918. Bipwa kubanga mu 1914 mbebileshe bu bya ku nfudiilo. Butemuki 1 abulesha: Kinyema kii na mitwe musambo kibaadi kituukye kumpala kwa kipwa kya kumpala kii mu kashibo. Mu ngoshi ya kumpala ya nsenga ishima, mutwe wa musambo wa kinyema ubaadi utapikye. Kubanga mu kipwa kya 1917, mutwe wa musambo wa kinyema ubaadi upande na kinyema kibapetulwile bukome. Butemuki 2 abulesha: Kutundulwa kwa nfumu a kuunundu mu 1871, na kutundulwa kwa nfumu a kuushi mu 1870. Mu 1871 Allemagne batuukile bu nfumu a kuunundu. Grande-Bretagne batuukile bu nfumu a kuushi, kadi mu 1917 abamupyana kwi Bufumu bwa nsenga ishima bwa Anglo-Américaine. Butemuki 3 abulesha’shi: Kubanga mu bipwa bya 1870, Charles T. Russell na benaye mbekale bu “mukyendji.” Ku mbangilo kwa bipwa 1880, jurnale a ‘Le Phare de la Tour de Sion’ baadi munyingishe bantu abamubadika bwabadya kulungula mukandu wibuwa. Butemuki 4: Abwakwila kuumbula kubanga mu 1914. Abaabuula lubishi lubi na mbyo ibuwa. Butemuki 5 abulesha’shi: Kubanga m 1917, ngwa ya kyamo na ema ibatuuku. Abulesha dingi: Myanda ikitshikye mu Ngoshi ya kumpala ya nsenga ishima kubanga mu 1914 na ku 1918. Myanda itale bafubi ba Yehowa: Kukatuka mu 1914 na ku 1918, abaadi bele balongi ba Bible ba mu Grande-Bretagne na ba mu Allemagne mu lukano. Mu 1918, abaadi bele bakwetu ba ku biro bikata ba mu États-Unis mu lukano.
    Butemuki 1.

    Bifundue Kibaf. 11:7; 12:13, 17; 13:1-8, 12

    Butemuki “Kinyema” kibakunkusha nsenga munda mwa bipwa bibungi. Mu mafuku a ku nfudiilo, mutwe wakyo wa musambo ubatapika. Mafuku kunyima, wawa mutwe ubapanda na “nsenga ishima” ibalondo kinyema. Satana kwete kufubisha kinyema bwakidya ‘kutadiisha ngoshi kwi bashaale.’

    Kulombana kwabo Kunyima kwa mpeshi a kabutu, mbulamatadi ya bantu ibaadi itombokyele Yehowa, ibabangile kumunana bantu. Bipwa nkama kunyima, mu Ngoshi ya kumpala ya nsenga ishima, Grande-Bretagne tabaadi dingi na bukome nya. Baadi mupetuule bukome nsaa ibabadi besangye na États-Unis. Bikishekishe mu ano mafuku a ku nfudiilo, Satana kwete kutakula mbulamatadi yoso bwayidya kubingabinga bafubi b’Efile Mukulu.

  • Butemuki 2.

    Bifundwe Nda. 11:25-45

    Butemuki Kwikutwena pankatshi pa nfumu a kuunundu na nfumu a kuushi mu mafuku a ku nfudiilo.

    Kulombana kwabo Allemagne na Angleterre na bena Amérique. Mu 1945 Union soviétique na maumbo abaadi aamukwatshishena abafikile bu nfumu a kuunundu. Mu 1991, Union Soviétique baponene, na binobino, Russie na maumbo aamukwatshishena nyi be bu nfumu a kuunundu.

  • Butemuki 3.

    Bifundwe Yesh. 61:1; Mal. 3:1; Luk. 4:18

    Butemuki Yehowa batumu “mukyendji” waye bwaudya ‘kulumbuula eshinda’ kumpala kwa kutuula Bufumu bwa Mesiya. Kano kasaka kababangile ‘kutwadila beyishe mukandu wibuwa.’

    Kulombana kwabo Kubanga mu bipwa 1870, C. T. Russell na benaye abaadi bafube na kishima bwa kupatuula bya binyibinyi bya mu Bible. Mu bipwa 1880, ababangile kushimika kasele pa kulesha’shi abitungu bafubi b’Efile Mukulu bekale abalungula mukandu wibuwa. Abo nkutuusha miisambo ayamba’shi “recherchons 1 000 prédicateurs” na “Oints pour prêcher.”

  • Butemuki 4.

    Bifundwe Mat. 13:24-30, 36-43

    Butemuki Mwishikwanyi bakunu lubishi lubi mwifuba dya mbyo ibuwa na abelutadiila bwashi lukule na lushikiile mbyo ibuwa mpa na apakalombana kipungo kya kuumbula; yaya nsaa nyi yabakabuula lubishi lubi na mbyo ibuwa.

    Kulombana kwabo Kubanga mu 1870, ababangile kutundula bena Kidishitu ba binyibinyi na ba madimi. Mu mafuku a ku nfudiilo, bena Kidishitu ba binyibinyi mbebabuule na bena Kidishitu ba madimi, bebabunga mu kakongye.

  • Butemuki 5.

    Bifundwe Nda. 2:31-33, 41-43

    Butemuki Ngwa ya kyamo na ema bya nkishi abadi bakite na byamo bilekene.

    Kulombana kwabo Ema adilesha bantu abaadi ku matalwa a bufumu bwa Angleterre na bena Amérique, kadi bebutombokyela. Pa mwanda wa bano bantu, uno mbulamatadi tamono bya kufubisha bukome bwaye boso nya.

  • Kashibo 2 ka ku tushibo 4, akalesha matemuki aalombana mu kipungo kimune mu mafuku a ku nfudiilo na aakwila myanda ya kubanga mu 1919 na ku 1945. Allemagne abamulesha bu nfumu a kuunundu mpa na mu 1945. Bufumu bwa nsenga ishima bwa Anglo-Américaine abebulesha bu nfumu a kuushi. Butemuki 6 abulesha’shi: Mu 1919, abaadi babungye bena Kidishitu boso bedibwe mwimu mu kakongye ka bena Kidishitu. Kukatuka mu 1919, mudimo wa bulungudi ubaadi utame na ukwete kutungunuka. Butemuki 7 abulesha’shi: Mu 1920, abaadi batuushe Société des Nations aye nkutungunuka mpa na ku mbangilo kwa Ngoshi ya kabidi ya nsenga ishima. Abulesha dingi’shi: Kinyema kii na mitwe musambo kya mu butemuki 1 kikwete kutungunuka. Ngwa ya kyamo na ema, ya mu butemuki 5, ikwete kutungunuka. Myanada ikitshikye mu nsenga kubanga mu 1939 na ku Ngoshi ya kabidi ya nsenga ishima mu 1945. Myanda itale bafubi ba Yehowa: Kubanga mu 1933 na ku 1945 abaadi bele ba Temwe bakile pa 11 000 mu lukano mu Allemagne. Kubanga mu 1939 na ku 1945, abaadi bele ba Temwe bafikye ku 1 600 mu lukano mu Grande-Bretagne. Kubanga mu 1940 na ku 1944, abaadi bakyengyeshe ba Temwe bakile pa 2 500 mu États-Unis.
    Butemuki 6.

    Kifundwe Mat. 13:30; 24:14, 45; 28:19, 20

    Butemuki “Mbyo” abeyele mu “kisasa” na “mpika a kishima na mupatulukye” abamutuulu pa nundu pa “bafubi.” Kulungula kwa “mukandu wibuwa wa Bufumu,” kubabangile kupalakana “mu nsenga ishima.”

    Kulombana kwabo Mu 1919 abaadi batule mpika a kishima bwa kukunkusha mwilo wa Yehowa. Kubanga mu kyakya kipwa, balongi ba Bible abanyishishe kulungula mukandu wibuwa. Lelo uno, ba Temwe ba Yehowa bakwete kulungula mu maumbo akile 200 na kutusha mikanda ayipatuula Bible mu ndjimi ikile pa 1 000.

  • Butemuki 7.

    Kifundwe Nda. 12:11; Kibaf. 13:11, 14, 15

    Butemuki Nsengwa ibidi ya kinyema ayilungula bantu ba pa nsenga ishima bwabadya kukita “nkishi mu kipwandjikisho kya kyakya kinyema,” na ibapeele yawa ‘nkishi muwa.’

    Kulombana kwabo bufumu bwa nsenga ishima bwa Angleterre na bena Amérique, mbukite ndumbulwilo abetaminaa bu Société des Nations. Uno ndumbulwilo mbamukwatshishene kwi angi maumbo. Kubanga mu 1926 na ku 1933, nfumu a kuunundu baadi naye namu mu uno ndubulwilo. Bantu ababangile kukumiina’shi Société des Nations mmulombene kutula butaale, aku namu nka penda Bufumu bw’Efile Mukulu nyi bulombene kutula butaale. Abaadi dingi abamba nka byabya bwa Organisation des Nations unies (ONU).

  • Kashibo 3 ka ku tushibo 4, akalesha matemuki aalombana mu kipungo kimune mu mafuku a ku nfudiilo, kubanga mu 1945 na ku 1991. Abalesha Union Soviétique na maumbo abaadi aamukwatshishena bu nfufmu kuunundu mpa na mu 1991, kunyima, Russie na maumbo aamukwatshishena, babatuuku bu nfumu a kuunundu. Bufumu bwa nsenga ishima bwa Aglo-Américaine abebulesha bu nfumu a kuushi. Butemuki 8: Abulesha ekumbi dya mwishi wa bombe, abilesha kipaso kyabakwete kulwisha nsenga kwi Bufumu bwa nsenga ishima bwa Anglo-Américaine. Butemuki 9: Kutuuka kwa Nations-Unis mu 1945, bapyana Société des Nations. Abulesha dingi: Kutungunuka kwa kinyema kii na mitwe musambo kyabadi bakwile mu butemuki 1. Ngwa ya kyamo na ema ya mu butemuki 5, ikwete kutungunuka. Butemuki 6, mu 1945 kubaadi balungudi bakile pa 156 000. Mu 1991, balungudi abaadi bakile pa 4 278 000. Myanda itale bafubi ba Yehowa: Mu bufumu bwa Union Soviétique kubanga mu 1945 na mu bipwa 1950 abaadi bende na binunu bya ba Temwe mu Siberie.
    Butemuki 8.

    Kifundwe Nda. 8:23, 24

    Butemuki Nfumu ntomboshi “akalwishakana bintu mu kipaso kya kukaanywa.”

    Kulombana kwabo Angleterre na bena Amérique mmwipayishe bantu bebungi na kulwisha bintu bibungi. Bu kileshesho, mu ngoshi ya kabidi ya nsenga ishima, États-unis baadi muponeeshe beshikwanyi babo bombe atomique ibidi, na ayo nkulwisha bintu mu kipaso kishaa kitshikile kasha.

  • Butemuki 9.

    Kifundwe Nda. 11:31; Kibaf. 17:3, 7-11

    Butemuki Nyema “monga-pididi” e na nsengwa ekumi atuuku mu lupongo na mmwikale nfumu a mwanda. Mukanda wa Ndanyele aulesha yawa nfumu bu “kintu kya kubendwa akilwishakana bi kashâ.”

    Kulombana kwabo Mu Ngoshi ya kabidi ya nsenga ishima, Société des Nations baadi mupone. Kunyima kwa ngoshi, Organisation des Nations unies “bekele kwanka.” Nka bu Société des Nations, ONU abaadi bamupe ntumbo ilombene penda Bufumu bw’Efile Mukulu. ONU akatuuku bipwilo ngoshi.

  • Kashibo 4 ka ku tushibo 4, akalesha matemuki aalombana mu kipungo kimune mu mafuku a ku nfudiilo na abulesha myanda ayikitshika lelo uno mpa na ku Armagedone. Abulesha Russie na maumbo aamukwatshishena bu nfumu a kuunundu. Bufumu bwa nsenga ishima bwa Anglo-Américaine mbebuleshe bu nfumu a kuushi. Butemuki 10: Ba nfumu ba mu nsenga ishima abakele musase wa ‘kufukama na kwiyikela.’ Kunyima, mpombo ikata ayibanga. Butemuki 11: Maumbo aakatuuku bipwilo ngoshi. Butemuki 12: Mbulamatadi ya pa nsenga ayikatuuku bafubi b’Efile Mukulu ngoshi. Ababungu bashale ba ku bedibwe mwimu bwabadya kwenda mwiyilu. Butemuki 13: Armagedone. Yawa mushale pa nfwalasa tooka, bapudisha kutshokola. Ababutula kinyema kii na mitwe musambo; Abakupila nkishi mukata mula ku ngwa ya kyamo na ema. Abulesha dingi’shi: Kinyema kya mitwe musambo kyabadi baleshe mu butemuki 1, akitungunuka na kwikala kwanka mpa na ku ngoshi ya Armagedone. Butemuki 5, ngwa ya kyamo na ema, ayitungunuka na kwikala kwanka mpa na ki ngoshi ya Armagedone. Butemuki 6, lelo uno kwi balungudi bakile pa 8 580 000. Myanda itale bafubi ba Yehowa: Mu 2017, Ba nfumu ba mu Russie mbele ba Temwe mu lukano na mbanyengye mashibo a betele.
    Matemuki 10 na 11.

    Bifundwe 1 Tes. 5:3; Kibaf. 17:16

    Butemuki Maumbo abele musase wa “kufukama na kwiyikeela,” “nsengwa ekumi” na “kinyema” bibatuuku “ndumba” ngoshi na kumubutula. Kunyima kwa byabya, ababutula maumbo.

    Kulombana kwabo Maumbo aakamba’shi abekala mu kufukama na kwiyikela. Kunyima, maumbo aakwatshishena ONU, aakabutula ndumbulwilo ya bipwilo bya madimi. Ino myanda ayikala bu mbangilo ya mpombo ikata. Yaya mpombo ikata ayikafudiila na kabutu ka uno ndumbulwilo ku Armagedone.

  • Butemuki 12.

    Bifundwe Es. 38:11, 14-17; Mat. 24:31

    Butemuki Goge akalwisha eumbo dya bafubi b’Efile Mukulu. Paapa, ba mikeyilu abakabungu baaba “basangudiibwe.”

    Kulombana kwabo Nfumu a kuunundu, akafubu pamune na ingi mbulamatadi ya mu nsenga ishima bwa kutuuka bafubi b’Efile Mukulu ngoshi. Kunyima kwa’bo kutuuka mwilo w’Efile ngoshi, baaba bashale ba ku bedibwe mwimu abebabungu bwa kwenda mwiyilu.

  • Butemuki 13.

    Bifundwe Es. 38:18-23; Nda. 2:34, 35, 44, 45; Kibaf. 6:2; 16:14, 16; 17:14; 19:20

    Butemuki Yawa “mukaamine” pa “nfwalasa tooka” bapudisha “kutshokola” pa kubutula Goge na bilwilo byaye. Abeele “kinyema” “mwishiba dya kaalo akatembe,” na nkishi mukata mula abamubutula.

    Kulombana kwabo Yesu, Nfumu a Bufumu bw’Efile Mukulu, afiki mu kukwasha bafubi b’Efile Mukulu. Pamune na bantu 144 000 abakamunana naye, akabutula ndumbulwilo ya maumbo, myanda ya politike yoso ya Satana.

    Mikanda ya mu Kisongye (2011-2025)
    Tuuka
    Tuela
    • Kisongye
    • Tumina muntu
    • Byokumina
    • Copyright © 2025 Watch Tower Bible and Tract Society of Pennsylvania
    • Pabitale bya kufubisha
    • Bya kufubisha
    • Bya kufuamisha yobe
    • JW.ORG
    • Tuela
    Tumina muntu