Byoso mbikitshikye pa mwanda wa tusepo!

BANGI ba nsongwakashi babidi abadi abatembe mu kibundji kya Baguio mu Philippines. Abamwene katempu ka mikanda, anka t’abadi befubwile nako pepi nya. Helen, mukwetu mukashi badi mwimane pa katempu, badi mwibasepeshe. Bano bana bakashi abatungunukile na lwendo, anka abadi basankile mushindo ubadi Helen mwibasepeshe.

Kunyima, nsaa ibabadi abalukila kwabo mu motoka, abamwene kintu kikata kifunde jw.org kilamikye ku Nshibo ya Bufumu. Abo nkutentekyesha’shi ki’nka bu kyakya kyabekele bamone ku katempu ka mikanda. Nyi abo nkutuka mu motoka bwa kwenda ku Nshibo ya Bufumu. Kwanka, abadi bamone programe a bisangilo badi mulamikye ku kiibi.

Bano bana bakashi babidi, abatwelele mu bisangilo bibalondele. Nanyi ababamwene kumpala ku Nshibo ya Bufumu? Helen! Musango umune, abadi bamutundule bu muntu a tusepo twi bungi. Helen amba’shi: “Nsaa inebamwene abafiki kwandi, nabangile kwikalakasha. Nadi na pwandjikisha’shi ne mukite kintu ki bubi.” Anka umune aku bano bana bakashi badi mupatulwile Helen byoso bibadi bikitshikye.

Bano ba nsongwakashi, abadi basangele bisangilo na bakwetu balume na bakashi; abo nkwipusha nka bu be kwabo ku nshibo. Nsaa ibabamwene bangi abakombo mu Nshibo ya Bufumu kunyima kwa bisangilo, abatekyele su be kukwasha. Umune a ku bano bana bakashi, badi mufilukye mwiumbo, yawa badi mushale mmubangye kutwela mu bisangilo na kulonga Bible​—byoso mbikitshikye pa mwanda wa tusepo!