Peta Mabue a muulo a mu kikudi odia kutumikila

Patubadika Bible, tui kumona mabue a muulo a mu kikudi patukimbuula. Kadi bikuitukuasha ngofu naminyi?

Kimbuula mianda ya mu Bible kalolo. Bu kileshesho, tundula bafundile wawa mukanda, baadi mufundile muntu kinyi, na baadi muiwufunde nsaa kinyi. Mianda ibaadi naminyi mu kiakia kipungo, nkinyi kibaadi kikitshikie kumpala na kunyima kuaye kufunda?

Nangushena ku malongiesha we mupetela, pa kukimbuula nkonko bu ino: ‘Bantu babaadi mufundile babapushishe naminyi? Babalesheshe ngikashi kinyi? Buakinyi abitungu ngambule ino ngikashi sunga’shi buakinyi abitungu mpele kuiyambula?’

Tumikila malongiesha abopete mu bulungudi sunga mu kipuano kiobe na bangi. Su bokitshi biabia, olesha binangu bi’Efile Mukulu, nka bu abilesha Bible’shi: “Su we muntu ee na binangu, otentekiesha bino byooso.”​—Mis. 107:43.

• Kia kukita: Nangushena bia kutumikila mianda yatulongaa mu bisangilo bia munkatshi a lubingo mu kipindi kia Mabue a muulo a mu kikudi. Kino kipindi misuusa yoso akikalaa na nkonko yatudi balombene kuiyela, mianda yatudia kuambula, na bileshesho biatudia kutaluula.