MAYELE A KULONGA

Peta mabue a muulo a mu kikudi pabitale Yehowa

P’atubadika Bible, tui balombene kufubisha biina mudimo bia kubadika nabio bilekeenelekeene bua kupusha bi’atubadika kalolo. Biabia, t’atukumiina kubadika nka penda bua kutamisha kiwukilo kietu kia Bible nya. Atukumiina kupeta mabue a muulo a mu kikudi pabitale bumuntu bua Yehowa, buatudia kutamisha kifulo kietu muadi. Bua kukita bino, abitungu tuiyipushe atue banabene’shi: ‘Uno verse a mu Bible bandongiesha kinyi pabitale Yehowa?’

Tui kukimba bishinkamiisho bia ngikashi ikata ya Yehowa bu kifulo, binangu, kululama, na bukome. Biabia, Yehowa te nka penda na ino ngikashi ikata nya. E na ingi ngikashi. Mbalo kinyi yatudia kupeta mianda i bungi pabitale ngikashi yaye?

Taluula mulongo wa ngikashi ikile pa 50 y’atupete mu mukanda wa Index des publications des Témoins de Jéhovah, muushi a kamutue ka muanda akamba’shi: “Jéhovah” na pa ungi mutue wa muanda awamba’shi: “Qualités par leur nom.” Kimbuula ingi mianda ya mu Bible ipushene na bi’okuete obadika. (Su omono bia kutuela nka penda mu mukanda wa Guide de recherche pour les Témoins de Jéhovah, tala muushi a kamutue ka muanda akamba’shi: “Jéhovah Dieu” na pa ungi mutue wa muanda awamba’shi: “Qualités de Jéhovah.”)