Oki’otentekiesha su?

We mubadikie kalolo Kitenta kia Mulami kia mueshi oso bua kino kipua su? Tompanga su we kualuula ino nkonko ayilondo:

Yehowa mmuitulekiele kileshesho kinyi pabitale mushindo wa kukitshiina bana bakashi mianda?

Yehowa akitshiinaa bana bakashi mianda kushi ntondo, ta mmufule bana balume kukila bana bakashi nya. Efile Mukulu ateemeshaa bana bakashi, na apasukilaa bi’abepusha na nkalakashi yabadi nayo. Na Yehowa kuete kukulupila bena Nkidishitu bakashi bua kukita mudimo waye.​—w24.01, esak. 15-16.

Mmushindo kinyi watudi balombene kutumikila Bena Efeso 5:7 amba’shi: “Tanuikalanga nabo mu kipuano”?

Mpoolo mutumibua etudimusha’shi, tatuikalanga mu bu kuuku na bantu abetutakula mu kutupilua mayi a kulonda a Yehowa. Kuikala mu bu kuuku nkutale baaba boso batukuete kukisha nabo nsaa mpala kua mpala sunga ku Internete.​—w24.03, esak. 22-23.

Mmianda kinyi ya madimi ayitungu’shi tudimukile?

Abitungu tudimukile mianda ya madimi ayifiki kui ba kuuku betu, mesaje aafiki kui bantu batush’atuuku, na bantu basumbule lukumiino abadimbi kulesha lukalo mu bia binyibinyi.​—w24.04, esak. 12.

Nkinyi ki’atuuku na nkinyi kiatush’atuuku pabitale mushindo wi Yehowa akatshibila Nfumu Salomone kiimu na baaba boso babafuile mu Sodome na Gomore na bantu boso abafuile ku mpeshi a kabutu?

T’atuuku su Yehowa mmuibatshibile kiimu kia kabutu ka ikalayika nya. Anka, atuuku’shi Yehowa auku mianda yoso kalolo na e na lusa lukata.​—w24.05, esak. 3-4.

Pekale Efile Mukulu bu “Lubuebue” abitushinkamiisha kinyi? (Miy. 32:4)

Atumono Yehowa bu kifuamino kietu. Yehowa t’ashintulukaa, alombashaa milayilo yaye nka misuusa yoso. Na dingi Yehowa t’asanyishuaa, bumuntu buaye, na mpango yaye, t’abishintulukaa nya.​—w24.06, esak. 26-28.

Nkinyi kilombene nkukuasha bua kuiubidishena na kakongie kapia?

Kulupila mui Yehowa, akakukuasha nka bu bibaadi mukuashe bafubi baye ba mu mafuku a kala. Topuandikishanga kakongie kapia na kakongie kuekalanga. Ikala na bi bungi bia kukita mu kakongie kenu kapia, na kimba bangi ba kuuku bapia.​—w24.07, esak. 26-28.

Mmalongiesha kinyi e mu nkindi isatu i mu Mateo shapitre 25?

Lukindi lua mbushi na mikooko alushimika kasele pa muulo wa kushaala na lukumiino na lulamato. Lukindi lua bansonguakashi tumame badimukie na bakutue binangu aluleesha muulo wa kuikala belumbuule na kushaala bapasukie. Lukindi lua ntalanta alushimika kasele pa muulo wa kuikala mufubi sha kisumi.​—w24.09, esak. 20-24.

Bula bua muiyilu bua kadimbo ka pa ntuelelo a ntempelo a Salomone bubaadi bui naminyi?

Mu angi ma maniskri a kala, mu 2 Myanda 3:4 mbemuakuile “kude 120,” abikasha kadimbo ka pantuelelo bula bua metre 53. Anka mu angi ma maniskri mui bula bua “kude 20,” abikasha kano kadimbo bula bua metre kitema. Abimueneka’shi buno bukata bubaadi bua midimba ya ku ntempelo.​—w24.10, esak. 31.

Nkinyi akipushisha’shi abitungumufubi a midimo ‘ekale na mukashi umune’? (1 Ti. 3:12)

Abipushisha’shi abitungu mufubi a midimo ekale nka penda na mukashi umune, na’shi t’abitungu ekale atambuka lusandi nya. Na t’abitungu ekale ele miseku i bubi na bangi bana bakashi.​—w24.11, esak. 19.

Buakinyi tui kuamba’shi Yowano 6:53 t’akuila kidibua kia Muanana?

Yowano 6:53 akuila akitungu kukita bua kudia mbidi ya Yesu na kutuma mase aaye. Yesu bakuile ano mayi mu kipua kia 32 B.B., ku Ngalileya, bua bena Yunda babaadi ba ki na lukalo lua kulesha lukumiino muadi. Anka, Kidibua kia Muanana kibaadi kikitshikie kunyima kua kipua mu Yelusalema. Kuakua ku Yelusalema ngi kubaadi Yesu muakule bua baaba balombene nkamunana naye muiyilu.​—w24.12, esak. 10-11.