Bena Kidishitu na ngoshi​—Bible akula kinyi?

Anka abibilesha ngoshi ya mu Ukraine, bataka ba bena Kidishitu bebungi bakuete kukuatshishena ngoshi. Pusha bakata ba bipuilo biabakuete kukuatshishena ngoshi mpese yoso ibidi:

• “Kinemo kikata na lutumbu abiende kui basalayi betu bakuete kukaluila Ukraine eumbo diabo dia butandua kui beshikuanyi . . . Mashimba etu, na nteko yetu ayituukila mu mashimba etu na bukuashi buetu bi peepi nenu.”​—Mukata a kipuilo abetamina bu Epiphanius I a mu Kiev, muyile rapore ya The Jerusalem Post, 16/3/2022.

• “Mukata a kipuilo kia Orthodoxe kia mu Russie ayikalanga mutueshe kipuilo mu dia Lubingo bua basalayi muayikalanga muibatekie buabadia kukaluila eumbo diabo ‘bilombene kukita muina Russie ooso’ bu bi Moscou atungunuka na kutuma basalayi bua kulua mu Ukraine.”​—Reuters, 3/4/2022.

Bena Kidishitu mbalombene kukuatshishena lupese kampanda mu ngoshi su? Bible akula kinyi?

Akiamba Bible binyibinyi

Bible akula’shi boso abalondo Yesu Kidishitu binyibinyi ta mbalombene kutuelakana mu ngoshi nya.

• “Alusha lupete lwobe mu mbalo yaalo ; mwanda baaba booso abakakwata lupete abakafwiila ku lupete.”​—Mateo 26:52.

  Muntu akuatshishena ngoshi sunga alu mu ngoshi mmulombene kuamba’shi akookielaa mayi a Yesu binyibinyi su?

• “Ami nenupa mwiiya upya, eshi, nwifuleene kifulo muntu na muntu; bu binanenufulu kifulo, anwe namu nwifuleene kifulo muntu na muntu. Ku bino booso abakashinguula’shi nwi balongi bande, su nwi na kifulo munkatshi mwenu.”​—Yowano 13:34, 35.

  Muntu akuatshishena ngoshi mmulombene kulesha kifulo kibaadi Yesu muambe’shi nyi akikakuasha bua kutundula balongi, sunga batumibua baaye su?

Bua kuuka mianda ibungi, badika muisambo awamba’shi: “Peut-on concilier guerre et christianisme?”

Bena Kidishitu na ngoshi lelo uno

Mbilombane bua’shi bena Kidishitu bashikue kutuelakana mu ngoshi lelo uno? Oolo. Bible baadi mutemukie’shi mu ano mafuku, kino kipungo kiabetamina bu “mafuku a ku nfudiilo,” akuikala bantu ba mu miilo yoso ‘bash’abalongo dingi bia kulua ngoshi,’ mu kuipushena na malongiesha a Yesu.​—Yeeshaya 2:2, 4.

• Bua kuuka bibungi, badika muisambo wa mu miisambo ya mu Kitenta kia Mulami awamba’shi: “Efile Mukulu amonaa ngoshi naminyi?”

Binobino Yehowa,a “Efile Mukulu a butaale,” afubu na mbulamatadi aaye a muiyilu bua kupaasha bantu “ku mpombo na buntomboshi.”​—Bena-Fidipe 4:9; Misambo 72:14.

• Bua kuuka biebikitshi, tala video amba’shi: Bufumu bw’Efile Mukulu nkinyi?