Muwa aupatuula kinyi?

Lualulo lua mu Bible

Bantu bebungi bakuete kuela nkonko bua kuuka akipatuula kuikala na muwa, bu’shi: Buakinyi tui pano? Sunga’shi: Muwa wande wi na kepatshila su? Bible alesha’shi kepatshila ka kuikala kuetu na muwa nka kunyingisha kipuano kietu n’Efile Mukulu. Tala ino mianda ya binyibinyi yabadi baleshe mu Bible.

• Efile Mukulu nyi Mupangi etu. Bibe amba’shi: “[Efile Mukulu] nyi muitupangie, ta n’atue banabeene nya.”​—Misambo 100:3; Kibafumbwilwe 4:11.

• Efile Mukulu e na mpángo bua kintu kioso kiadi mupangie, mpa na atue.​—Yeeshaya 45:18.

• Efile Mukulu mmuitupangie na “nkalo ya mu kikudi” mu yaaya nkalo kuikala na muwa wi na kepatshila. (Mateo 5:3) Akumina’shi tulombashe yaya nkalo.​—Misambo 145:16.

• Atulombasha lualua lukalo pa kunyingisha kipuano kietu n’Efile Mukulu. Sunga mbilombene kumueneka’shi bi bukopo kudia bu kuuku n’Efile Mukulu, Bible etunyigisha bino: “Efubuile pepi n’Efile Mukulu aye namu efubuila pepi nobe.”​—Shake 4:8; 2:23.

• Bua kuikala kuuku a Efile Mukulu, abitungu tuikale na nshalelo muipushene na mpángo yaaye buetu. Bible alesha ino mpángo mu Mulungudi 12:13: “Tshin’Efile Mukulu, dingi lama mayi aaye mwanda kwakwa ngi kwi muntu mushima.”​—Good News Translation.

• Mu mafuku e kumpala, atukamono mpángo ya ku kibangilo y’Efile Mukulu nsaa y’akakatusha makienga na kupa ba kuuku baye muwa wa looso, bano bakuete kumulanguila.​—Misambo 37:10, 11.