Nkonko ya kulonga nayo Mukanda awitulondela myanda i mu Bible
Efile Mukulu babanga kupanga
1. Bintu byooso bibuwa mbifikye kunyi, na we mulombeene kutemuna kintu kimune su?
2. Kintu kya kumpala kibabapangile kwi Efile Mukulu nkintu kinyi?
3. Bwakinyi mwikeyilu a kumpala baadi mwilekeene na bangi ba miikeyilu?
4. Ku kibangilo nsenga ibaadi naminyi? (Tala mu kifwatulo.)
5. Mmushindo kinyi ubaadi Efile Mukulu mubangye kulumbuula nsenga bwa bantu na nyema?
Ingi nkonko:
1. Badika Yeelemiya 10:12.
Nyikashi kinyi y’Efile Mukulu ayimwenekyela ku bipangwa byaaye? (Yesh. 40:26; Lom. 11:33)
2. Badika Beena-Kolose 1:15-17.
Mudimo kinyi ubaadi ukite Yesu mu kupanga kwa bintu, na bino mbilombeene kwitukwasha naminyi bwa kwikala na mweneno ebuwa pabitale Yesu? (Kol. 1:15-17)
3. Badika Kibangilo 1:1-10.
(a) Nsenga ngifikye kunyi? (Kib. 1:1)
(b) Nkinyi kibakitshikile mwifuku dya kumpala dya kupanga? (Kib. 1:3-5)
(c) Akula pabitale kibaadi kikitshikye mwifuku dya kabidi dya kupanga. (Kib. 1:7, 8)
Lupango lwa Edene
1. Mmushindo kinyi ubaadi Efile Mukulu mulumbuule nsenga bwashi twimushale?
2. Temuna mishindo ya nyema ibaadi Efile Mukulu mupangye. (Tala mu kifwatulo.)
3. Bwakinyi lupango lwa Edene lubaadi lukile buuwa?
4. Efile Mukulu baadi akumina shi nsenga ishima ikale naminyi?
Ingi nkonko:
1. Badika Kibangilo 1:11-25.
(a) Efile Mukulu bapangile kinyi mwifuku dya kasatu? (Kib. 1:12)
(b) Nkinyi kibakitshikile mwifuku dya kananka dya kupanga? (Kib. 1:16)
(c) Mwifuku dya katano na dya kasamombo Efile Mukulu bapangile nyema ya mishindo kinyi? (Kib. 1:20, 21, 25)
2. Badika Kibangilo 2:8, 9.
Mitshi ibidi kinyi ibaadi ilekeene na ingi mitshi yooso ibaabi Efile Mukulu mukune mu lupango lwa Edene, na ibaadi ayilesha kinyi?
Adame na Eeva
1. Kifwatulo ki mu Mwanda wa 3 nkilekeene bikunyi na ki mu Mwanda wa 2?
2. Nnanyi baadi mupangye mulume a kumpala, na eshina dya yawa mulume nnanyi?
3. Efile Mukulu bapeele Adame mudimo kinyi?
4. Bwakinyi Efile Mukulu baladiishe Adame tulo twi bukopo?
5. Adame na Eeva abadya kwikala na muwa munda mwa mafuku bungi kinyi, na Efile Mukulu baadi akumina shi bakite mudimo kinyi?
Ingi nkonko:
1. Badika Misambo 83:18.
Eshina dy’Efile Mukulu nnanyi, na matalwa kinyi aadi nawo pa nsenga? (Yel. 16:21; Dan. 4:17)
2. Badika Kibangilo 1:26-31.
(a) Nkipangwa kinyi kikata kibakitshine Efile Mukulu mwifuku dya kasamombo, na bwakinyi kino kipangwa nkilekeene na nyema? (Kib. 1:26)
(b) Bintu kinyi bibaadi Yehowa mupe bantu na nyema? (Kib. 1:30)
3. Badika Kibangilo 2:7-25.
(a) Nkinyi kibaadi akitungu shi Adame akite bwa kuudika nyema mashina? (Kib. 2:19)
(b) Mukanda wa Kibangilo 2:24 awitukwasha naminyi bwa kwikala na mweneno a Yehowa pabitale dibaka, kwilekena kwa mulume na mukashi aye, na kwipaa kwa dibaka? (Mat. 19:4-6, 9)
Abebatusha mu lupango lwa Edene
1. Mu kifwatulo, nkinyi kikwete kukitshikila Adame na Eeva?
2. Bwakinyi Yehowa bebanyoko?
3. Nyoka balungwile Eeva kinyi?
4. Nnanyi baadi mwakushe nyoka bwashi esambe na Eeva?
5. Bwakinyi abaadi batuushe Adame na Eeva mu Mpaladiiso?
Ingi nkonko:
1. Badika Kibangilo 2:16, 17 na 3:1-13, 24.
(a) Bwakinyi lukonko lubaadi nyoka mwele Eeva talubaadi alulesha Yehowa bu byadi? (Kib. 3:1-5; 1 Yo. 5:3)
(b) Bwakinyi kibakitshine Eeva ki bu kileshesho kya myanda ya kwitudimusha? (Fid. 4:8; Ja. 1:14, 15; 1 Yo. 2:16)
(c) Mushindo kinyi ubapelele Adame na Eeva kukumina bito byaabo? (Kib. 3:12, 13)
(d) Mushindo kinyi ubaadi ba kerubime bababadi batuule ku kibelo kya lupango lwa Edene ku lupese lwa kutunduka nguba baleshe shi be ku lupese lwa bufumu bwa Yehowa? (Kib. 3:24)
2. Badika Bifumbulwe 12:9.
Satana mobeshe kupambula bantu bungi kinyi bwashi bakatukye ku lupese lwa bufumu bw’Efile Mukulu? (1 Yo. 5:19)
Makyenga ababanga
1. Nshalelo a Adame na Eeva paasha pa lupango lwa Edene baadi naminyi?
2. Nkinyi kibabangile kukitshikila Adame na Eeva, na bwakinyi?
3. Bwakinyi baana ba Adame na Eeva bakwete kukununupa na kufwa?
4. Su Adame na Eeva abaadi bakokyele Yehowa, nshalelo abo na a baana baabo badya kwikala bikwanyi?
5. Kukutwa kwa kukokyela kwa Eeva kubaadi kumutushile makyenga kinyi?
6. Baana balume babidi ba kumpala ba Adame na Eeva abaadi na mashina kinyi?
7. Bano bangi baana be mu kifwatulo abaadi abebayitanyina naminyi?
Ingi nkonko:
1. Badika Kibangilo 3:16-23 na 4:1, 2.
(a) Bu bibaadi Efile Mukulu mwele nsenga mulwa, nshalelo a Adame bafikile naminyi? (Kib. 3:17-19; Lom. 8:20, 22)
(b) Bwakinyi eshina dya Eeva, adipatuula shi “Atala,” dibaadi dilombane? (Kib. 3:20)
(c) Mushindo kinyi ubaadi Yehowa muleshe shi Adame na Eeva abaadi na muulo ku meso kwaye mpa na kunyima kwa’bo kukita mulwisho? (Kib. 3:7, 21)
2. Badika Bifumbulwe 21:3, 4.
‘Mbintu kinyi bya kala’ byodi na lukalo lwa kumona pabikapu?
Mwana ebuwa, na mwana ebubi
1. Kaayine na Abele babaadi abakitshi midimo kinyi?
2. Kaayine na Abele abalambwile Yehowa milambu kinyi?
3. Bwakinyi Yehowa baadi mukumine mulambu wa Abele, na mbwakinyi tabaadi mukumine mulambu wa Kaayine?
4. Kaayine baadi muntu e naminyi, na mushindo kinyi ubatompele Yehowa kumulanga?
5. Kaayine bakitshine kinyi pababadi mwifuba na mukwabo bupenka bwabo?
6. Nkinyi kibakitshikile kunyima kwa Kaayine kwipa mukwabo?
Ingi nkonko:
1. Badika Kibangilo 4:2-26.
(a) Mushindo kinyi ubaadi Yehowa muleshe Kaayine shi e mu masaku? (Kib. 4:7)
(b) Mushindo kinyi ubaadi Kaayine muleshe kibaadi mwishimba dyaye? (Kib. 4:9)
(c) Yehowa amonaa mwanda utale kuponesha mase a muntu shii na mwanda naminyi? (Kib. 4:10; Yesh. 26:21)
2. Badika 1 Yowano 3:11, 12.
(a) Bwakinyi Kaayine bafitshile munda ngofu, na bwakinyi uno mwanda wi bu kileshesho kya kwitudimusha? (Kib. 4:4, 5; Mye. 14:30; 28:22)
(b) Mushindo kinyi aulesha Bible shi sunga kifuko kyetu kishima kyatombokyela Yehowa, twi balombeene kulama kululama kwetu? (Mis. 27:10; Mat. 10:21, 22)
3. Badika Yowano 11:25.
Ndukulupilo kinyi lukwete Yehowa kwitupa bwa booso bafwe pa mwanda wa kululama kwabo? (Yo. 5:24)
Mulume baadi mukome eshimba
1. Henoke baadi mwilekeene na bangi bantu naminyi?
2. Bwakinyi bantu ba mu mafuku a Henoke abaadi abakitshi myanda ibungi ibubi?
3. Myanda kinyi ibubi ibaadi bantu abakitshi? (Tala mu kifwatulo.)
4. Bwakinyi bibaadi abitungu shi Henoke ekale mukom’eshimba?
5. Aa mafuku bantu abaadi abapu bipwa bungi kinyi na muwa, kadi Henoke bakitshine bipwa bungi kinyi?
6. Nkinyi kibakitshikile kunyima kwa lufu lwa Henoke?
Ingi nkonko:
1. Badika Kibangilo 5:21-24, 27.
(a) Nkipwano kinyi kibaadi pankatshi pa Henoke na Yehowa? (Kib. 5:24)
(b) Mu Bible, nnanyi baadi mukishe bipwa bibungi na muwa kukila bantu booso, na bafwile na bipwa bungi kinyi? (Kib. 5:27)
2. Badika Kibangilo 6:5.
Kunyima kwa lufu lwa Henoke nshalelo a bantu baadi mulwile mushindo kinyi, kadi yawa nshalelo baadi naminyi su twamupwandisha na nshalelo etu mu ano mafuku? (2 Tim. 3:13)
3. Badika Beena-Ebreeyi 11:5.
Eyikashi kinyi dya Henoke dibaadi ‘disangashe Efile Mukulu,’ na nkinyi kibakitshikile? (Kib. 5:22)
4. Badika Yuude 14, 15.
Mushindo kinyi ukumbeene beena Kidishitu kulonda kileshesho kya Henoke baadi mukome eshimba nsaa yabadimusha bantu pabitale ngoshi ya Armagedone i kumpala? (2 Tim. 4:2; Eb. 13:6)
Bantu ba bipaambe
1. Nkinyi kibakitshikile nsaa ibaadi ingi miikeyilu ipushishe Satana?
2. Bwakinyi ingi miikeyilu ibalekyele mudimo wayo mwiyilu ayo nkufika pa nsenga?
3. Bwakinyi bibaadi bubi bwa miikeyilu kufika pa nsenga na kwata mbidi ya bu muntu?
4. Baana ba miikeyilu babaadi belekene na bangi baana ba bantu ku kinyi?
5. Bu byomono mu kifwatulo, baana ba miikeyilu abakitshine kinyi pababafikile bu bipaambe?
6. Kunyima kwa Henoke, muntu kinyi ebuwa baadi pa nsenga, na bwakinyi Efile Mukulu baadi mumukumine?
Ingi nkonko:
1. Badika Kibangilo 6:1-8.
Mukanda wa Kibangilo 6:6 aulesha kinyi pabitale mushindo aupushaa Yehowa pamono mwikeelo wetu? (Mis. 78:40, 41; Mye. 27:11)
2. Badika Yuude 6.
Mushindo kinyi wi ba miikeyilu “babakutshile kulama mwikeelo wabo wa kwibedi” mu mafuku a Nowa bu kileshesho kya kwitudimusha lelo uno? (1 Kod. 3:5-9; 2 Mp. 2:4, 9, 10)
Bwato bwa Nowa
1. Kifuko kya Nowa kibaadi na bantu bungi kinyi, na baana baye balume basatu abaadi abebetanyina naminyi?
2. Efile Mukulu batekyele Nowa bwashi akite kintu kinyi kyashibaadi mubande kukita, na mbwakinyi?
3. Bantu babaadi bashale mbalo imune na Nowa babaadi bakite kinyi pabebalungwile pabitale bwato?
4. Efile Mukulu balungwile Nowa shi akite kinyi pabitale nyema?
5. Kunyima kw’Efile Mukulu kushita kiibi kya bwato, bibaadi abitungu shi Nowa na kifuko kyaye bakite kinyi?
Ingi nkonko:
1. Badika Kibangilo 6:9-22.
(a) Nkinyi kibaadi kileshe shi Nowa mmulangwidi mukata a Efile a binyibinyi? (Kib. 6:9, 22)
(b) Yehowa apusha naminyi pamono myanda ya bukitekite, na mushindo kinyi wabidi bilombeene kwitukwasha patusangula maasha sunga byooso byatubadika sunga kubandila? (Kib. 6:11, 12; Mis. 11:5)
(c) Mushindo kinyi watudi balombeene kulonda kileshesho kya Nowa su ndumbulwilo a Yehowa etulesha akitungu shi tukite? (Kib. 6:22; 1 Yo. 5:3)
2. Badika Kibangilo 7:1-9.
Kuuka shi Yehowa bamwene Nowa, muntu shi mupwidikye, bu mululame akwitunyingisha ku kinyi ano mafuku etu? (Kib. 7:1; Mye. 10:16; Yesh. 26:7)
Mpeshi a kabutu
1. Bwakinyi muntu su ngumune tabaadi na mushindo wa kutwela mu bwato kunyima kwa mpeshi kubanga kunoka?
2. Yehowa banokyeshe mpeshi munda mwa mafuku bungi kinyi, bufuku na kanya, na mema abaadi bula bwi naminyi?
3. Pababangile mema kuula pa nsenga ishima, bwato bubakitshine kinyi?
4. Bantu ba bipaambe babapandile ku Mpeshi a kabutu su, na ba mashabo babaadi bakite kinyi?
5. Kinyi kibakitshikiile bwato kunyima kwa myeshi itano?
6. Bwakinyi Nowa baadi mutume konyi kafiita kabetanyina bu enganga pasha pa bwato?
7. Mushindo kinyi ubaadi Nowa muukye shi mema abakama pa nsenga?
8. Kunyima kwa Nowa na kifuko kyaye kukita mu bwato mafuku akile kipwa kishima, Efile Mukulu bamulungwile kinyi?
Ingi nkonko:
1. Badika Kibangilo 7:10-24.
(a) Bintu bi na muwa bibafwile pa nsenga bibaadi bungi kinyi? (Kib. 7:23)
(b) Kubakidile mafuku bungi kinyi bwashi mema akame pa nsenga? (Kib. 7:24)
2. Badika Kibangilo 8:1-17.
Mushindo kinyi aulesha mukanda wa Kibangilo 8:17 shi mpango ibaadi nayo Yehowa bwa nsenga tangishintulukye nya? (Kib. 1:22)
3. Badika 1 Mpyeele 3:19, 20.
(a) Miikeyilu ibaadi itombokye payibalukiile mwiyilu, abaadi beyitshibile kiimu kinyi? (Yu. 6)
(b) Mushindo kinyi awitunyingisha uno mwanda wa Nowa na kifuko kyaye bwashi twikale na lukulupilo shi Yehowa mukumbeene kupaasha mwilo waye? (2 Mp. 2:9)
Nkongolo a kumpala
1. Bu byabimweneka mu kifwatulo, Nowa bakitshine kinyi pabatukile mu bwato?
2. Kunyima kwa Mpeshi a kabutu, Efile Mukulu beleele Nowa na kifuko kyaye mwiya kinyi?
3. Efile Mukulu batushile mulayilo kinyi?
4. Nsaa yomono nkongolo, abitungu otentekyeshe kinyi?
Ingi nkonko:
1. Badika Kibangilo 8:18-22.
(a) Mushindo kinyi watudi bakumbeene kulambula Yehowa mulambu wa “mapembwe ebuwa” lelo uno? (Kib. 8:21; Eb. 13:15, 16)
(b) Yehowa bamwene shi mashimba a bantu e naminyi, abitungu twikale badimukye pa mwanda kinyi? (Kib. 8:21; Mat. 15:18, 19)
2. Badika Kibangilo 9:9-17.
(a) Yehowa bakitshine kilombeno kinyi na bipangwa byooso abitala bi pa nsenga? (Kib. 9:10, 11)
(b) Kilombeno kya nkongolo akitungunuka munda mwa mafuku bungi kinyi? (Kib. 9:16)
Musungo wa Babele
1. Nimerode nnanyi, na Efile Mukulu baadi apusha naminyi pa mwanda waye?
2. Mu kifwatulo, bwakinyi bantu bakwete kukita matafwadi?
3. Bwakinyi Yehowa tabaadi musangale pabitale uno mudimo wa kwibaka?
4. Mushindo kinyi ubaadi Efile Mukulu mwimikye mudimo wa kwibaka kwa musungo?
5. Lwalwa lupata lubaadi n’eshina kinyi, na dyadya eshina dibaadi adipatuula kinyi?
6. Nkinyi kibaadi kikitshikile bantu kunyima kw’Efile Mukulu kufutakasha ndimi yaabo?
Ingi nkonko:
1. Badika Kibangilo 10:1, 8-10.
Nimerode baadi muleshe nyikashi kinyi, na dingi bino abitudimusha naminyi? (Mye. 3:31)
2. Badika Kibangilo 11:1-9.
Nkinyi kibatumine bantu bwashi bebakye musungo, na bwakinyi abakutshile kobesha kwiwibaka? (Kib. 11:4; Mye. 16:18; Yo. 5:44)
Abrahame—Kuuku a Efile Mukulu
1. Bantu babaadi bashale mu Ure babaadi bantu ba mushindo kinyi?
2. Uno muntu e mu kifwatulo nnanyi, batandikile mu mafuku kinyi, na baadi mushale kunyi?
3. Efile Mukulu balungwile Abrahame bwashi akite kinyi?
4. Bwakinyi Abrahame baadi ayitanyinwa bu kuuku a Efile Mukulu?
5. Nanyi bayile na Abrahame pabakatukile mu Ure?
6. Nkinyi kibaadi Efile Mukulu mulungule Abrahame pabafikile mu nsenga ya Kanaana?
7. Efile Mukulu baadi mupe Abrahame mulayilo kinyi pabaadi na bipwa 99?
Ingi nkonko:
1. Badika Kibangilo 11:27-32.
(a) Abrahame na Loota abaadi naminyi mu kifuko? (Kib. 11:27)
(b) Sunga byekala shi Tera bakatukile na kifuko kyaye enda mu Kanaana, mushindo kinyi watuuku shi Abrahame ndjo baadi mutuushe binangu bya kwenda mu Kanaana, na dingi bwakinyi bakitshine byabya? (Kib. 11:31; Bik. 7:2-4)
2. Badika Kibangilo 12:1-7.
Pabafikile Abrahame mu nsenga ya Kanaana, Yehowa baadi mutamishe kilombeno kyaye na Abrahame naminyi? (Kib. 12:7)
3. Badika Kibangilo 17:1-8, 15-17.
(a) Mushindo kinyi ubaadi Efile Mukulu mushintuule eshina dya Abrame pabaadi na bipwe 99, na mbwakinyi? (Kib. 17:5)
(b) Yehowa baadi mulee Sara myabi kinyi bwa mafuku aafiki? (Kib. 17:15, 16)
4. Badika Kibangilo 18:9-19.
(a) Mu Kibangilo 18:19, mbape ba nshabo na baana midimo kinyi? (Miy. 6:6, 7; Ef. 6:4)
(b) Mwanda kinyi ubakitshine Sara aulesha shi tatwi bakumbeene kufya Yehowa kintu su nkimune? (Kib. 18:12, 15; Mis. 44:21)
Efile Mukulu atompo Abrahame
1. Efile Mukulu baadi mulee Abrahame kinyi, na mushindo kinyi ubaadi mulombashe wawa mulayilo waaye?
2. Bu byabimweneka mu kifwatulo, Efile Mukulu baadi mutompe lukumino lwa Abrahame naminyi?
3. Nkinyi kibakitshine Abrahame sunga tabaadi auku bwakinyi Efile Mukulu bamwelele wawa mwiya?
4. Nkinyi kibakitshikile nsaa ibatshile Abrahame kapete bwa kwipaa mwan’aaye?
5. Mushindo kinyi ubaadi Abrahame na lukumino lwi bukopo?
6. Nkintu kinyi kibaadi Efile Mukulu mulumbulwile Abrahame bwashi ekilambule, na bibakitshikile naminyi?
Ingi nkonko:
1. Badika Kibangilo 21:1-7.
Bwakinyi Abrahame baadi musale mwan’aaye mulume mwifuku dya mwanda? (Kib. 17:10-12; 21:4)
2. Badika Kibangilo 22:1-18.
Isaake baadi muleshe kukokyela kwi nshaaye Abrahame naminyi, na mushindo kinyi wabibaadi abilesha mwanda wa muulo ukata ubaadi aukyebe kukitshika kumpala? (Kib. 22:7-9; 1 Kod. 5:7; Fid. 2:8, 9)
Mukashi a Loota batala kumongo
1. Abrahame na Loota abaadi belekeene bwakinyi?
2. Bwakinyi Loota bakuminyine kushaala mu Sodome?
3. Bantu ba mu Sodome babaadi bikwanyi?
4. Ba miikeyilu babidi babaadi badimushe Loota pabitale mwanda kinyi?
5. Bwakinyi mukashi a Loota baadi mwalulukye bu ebwe dya mungwa?
6. Mwanda wa mukashi a Loota awitulongyesha kinyi?
Ingi nkonko:
1. Badika Kibangilo 13:5-13.
Abrahame etulongyesha kinyi pabitale mushindo wa kupudisha bilumbu munkatshi mwa bantu? (Kib. 13:8, 9; Lom. 12:10; Fid. 2:3, 4)
2. Badika Kibangilo 18:20-33.
Mushindo ubaadi Yehowa mukitshine Abrahame myanda awitulesha naminyi shi Yehowa na Yesu abakyebe kwitukunkusha na bululame booso? (Kib. 18:25, 26; Mat. 25:31-33)
3. Badika Kibangilo 19:1-29.
(a) Uno mwanda awitulongyesha kinyi pabitale kulala kwa mulume na mulume sunga mukashi na mukashi? (Kib. 19:5, 13; Lv. 20:13)
(b) Nkwilekeena kinyi kwatusangana pankatshi pa Abrahame na Loota pabitale kulonda kwa malango a Efile Mukulu, na bino abitulongyesha kinyi? (Kib. 19:15, 16, 19, 20; 22:3)
4. Badika Luuka 17:28-32.
Mukashi a Loota baadi amono bintu bya ku mbidi naminyi, na mushindo kinyi wabidi bilombeene kwitudimusha? (Luka 12:15; 17:31, 32; Mat. 6:19-21, 25)
5. Badika 2 Mpyeele 2:6-8.
Mu kulonda kileshesho kya Loota, bantu betwifunyishe basha batshinyi Efile Mukulu twi balombeene kwi bamona bikwanyi? (Ezek. 9:4; 1 Yo. 2:15-17)
Isaake bayibakila mukashi ebuwa
1. Uno mulume na mukashi be mu kifwatulo mba naanyi?
2. Abrahame bakitshine kinyi bwa kwatshila mwan’aaye Isaake mukashi, na bwa kinyi?
3. Luteko lwa mufubi a Abrahame lubaadi lupete lwalulo naminyi?
4. Rebeka baadi mwalule naminyi pababamwipwishe su akumina kwenda mukutwela kwa Isaake?
5. Nkinyi kibaadi kisangashe Isaake dingi?
Ingi nkonko:
1. Badika Kibangilo 24:1-67.
(a) Nyikashi kinyi ibuwa ibaadi Rebeka muleshe pabafumankene na mufubi a Abrahame ku bwina bwa mema? (Kib. 24:17-20; Mye. 31:17, 31)
(b) Myanda ibaadi Abrahame mulumbulwile Isaake ayipa beena Kidishitu kileshesho kinyi lelo uno? (Kib. 24:37, 38; 1 Kod. 7:39; 2 Kod. 6:14)
(c) Bu bibakitshine Isaake, bwakinyi abitungu tukimbe nsaa ya kunangushena? (Kib. 24:63; Mis. 77:12; Fid. 4:8)
Mpasa ibaadi ilekeene
1. Esau na Yaakobo abaadi bantu kinyi, na bwakinyi abaadi belekeene?
2. Esau na Yaakobo babaadi na bipwa bungi kinyi pabafwile nshaabo kulu Abrahame?
3. Nkinyi kibaadi kikite Esau kibenyongweshe nshaaye na nyin’aaye?
4. Bwakinyi Esau baadi mufitshile mukwabo Yaakobo munda ngofu?
5. Mmwiya kinyi ubaadi Isaake mwelele mwan’aaye mulume Yaakobo?
Ingi nkonko:
1. Badika Kibangilo 25:5-11, 20-34.
(a) Yehowa baadi mupwe kulaa kinyi pabitale baana babidi ba Rebeka? (Kib. 25:23)
(b) Esau na Yaakobo abaadi na mweneno kinyi mwilekeene pabitale matalwa a bu mwana mbedi? (Kib. 25:31-34)
2. Badika Kibangilo 26:34, 35; 27:1-46; na 28:1-5.
(a) Esau baadi muleshe naminyi shi te na kanemo pabitale kipwano kyaye na Yehowa? (Kib. 26:34, 35; 27:46)
(b) Bwashi Yaakobo apete mwabi w’Efile Mukulu, Isaake bamulungwile shi akite kinyi? (Kib. 28:1-4)
3. Badika Beena-Ebreeyi 12:16, 17.
Mwanda wa Esau awitulongyesha kinyi pabitale akikyebe kufwila booso basha banemeka myanda y’Efile Mukulu?
Yaakobo bende ku Harane
1. Uno mukashi e mu kifwatulo nnanyi, na Yaakobo kwete kumukitshina kinyi?
2. Yaakobo baadi mukumine kukita kinyi bwashi ayibakile Rashele?
3. Pabalombeene nsaa yashi Yaakobo ayibakile Rashele nkinyi kibakitshine Labane?
4. Yaakobo bakuminyine kukita kinyi bwashi ayibakile Rashele?
Ingi nkonko:
1. Badika Kibangilo 29:1-30.
(a) Sunga bibaadi Labane mumudimbe, mushindo kinyi ubaadi ukite Yaakobo bwa kulama kinemo kyaaye, na bino abitulongyesha kinyi? (Kib. 25:27; 29:26-28; Mat. 5:37)
(b) Kileshesho kya Yaakobo akitulesha shi kufula muntu nkwilekeene na kumulakila? (Kib. 29:18, 20, 30; Ll. 8:6)
(c) Mbakashi kinyi bananka babaadi batwele kwa Yaakobo abo nkumutandila baana? (Kib. 29:23, 24, 28, 29)
Yaakobo taadi na kifuko kikata
1. Baana balume basamombo bababadi batande kwi Leya mukashi a kumpala a Yaakobo abebetamina naminyi?
2. Temuna mashina a baana balume babidi bababatandiile Yaakobo kwi Zilpa mufubi a Leya?
3. Temuna mashina a baana balume babidi bababatandiile Yaakobo kwi Bila mufubi a Rashele?
4. Temuna mashina a baana balume babidi babatandjile Rashele, na nkinyi kibakitshikile pakutandikwa kwa mwana a kabidi?
5. Muyiile byomono mu kifwatulo, Yaakobo baadi na baana bungi kinyi, na nkinyi kibaadi kikitshikye munkatshi mwabo?
Ingi nkonko:
1. Badika Kibangilo 29:32-35; 30:1-26; na 35:16-19.
Bu bibabidi bwa baana balume 12 ba Yaakobo, mushindo kinyi ubababadi abapa baana balume beena Ebreeyi mashina mu mafuku a kala?
2. Badika Kibangilo 37:35.
Sunga byekala shi nkapenda eshina dya Dina ndjo di mu Bible, atuuku naminyi shi Yaakobo baadi na bangi baana bakashi? (Kib. 37:34, 35)
Dina bapete malwa
1. Bwakinyi Abrahame na Isaake tababaadi abakumina shi baana baabo beyibakishene na bantu ba mu Kanaana?
2. Yaakobo baadi mukumine shi mwan’aaye mukashi ekwatene bu lole na bansongwakashi ba mu Kanaana su?
3. Uno mwana mulume kwete kutala Dina mu kifwatulo nnanyi, na nkintu kinyi ki bubi kibakitshine?
4. Simeone na Leevi bakwabo na Dina babakitshine kinyi pababapushishe kibaadi kikitshikile Dina?
5. Yaakobo baadi musangeele kibaadi Simeone na Leevi bakite su?
6. Mushindo kinyi ubapetele kifuko kyooso nkalakasho?
Ingi nkonko:
1. Badika Kibangilo 34:1-31.
(a) Dina baadi mwende mu kutembela bansongwakashi ba mu nsenga ya Kanaana penda mususa umune su? Patuula. (Kib. 34:1)
(b) Bwakinyi kushimisha kwa Dina bu mukashi kamame mmwanda ubaadi mwikimbile aye nabeene? (Gal. 6:7)
(c) Bansongwalume na bansongwakashi lelo uno mbalombeene kulesha naminyi shi kileshesho kya Dina kikwete kwi badimusha? (Mye. 13:20; 1 Kod. 15:33; 1 Yowano 5:19)
Abashikwa Yoosefe kwi bakwabo
1. Bwakinyi bakwabo na Yoosefe babaadi bamukwatshile kiutu, na babakitshine kinyi?
2. Bakwabo na Yoosefe babaadi abakyebe kumukita kinyi, kadi Rubene bakwile naminyi?
3. Nkinyi kibakitshikile pabafikile bansunga beena-Ismaele?
4. Bakwabo na Yoosefe babakitshine kinyi bwa kulesha nshaabo shi Yoosefe baafu?
Ingi nkonko:
1. Badika Kibangilo 37:1-35.
(a) Bena Kidishitu mbalombeene kulonda kileshesho kya Yoosefe naminyi pabalesha bakulu myanda ibubi ikite bangi mu kakongye? (Kib. 37:2; Lv. 5:1; 1 Kod. 1:11)
(b) Nkinyi kibaadi kitakule bakwabo na Yoosefe mu kumulesha bulamalama? (Kib. 37:11, 18; Mye. 27:4; Ja. 3:14-16)
(c) Yaakobo bakitshine kintu kinyi akilesha kalolo shi muntu mmulombeene kwinyongola binyibinyi? (Kib. 37:35)
Abeele Yoosefe mu lukano
1. Yoosefe baadi na bipwa bungi kinyi pababadi bende naaye mu Ejiipitu, na nkinyi kibakitshikile nsaa ibabafikile kwakwa?
2. Nkinyi kibaadi kikitshikile Yoosefe mu lukano?
3. Mmatalwa kinyi ababapeele Yoosefe mu lukano?
4. Mu lukano, Yoosefe baadi mukitshine nkitshishi a mampa na mwedi mukata a malofu a Faraone kinyi?
5. Nkinyi kibakitshikile kunyima kwabo kutuusha mwedi mukata a malofu mu lukano?
Ingi nkonko:
1. Badika Kibangilo 39:1-23.
Sunga mu aa mafuku a Yoosefe takubaadi mwiya aupele kutambuka lusandji, nkinyi kibaadi kimutakule mu kusuuka mukashi a Potifare? (Kib. 2:24; 20:3; 39:9)
2. Badika Kibangilo 40:1-23.
(a) Akula mu kikoso kilotwa kya mwedi mukata a malofu na otushe kipatulwilo kyakyo kibaadi Yehowa mupe Yoosefe. (Kib. 40:9-13)
(b) Nkitshishi a mampa baadi muloote kinyi, na kibaadi akipatuula kinyi? (Kib. 40:16-19)
(c) Mpika sha kishima na mupatulukye kwete kulesha naminyi lelo uno shi alondo kileshesho kya Yoosefe? (Kib. 40:8; Mis. 36:9; Yo. 17:17; Bik. 17:2, 3)
(d) Mu Kibangilo 40:20 mushindo kinyi wabalesha patooka mweneno mukumbeene beena Kidishitu bekala naaye pabitale kusangeela mafuku a kutandikwa? (Mul. 7:1; Mak. 6:21-28)
Bilotwa bya Faraone
1. Nkinyi kibaadi kikitshikile Faraone dingi efuku bufuku?
2. Bwakinyi mwedi mukata a malofu baadi mutentekyeshe Yoosefe ku nfudiilo?
3. Bu byabimweneka mu kifwatulo, Faraone baadi muloote bilotwa kinyi bibidi?
4. Nkipatulwilo kinyi kibaadi Yoosefe mutushe bwa bilootwa byooso?
5. Mushindo kinyi ubaadi Yoosefe mufikye bu muntu mukata mulondele Faraone mu Ejiipitu?
6. Bwakinyi bakwabo na Yoosefe babafikile mu Ejiipitu, na bwakinyi tababaadi bamutundule?
7. Nkilotwa kinyi kibaadi Yoosefe mutentekyeshe, na uno mwanda ubaadi umukwashe bwashi ashinguule kinyi?
Ingi nkonko:
1. Badika Kibangilo 41:1-57.
(a) Mushindo kinyi ubaadi Yoosefe mutuule binangu byaye kwi Yehowa, na beena Kidishitu lelo uno mbalombeene kulonda kileshesho kyaye mu kipaso kinyi? (Kib. 41:16, 25, 28; Mat. 5:16; 1 Mp. 2:12)
(b) Bipwa bya bidibwa bibungi abilondeshena na bipwa bya nsala mu Ejiipitu, mushindo kinyi wabilesha kalolo kwilekena kukata kwi pankatshi pa nshalelo a mu kikudi a bantu ba Yehowa lelo uno na a bipwilo bikwete kwiamba bu bya Kidishitu? (Kib. 41:29, 30; Am. 8:11, 12)
2. Badika Kibangilo 42:1-8 na 50:20.
Bibubi bwa balangwidi ba Yehowa kukunamina muntu bwa kumupa kinemo sunga kunemeka mwasu wadi nawo su byabya nyi abikitaa bantu ba mbalo yabadi bashalele su? (Kib. 42:6)
Yoosefe atompo bakwabo
1. Bwakinyi Yoosefe baadi mwambe bakwabo bu ba mpuupa?
2. Bwakinyi Yaakobo baadi mutadiile Benyamine, kamukala kaaye bwashi kende mu Ejiipitu?
3. Mushindo kinyi ubaabadi basangane ekopo dya Yoosefe dya kyamo ky’ebakanyi mu mpaaya a Benyamine?
4. Yuda baadi mutuushe kinyi bwa kupososha Benyamine?
5. Bakwabo na Yoosefe abaadi bashintulukye ngofu su?
Ingi nkonko:
1. Badika Kibangilo 42:9-38.
Mushindo kinyi wi bishima bya Yoosefe bi mu Kibangilo 42:18 bu elango dikata kwi bano booso be na mashito lelo uno mu ndumbulwilo a Yehowa? (Ne. 5:15; 2 Kod. 7:1, 2)
2. Badika Kibangilo 43:1-34.
(a) Sunga bibaadi Rubene bu mwana mbedi, bwakinyi Yuuda baadi mutuukye bwa kwakwila bakwabo? (Kib. 43:3, 8, 9; 44:14, 18; 1 Mya. 5:2)
(b) Mushindo kinyi ubaadi Yoosefe mutompe binyibinyi bakwabo, na bwakinyi? (Kib. 43:33, 34)
3. Badika Kibangilo 44:1-34.
(a) Yoosefe bakitshine naminyi bwashi bakwabo tabamutundulanga? (Kib. 44:5, 15; Lv. 19:26)
(b) Mushindo kinyi ubaadi bakwabo na Yoosefe baleshe shi tabakii dingi na mushikwa ubabadi nawo kumpala? (Kib. 44:13, 33, 34)
Kifuko kibende mu kushala mu Ejiipitu
1. Nkinyi kibaadi kikitshikye nsaa ibaadi Yoosefe mwileshe kwi bakwabo?
2. Nkinyi kibaadi Yoosefe mupatulwile bakwabo na kalolo kooso?
3. Faraone bakwile kinyi pabapushishe pabitale bakwabo na Yoosefe?
4. Bantu ba mu kifuko kya Yaakobo abaadi bungi kinyi nsaa ibabafikile mu Ejiipitu?
5. Abaadi abayitamina kifuko kya Yaakobo naminyi, na bwakinyi?
Ingi nkonko:
1. Badika Kibangilo 45:1-28.
Mushindo kinyi wi mwanda wa Yoosefe wi mu Bible aulesha mushindo ulombeene Yehowa kwalula kintu kyooso kibubi kyabakumina kukitshina bafubi baaye kyafika kibuwa? (Kib. 45:5-8; Yesh. 8:10; Fid. 1:12-14)
2. Badika Kibangilo 46:1-27.
Yehowa baadi mulungule Yaakobo kinyi pabaadi mwishinda dya ku Ejiipitu? (Kib. 46:1-4)
Yoobo baadi mulamate kwi Efile Mukulu
1. Yoobo baadi nnanyi?
2. Nkinyi kibatompele Satana kukita, baadi moobeshe su?
3. Yehowa bapeele Satana matalwa a kukita kinyi, na bwakinyi?
4. Bwakinyi mukashi a Yoobo bamulungwile shi ‘tombokyel’Efile Mukulu owukye kwinyi kufwa’? (Tala mu kifwatulo.)
5. Bu byokwete kumona mu kifwatulo kya kabidi, mushindo kinyi ubaadi Yehowa mwelele Yoobo mwabi, na mbwakinyi?
6. Su atwe naamu twekala balulame ku meso kwa Yehowa bu bibaadi Yoobo, myabi kinyi yatudi balombeene kupeta?
Ingi nkonko:
1. Badika Yoobo 1:1-22.
Mushindo kinyi ulombeene beena Kidishitu lelo uno kulonda kileshesho kya Yoobo? (Yob 1:1; Fid. 2:15; 2 Mp. 3:14)
2. Badika Yoobo 2:1-13.
Nkwilekena kinyi kwi pankatshi pa mushindo ubaadi Yoobo mukite kumpala kwa bitompwanga bya Satana na mushindo ubakitshine mukashi aaye? (Yob 2:9, 10; Mye. 19:3; Mik. 7:7; Mal. 3:14)
3. Badika Yoobo 42:10-17.
(a) Bwedi bubapetele Yoobo nbwipushena na bwedi bubapetele Yesu pa mwanda wa kululama kwaye pabaadi na muwa pa nsenga ku kinyi? (Yob 42:12; Fid. 2:9-11)
(b) Myabi ibapetele Yoobo pa mwanda wa kushaala mulamate kwi Efile Mukulu ayitunyingisha naminyi? (Yob 42:10, 12; Eb. 6:10; Ja. 1:2-4, 12; 5:11)
Nfumu ebubi bamunu Ejiipitu
1. Mu kifwatulo, muntu kinyi e na lufimbo, na kwete kukupila nnanyi?
2. Nkinyi kibaadi kifikile beena Isaleele kunyima kwa lufu lwa Yoosefe?
3. Bwakinyi beena Ejiipitu ababangile kutshiina beena Isaleele?
4. Faraone baadi mutumine bana bakashi abaadi abakwasha bakashi ba beena Isaleele pa kutanda eyi dya kukita kinyi?
Ingi nkonko:
1. Badika Efilu 1:6-22.
(a) Yehowa babangile kulombasha mulayilo waye ubaadi mupe Abrahame naminyi? (Efi. 1:7; Kib. 12:2; Bik. 7:17)
(b) Mushindo kinyi ubaadi bakashi beena Ebreeyi babaadi abakwasha bakashi nabo pa kutanda, baleshe shi abaadi abaata muwa na kinemo? (Efi. 1:17; Kib. 9:6)
(c) Mushindo kinyi ubaadi Yehowa mwelele baba bakashi abaadi abakwasha bakashi ba beena Isaleele pa kutanda mwabi? (Efi. 1:20, 21; Mye. 19:17)
(d) Mushindo kinyi ubaadi Satana mutompe kulwisha mpango ya Yehowa pabitale Kekulu ka Abrahame? (Efi. 1:22; Mat. 2:16)
Mushindo ubabapashile Moyiise
1. Mwana tooka e mu kino kifwatulo nnanyi, na mukwate ku munwe wa nnanyi?
2. Nyin’aaye na Moyiise bakitshine kinyi bwa kumupaasha bwashi tabamwipanga?
3. Ouku eshina dya kano kansongwakashi ke mu kifwatulo na kibakakitshine?
4. Pabafikile mwana mukashi a Faraone aye nkusangana mwana, Miryame bamulungwile naminyi?
5. Mwana mukashi a nfumu balungwile nyin’aaye na Moyiise kinyi?
Ingi nkonko:
1. Badika Efilu 2:1-10.
Nkinyi kibaadi kikwashe nyin’aaye na Moyiise bwashi alongyeshe Moyiise kubanga aye kii mukinga, na lelo uno banambutwile mbalombeene kulonda kileshesho kyaye naminyi? (Efi. 2:9, 10; Miy. 6:6-9; Mye. 22:6; Ef. 6:4; 2 Tim. 3:15)
Bwakinyi Moyiise basuuku?
1. Moyiise baadi mukudile kunyi, kadi nkinyi kibaadi awuku pabitale baledi baaye?
2. Nkinyi kibakitshine Moyiise pabaadi na bipwa 40?
3. Nkinyi kibaadi Moyiise mulungule mwina Isaleele baadi alu ngoshi na mukwabo, na yawa mwina Isaleele bamwalulwile bikwanyi?
4. Bwakinyi Moyiise basuukile kula na Ejiipitu?
5. Moyiise basuukile lubilo enda kunyi, na bafumankeene na muntu kinyi kwakwa?
6. Aye bakatuka mu Ejiipitu, Moyiise baadi akitshi kinyi munda mwa bipwa 40?
Ingi nkonko:
1. Badika Efilu 2:11-25.
Sunga bibaadi Moyiise mupwe bipwa bibungi bwa kulonga myanda ya mu Ejiipitu, mushindo kinyi ubaadi muleshe shi mulamate kwi Yehowa na kwi mwilo waaye? (Efi. 2:11, 12; Eb. 11:24)
2. Badika Bikitshino 7:22-29.
Mushindo ubaadi Moyiise mutompe kutuusha beena Isaleele mu bupika bwa mu Ejiipitu bupenka bwaye awitulongyesha kinyi? (Bik. 7:23-25; 1 Mp. 5:6, 10)
Ndjimi ya kaalo mwifufu dya mutshi
1. Uno mwengye wi mu kifwatulo abewitaminaa naminyi?
2. Nkintu kinyi kya kukanya kibaadi Moyiise mumone pabaadi na mikooko ku mwengye?
3. Eyi dibatukile mwifufu dya kaalo dibakwile naminyi, na dyadya eyi dibaadi dya nnanyi?
4. Efile Mukulu pabalungwile Moyiise shi akyebe kutuusha mwilo waaye mu Ejiipitu, Moyiise balulwile naminyi?
5. Efile Mukulu balungwile Moyiise bwashi alungule mwilo kinyi su ubamwipusha eshina dya yawa bamutumine?
6. Bibaadi abitungu shi Moyiise akite kinyi bwa kulesha shi Efile Mukulu ndjo baadi mumutume?
Ingi nkonko:
1. Badika Efilu 3:1-22.
Mushindo kinyi wi myanda ibaadi ikitshikile Moyiise ayitunyingisha shi sunga twepusha bu bashi kapu ka kulombasha mudimo kampanda awitupa Efile Mukulu, Yehowa akyebe kwitukwasha? (Efi. 3:11, 13; 2 Kod. 3:5, 6)
2. Badika Efilu 4:1-20.
(a) Nkinyi kibaadi kishintulukye mu binangu bya Moyiise pabaadi mushale mu Madyane munda mwa bipwa 40 na, bano booso be na lukalo lwa kupeta mashito mu kakongye bino abibalongyesha kinyi? (Efi. 2:11, 12; 4:10, 13; Mik. 6:8; 1 Tim. 3:1, 6, 10)
(b) Sunga Yehowa etunyoka ku bukwashi bwa ndumbulwilo aaye, kileshesho kya Moyiise nkilombeene kwitupa lukulupilo kinyi? (Efi. 4:12-14; Mis. 103:14; Eb. 12:4-11)
Moyiise na Aarone abemonena na Faraone
1. Bipaso bibaadi Moyiise na Aarone bakite bibaadi bikwashe beena Isaleele ku kinyi?
2. Moyiise na Aarone babalungwile Faraone kinyi, na Faraone balulwile naminyi?
3. Bu byabimweneka mu kifwatulo, nkinyi kibakitshikile nsaa ibakupiile Aarone mukombo waye pashi?
4. Mushindo kinyi ubaadi Yehowa mulongyeshe Faraone, na Faraone bakitshine kinyi?
5. Nkinyi kibaadi kikitshikye kunyima kwa kipupa ky’ekumi?
Ingi nkonko:
1. Badika Efilu 4:27-31 na 5:1-23.
Faraone bakyebele kulesha kinyi pabakwile shi: ‘Ntanguuku Yehowa nya’? (Efi. 5:2; 1 Sam. 2:12; Lom. 1:21)
2. Badika Efilu 6:1-13, 26-30.
(a) Mu kipaso kinyi mushibaadi Yehowa mwileshe kwi Abrahame, Isaake na Yaakobo? (Efi. 3:13, 14; 6:3; Kib. 12:8)
(b) Tukwete kupusha naminyi nsaa yatuuku shi Yehowa baadi mutungunukye na kutumika na Moyiise, sunga mbibaadi emono bu’ye shi kapu ka koobesha mudimo waye? (Efi. 6:12, 30; Luk. 21:13-15)
3. Badika Efilu 7:1-13.
(a) Pabaadi Moyiise na Aarone banyingye mashimba bwa kwenda mu kulungula Faraone bi kitshibilo kya Yehowa, mbalekyele beena Kidishitu kileshesho kinyi lelo uno? (Efi. 7:2, 3, 6; Bik. 4:29-31)
(b) Mushindo kinyi ubaadi Yehowa muleshe shi aye mmukile b’efile ba mu Ejiipitu? (Efi. 7:12; 1 Mya. 29:12)
Bipupa ekumi
1. Ku bukwashi bwa kino kifwatulo, esambe pabitale bipupa bisatu bya kumpala bibaadi Yehowa mutume mu Ejiipitu.
2. Bipupa bisatu bya kumpala mbilekeene na bingi bipupa bibashala ku kinyi?
3. Kipupa kya kananka, kya katano na kya kasamombo bibaadi bya kinyi?
4. Kipupa kya musambo, kya mwanda na kya kitema kibaadi naminyi?
5. Yehowa balungwile beena Isaleele bwashi bakite kinyi kumpala kwashi kipupa ky’ekumi kifikye?
6. Kipupa ky’ekumi kibaadi naminyi, na nkinyi kibakitshikile kunyima kwakyo?
Ingi nkonko:
1. Badika Efilu 7:19–8:23.
(a) Sunga basha-malenganyi ba mu Ejiipitu babaadi bakituule bipupa bibidi bya kumpala, kinyi kibaabadi bakumine pabukopo kunyima kwa kipupa kya kasatu? (Efi. 8:18, 19; Mat. 12:24-28)
(b) Kipupa kya kananka kibaadi kileshe naminyi shi Yehowa e na bukome bwa kukalwila mwilo waye, na pa kuuka wawa mwanda, bafubi b’Efile Mukulu abapusha naminyi bu bi ‘kubingwabingwa kukata’ kubaadi kulayibwe takudi pepi? (Efi. 8:22, 23; Bif. 7:13, 14; 2 Mya. 16:9)
2. Badika Efilu 8:24; 9:3, 6, 10, 11, 14, 16, 23-25; na 10:13-15, 21-23.
(a) Bipupa Ekumi bibaadi bileshe patooka bisaka kinyi bibidi, na uno mwanda aulongamisha naminyi mushindo watutala bino bisaka lelo uno? (Efi. 8:10, 18, 19; 9:14)
(b) Mukanda wa Efilu 9:16 awitukwasha naminyi bwa kupusha bwakinyi Yehowa kii mutadiile Satana mpa na lelo? (Lom. 9:21, 22)
3. Badika Efilu 12:21-32.
Mushindo kinyi ubaadi kidibwa kya Lukilo kikwashe bantu bebungi bwashi bapande, na lwalwa Lukilo lubaadi alulesha kinyi? (Efi. 12:21-23; Yo. 1:29; Lom. 5:18, 19, 21; 1 Kod. 5:7)
Abasabuka Kalunga Kamonga
1. Mushindo kinyi ubaadi beena Isaleele balume, bakashi mpa na baana bakatukye mu Ejiipitu, na mbantu kinyi dingi babayile nabo?
2. Faraone bapushishe naminyi aye baapu kuleka beena Isaleele bwashi bende, na nkinyi kibakitshine?
3. Yehowa bakitshine kinyi bwa kwimika beena Ejiipitu bwashi tabalwanga na mwilo waaye?
4. Nkinyi kibakitshikile pabakupile Moyiise mukombo waye mu Kalunga Kamonga, na beena Isaleele abakitshine kinyi?
5. Nkinyi kibakitshikile pabaadi beena Ejiipitu batwele lubilo mu mema bwa kulonda beena Isaleele?
6. Beena Isaleele abakitshine kinyi bwa kulesha lutumbu kwi Yehowa mwanda baadi mwibapashe?
Ingi nkonko:
1. Badika Efilu 12:33-36.
Mushindo kinyi ubakitshine Yehowa bwashi bape mwilo waaye efuto pa mwanda wa bipwa byooso bibabadi bakite mu bupika mu Ejiipitu? (Efi. 3:21, 22; 12:35, 36)
2. Badika Efilu 14:1-31.
Mayi a Moyiise e mu Efilu 14:13, 14 aakwasha bafubi ba Yehowa lelo uno naminyi bu byabakwete kutengyela ngoshi ya Armagedone? (2 Mya. 20:17; Mis. 91:8)
3. Badika Efilu 15:1-8, 20, 21.
(a) Bwakinyi bafubi ba Yehowa abitungu bayimbe ngono ya kumutumbisha? (Efi. 15:1, 2; Mis. 105:2, 3; Bif. 15:3, 4)
(b) Pababasabukile Kalunga Kamonga, Miryame na bangi bakashi beena Isaleele mbalekyele bakashi beena Kidishitu ba lelo uno kileshesho kinyi pabitale kutumbisha kwa Yehowa? (Efi. 15:20, 21; Mis. 68:11)
Bya kudya bya ungi mushindo
1. Bu byomono mu kifwatulo, bantu bakwete kusangula bintu kinyi mu nsenga, na abebitamina naminyi?
2. Moyiise baadi mupe bantu mwiya kinyi pabitale kusangula maana?
3. Yehowa baadi mulungule bantu bwashi bakite kinyi mwifuku dya kasamombo, na mbwakinyi?
4. Yehowa bakitshine kipaso kinyi nsaa ibabadi balame maana mwifuku dya musambo?
5. Yehowa badishishe bantu maana munda mwa mafuku bungi kinyi?
Ingi nkonko:
1. Badika Efilu 16:1-36 na Mbadiko 11:7-9.
(a) Mukanda wa Efilu 16:8 awitulesha naminyi shi abitungu twikale atunemeka baaba be na mashito mu kakongye ka beena Kidishitu? (Eb. 13:17)
(b) Mu kabaaka, mushindo kinyi ubabadi abatentekyesha beena Isaleele shi abitungu bekale bakulupile kwi Yehowa bwa kupudisha nkalo yabo y’efuku dyooso? (Efi. 16:14-16, 35; Miy. 8:2, 3)
(c) Nkileshesho kinyi kibaadi Yesu mutushe bwa kupatuula maana, na uno ‘mukate aufiki mwiyilu’ wi na bukwashi kinyi kwatudi? (Yo. 6:31-35, 40)
2. Badika Yooshwa 5:10-12.
Beena Isaleele babadiile maana munda mwa bipwa bungi kinyi, uno mwanda ubaadi bu kitompwanga kwabadi naminyi, na bino mbilombeene kwitulongyesha kinyi? (Efi. 16:35; Mb. 11:4-6; 1 Kod. 10:10, 11)
Yehowa apa Isaleele Miiya
1. Myeshi ibidi kunyima kwa kukatuka mu Ejiipitu, beena Isaleele babashalele kunyi?
2. Yehowa bakwile shi akumina shi mwilo ukite kinyi, na babalulwile naminyi?
3. Bwakinyi Yehowa bapeele Moyiise mpelwa ya mabwe ibidi?
4. Kukaasha Miiya Ekumi, Yehowa bapele beena Isaleele ingi miiya kinyi?
5. Mmiiya kinyi ibidi ikata ibaadi Yesu Kidishitu mwambe shi ngikile inayo?
Ingi nkonko:
1. Badika Efilu 19:1-25; 20:1-21; 24:12-18; na 31:18.
Mushindo kinyi wi mayi e mu mukanda wa Efilu 19:8 aetukwasha bwa kupusha akitungu kukita bwa kwilambula bu mwina Kidishitu? (Mat. 16:24; 1 Mp. 4:1-3)
2. Badika Miiya Ikituulwe 6:4-6; Beena-Leevi 19:18; na Mateo 22:36-40.
Mushindo kinyi auleshaa beena Kidishitu shi mbafule Efile Mukulu na bantu nabo? (Mak. 6:34; Bik. 4:20; Lom. 15:2)
Nkishi a mwana a ngombe
1. Muno mu kifwatulo, bantu bakwete kukita kinyi, na mbwakinyi?
2. Bwakinyi Yehowa mufite munda, na nkinyi kikwete kukita Moyiise pabamono abikitshi mwilo?
3. Moyiise balungwile bangi ba ku baana balume bwashi bakite kinyi?
4. Uno mwanda awitulongyesha kinyi?
Ingi nkonko:
1. Badika Efilu 32:1-35.
(a) Uno mwanda aulesha naminyi bi mweneno a Yehowa pabitale kusanga lulangwilo lwa binyibinyi na lulangwilo lwa madimi? (Efi. 32:4-6, 10; 1 Kod. 10:7, 11)
(b) Beena Kidishitu mbalombeene kudimukila kinyi pabitale kusangula kwa bintu bya kupwa nabyo lulengu, kileshesho bu kuyimba na kusha masha? (Efi. 32:18, 19; Ef. 5:15, 16; 1 Yo. 2:15-17)
(c) Kisamba kya Levi akitupa kileshesho kinyi pabitale kushala balamate ku bya binyibinyi? (Efi. 32:25-28; Mis. 18:25)
Nshibo y’epema bwa kulangwila
1. Ino nshibo i mu kifwatulo abeyitamina naminyi, na ina mudimo kinyi?
2. Bwakinyi Yehowa baadi mulungule Moyiise shi akite nshibo y’epema mu mushindo ulombeene bantu kutwala bipese byayo kalolo?
3. Nkashete kinyi ke mu kadimbo kapeela ku nfudiilo kwa nshibo y’epema na mu kano kashete mwi kinyi?
4. Nnanyi ababadi basangule kwi Yehowa bwashi ekale tshiite-mwakwidi mukata e pandu, na tshiite mwakwidi mukata e panundu baadi na mudimo kinyi?
5. Teemuna bintu bisatu bibaadi mu kadimbo kakata ka nshibo y’epema.
6. Mbintu kinyi bibidi bibaadi mu lupango lwa tabernakele, na bibaadi na mudimo kinyi?
Ingi nkonko:
1. Badika Efilu 25:8-40; 26:1-37; 27:1-8; na 28:1.
Bakerubime abaadi ku ‘musheete wa kilombeno’ abaadi abalesha kinyi? (Efi. 25:20, 22; Mb. 7:89; 2 Bf. 19:15)
2. Badika Efilu 30:1-10, 17-21; 34:1, 2; na Beena-Ebreeyi 9:1-5.
(a) Bwakinyi Yehowa baadi mushimikye kasele pabitale bwiselele bwa ba tshiite-mwakwidi abaadi abafubu ku tabernakele, na uno mwanda wi na bukwashi kinyi kwatudi lelo? (Efi. 30:18-21; 40:30, 31; Eb. 10:22)
(b) Mushindo kinyi ubaadi Mpoolo mutumibwa muleshe shi tabernakele na kilombeno kya Miiya tabibaadi dingi na mufubo mu mafuku abaadi mufunde mukanda ubaadi mutumine beena Kidishitu ba mu Ebreeyi? (Eb. 9:1, 9; 10:1)
Ba mpuupa ekumi na babidi
1. Nkinyi kyokwete kumona ku bino bisaasa bya bikuba bya nfinyo bi mu kifwatulo, na bibafiki kunyi?
2. Bwakinyi Moyiise batumine ba mpuupa 12 mu nsenga ya Kanaana?
3. Ba mpuupa ekumi babakwile kinyi pababalukiile kwi Moyiise?
4. Ba mpuupa babidi abakitshine kinyi bwa kulesha lukulupilo lwabo kwi Yehowa, na mashina aabo mba nnanyi?
5. Bwakinyi Yehowa baadi mufiite munda, na nkinyi kibalungwile Moyiise?
Ingi nkonko:
1. Badika Mbadiko 13:1-33.
(a) Mbantu kinyi bababadi basangule bwa kwenda mu kupuupa ewumbo, na babaadi na bulungantu bwa kukita kinyi? (Mb. 13:2, 3, 18-20)
(b) Bwakinyi Yooshwa na Kalebe abaadi na binangu bilekeene na bya bangi ba mpuupa, na bino abitulongyesha kinyi? (Mb. 13:28-30; Mat. 17:20; 2 Kod. 5:7)
2. Badika Mbadiko 14:1-38.
(a) Abitungu tulonde elango kinyi pabitale kwipula bantu babadi batuule kwi Yehowa be pa nsenga? (Mb. 14:2, 3, 27; Mat. 25:40, 45; 1 Kod. 10:10)
(b) Mushindo kinyi wi mukanda wa Mbadiko 14:24 aulesha shi Yehowa atalaa nkalo ya muntu na muntu ooso a ku bafubi baaye? (1 Bf. 19:18; Mye. 15:3)
Mukombo wa Aarone ubatuusha bilongo
1. Mbantu kinyi abaadi batombokyele Moyiise na Aarone, na babalungwile Moyiise kinyi?
2. Moyiise balungwile Koree na bantu 250 babaadi kumongo kwaye bwa kukita kinyi?
3. Moyiise balungwile mwilo mwanda kinyi, na nkinyi kibakitshikile nsaa ibapwile kwakula?
4. Nkinyi kibaadi kifwile Koree na bantu baaye 250?
5. Eleazare, mwana a Aarone bakitshine kinyi na tweso twa kaalo twa bano bantu babafwile, na mbwakinyi?
6. Bwakinyi Yehowa bameneshe bilongo ku mukombo wa Aarone? (Tala mu kifwatulo.)
Ingi nkonko:
1. Badika Mbadiko 16:1-49.
(a) Koree na bantu baaye babakitshine kinyi, na bwakinyi byabya bibaadi abilesha shi abatombokyele Yehowa? (Mb. 16:9, 10, 18; Lv. 10:1, 2; Miy. 11:2)
(b) Mbinangu kinyi bibubi bibaadi nabyo Koree na “bakata ba kakongye” 250? (Mb. 16:1-3; Mye. 15:33; Yesh. 49:7)
2. Badika Mbadiko 17:1-11 na 26:10.
(a) Kutuuka kwa bilongo ku mukombo wa Aarone kubaadi akulesha kinyi, na bwakinyi Yehowa bambile shi abitungu kulama wawa mukombo mu mushete? (Mb. 17:5, 8, 10)
(b) Kintu kibaadi kitukye ku mukombo wa Aarone akitulongyesha kinyi? (Mb. 17:10; Bik. 20:28; Fid. 2:14; Eb. 13:17)
Moyiise akupila mukombo ku lubwebwe
1. Mushindo kinyi ubaadi Yehowa apudisha nkalo ya beena Isaleele mu kabaaka?
2. Pabashalele beena Isaleele mu Kadeshe, ababangile kwidila bwakinyi?
3. Mushindo kinyi ubaadi Yehowa mwibatushile mema bwabo mpa na bwa nyema yaabo?
4. Mu kifwatulo nnanyi kwete kwifunka munwe, na bwakinyi kwete kukita byabya?
5. Bwakinyi Yehowa baadi mufitshile Moyiise na Aarone munda, na mushindo kinyi ubaadi mwibanyokye?
6. Nkinyi kibaadi kikitshikye ku Mwengye wa Hore, na nnanyi bafikile bu tshiite-mwakwidi mukata e panundu mu Isaleele?
Ingi nkonko:
1. Badika Mbadiko 20:1-13, 22-29 na Miiya Ikituulwe 29:5.
(a) Mushindo ubaadi Yehowa mulame beena Isaleele mu kabaaka awitulongyesha kinyi? (Miy. 29:5; Mat. 6:31; Eb. 13:5; Ja. 1:17)
(b) Yehowa bapushishe naminyi mushindo ubaadi Moyiise na Aarone bakutwe kumutumbisha ku meso a beena Isaleele? (Mb. 20:12; 1 Kod. 10:12; Bif. 4:11)
(c) Mushindo ubaadi Moyiise mukite nsaa ibamunyokyele Yehowa awitulongyesha kinyi? (Mb. 12:3; 20:12, 27, 28; Miy. 32:4; Eb. 12:7-11)
Nyoka a kyaamo kimonga
1. Mu kino kifwatulo, nkinyi kyabadi bapombeele ku kiluu, na bwakinyi Yehowa balungwile Moyiise bwashi ekipombeele kwanka?
2. Mushindo kinyi ubaadi mwilo ukutwe lutumbu kwi Efile Mukulu bwa byooso bibaadi mwibakitshine?
3. Mwilo ubaadi wipushe Moyiise kinyi kunyima kwa Yehowa kutuma manyoka a bulembe bwa kwibanyooka?
4. Bwakinyi Yehowa baadi mulungule Moyiise bwashi akite nyoka a kyamo kimonga?
5. Uno mwanda awitulongyesha kinyi?
Ingi nkonko:
1. Badika Mbadiko 21:4-9.
(a) Mushindo ubaadi beena Isaleele bedile pa mwanda wa bintu bibaadi Yehowa mwibape awitudimusha ku kinyi? (Mb. 21:5, 6; Lom. 2:4)
(b) Kunyima kwa nkama ya bipwa, beena Isaleele abakitshine kinyi na nyoka a kyamo kimonga, na nkinyi kibakitshine Nfumu Ezekyase? (Mb. 21:9; 2 Bf. 18:1-4)
2. Badika Yowano 3:14, 15.
Bwakinyi kwimika kwa nyoka a kyamo kimonga ku kiluu kubaadi bu kileshesho kya kupudika kwa Yesu Kidishitu ku mutshi? (Gal. 3:13; 1 Mp. 2:24)
Mpunda bakula
1. Balake nnanyi, na bwakinyi bayitanyiishe Balame?
2. Bwakinyi mpunda a Balame mmulale mwishinda?
3. Balame bapushishe mpunda akula kinyi?
4. Mwikeyilu balungwile Balame kinyi?
5. Nkinyi kibakitshikile pabatompele Balame kwela Isaleele milwa?
Ingi nkonko:
1. Badika Mbadiko 21:21-35.
Bwakinyi Isaleele baadi mutshokole Sihone nfumu a beena Amoore na Oge nfumu a mu Bashane? (Mb. 21:21, 23, 33, 34)
2. Badika Mbadiko 22:1-40.
Nkinyi kibaadi mu binangu bya Balame pabatompele kwela Isaleele milwa, na uno mwanda ngulombeene kwitulongyesha kinyi? (Mb. 22:16, 17; Mye. 6:16, 18; 2 Mp. 2:15; Yu 11)
3. Badika Mbadiko 23:1-30.
Sunga bibaadi Balame ayitanyinwa bu mulangwidi a Yehowa, mushindo kinyi ubaadi bikitshino byaye abilesha shi tabaadi mufubi aaye? (Mb. 23:3, 11-14; 1 Sam. 15:22)
4. Badika Mbadiko 24:1-25.
Mushindo kinyi wi uno mwanda wi mu Bible aunyingisha lukumino lwetu mu mpango ya Yehowa ikwete kwenda na kukumbana? (Mb. 24:10; Yesh. 54:17)
Yooshwa taadi mukunkushi
1. Mu kino kifwatulo, bano balume babidi bemane na Moyiise mbananyi?
2. Yehowa balungwile Yooshwa kinyi?
3. Bwakinyi Moyiise bakamiine ku nsongo kwa Mwengye wa Nebo, na Yehowa bamulungwile kinyi?
4. Moyiise baadi na bipwa bungi kinyi pabafwile?
5. Bwakinyi bantu mbenyongole, kadi bwakinyi be na kyakwikala na muloo?
Ingi nkonko:
1. Badika Mbadiko 27:12-23.
Yehowa bapeele Yooshwa mudimo kinyi ukata, na mushindo kinyi ukwete Yehowa kulesha shi kwete kwitatshisha bwa bafubi Baye lelo uno? (Mb. 27:15-19; Bik. 20:28; Eb. 13:7)
2. Badika Miiya Ikituulwe 3:23-29.
Bwakinyi Yehowa bapelele kuleka Moyiise na Aarone bwa kutwela mu nsenga ya mulayilo, na uno mwanda awitulongyesha kinyi? (Miy. 3:25-27; Mb. 20:12, 13)
3. Badika Miiya Ikituulwe 31:1-8, 14-23.
Mu mayi aaye a ku nfudiilo abalungwile beena Isaleele, nkinyi akilesha shi Moyiise bakuminyine na kwiyisha kooso dinyoka dya Yehowa? (Miy. 31:6-8, 23)
4. Badika Miiya Ikituulwe 32:45-52.
Abitungu shi Eyi dy’Efile Mukulu dikite kinyi mu nshalelo etu? (Miy. 32:47; Lv. 18:5; Eb. 4:12)
5. Badika Miiya Ikituulwe 34:1-12.
Sunga twamba shi Moyiise tabaadi mumone Yehowa na meso aaye, mukanda wa Miiya Ikituulwe 34:10 aulesha kinyi pabitale kipwano kibaadi pankatshi paaye na Yehowa? (Efi. 33:11, 20; Mb. 12:8)
Rakabe afwamisha ba mpuupa
1. Rakabe baadi mushaale kunyi?
2. Bano balume babidi be mu kifwatulo mba nanyi, na bwakinyi mbafikye mu Yeeriko?
3. Nfumu a mu Yeeriko batumiine Rakabe eyi bwashi akite kinyi, kadi aye namu balulwile naminyi?
4. Mushindo kinyi ubaadi Rakabe mukwashe bano balume babidi, na nkinyi kibebatekyele bwashi bamukitshine?
5. Ba mpuupa babidi babalayile Rakabe kinyi?
Ingi nkonko:
1. Badika Yooshwa 2:1-24.
Mushindo kinyi ubakumbeene mulayilo wa Yehowa wi mu Efilu 23:28 pabafikile beena Isaleele pepi na Yeeriko? (Yos. 2:9-11)
2. Badika Beena-Ebreeyi 11:31.
Kileshesho kya Rakabe akilesha naminyi muulo wi nawo kwikala na lukumino? (Lom. 1:17; Eb. 10:39; Ja. 2:25)
Abasabuka Mwela wa Yoordano
1. Nkipaso kinyi kibakitshine Yehowa bwashi beena Isaleele basabukye Mwela wa Yoordano?
2. Bi baadi abitungu shi beena Isaleele bakite mwanda kinyi aulesha lukumino lwabo bwa kusabuka Mwela wa Yoordano?
3. Bwakinyi Yehowa balungwile Yooshwa bwa kubunga mabwe akata 12 munkatshi mwa mwela?
4. Nkinyi kibakitshikile pabatukile batshiite-mwakwidi mu mema a Yoodano?
Ingi nkonko:
1. Badika Yooshwa 3:1-17.
(a) Bu abilesha uno mwanda, abitungu tukite kinyi bwashi tupete bukwashi na mwabi wa kwi Yehowa? (Yos. 3:13, 15; Mye. 3:5; Ja. 2:22, 26)
(b) Mwela wa Yoordano ubaadi naminyi pabasabukile beena Isaleele bwa kwenda mu Nsenga ya Mulayilo, na mushindo kinyi wabilesha bukata bw’eshina dya Yehowa? (Yos. 3:15; 4:18; Mis. 66:5-7)
2. Badika Yooshwa 4:1-18.
Bwakinyi abaadi baate mabwe akata 12 mu Yoordano beatwala ku Gilgale? (Yos. 4:4-7)
Bimano bya Yeeriko
1. Yehowa balungwile beena ngoshi na batshiite-mwakwidi bwashi bakite kinyi munda mwa mafuku asamombo?
2. Bibaadi abitungu shi bakite kinyi mwifuku dya musambo?
3. Bu byomono mu kifwatulo, nkinyi kikwete kukitshikila bimano bya Yeeriko?
4. Bwakinyi uno mooshi umonga ngupudikwe kwididishi?
5. Yooshwa balungwile beena ngoshi bwashi bakite bantu ba mu Yeeriko na lupata lwabo kinyi, kadi bibaadi abitungu shi bakite kinyi na bintu bya kyamo ky’ebakanyi, bya oòlò, bya munyinga usangwe na bya bilonda?
6. Babalungwile ba mpuupa bwashi bakite kinyi?
Ingi nkonko:
1. Badika Yooshwa 6:1-25.
(a) Mushindo kinyi wi kwifuunya kwa beena Isaleele kwa lupata lwa Yeeriko misango musambobidi kwi na kileshesho kimune na mudimo wa kulungula mukandu wibuwa wa Batemwe ba Yehowa mu ano mafuku a ku nfudiilo? (Yos. 6:15, 16; Yesh. 60:22; Mat. 24:14; 1 Kod. 9:16)
(b) Mushindo kinyi ubakumbeene mwanda ubatemukile Yooshwa wi mu Yooshwa 6:26 kunyima kwa bipwa pepi na 500, na bino abitulongyesha kinyi pabitale eyi dya Yehowa? (1 Bf. 16:34; Yesh. 55:11)
Ngifi mu Isaleele
1. Mu kino kifwatulo, uno muntu kwete kushiika bintu bya muulo bibaadi mwate mu Yeeriko nnanyi, na bano bakwete kumukwasha mbantu kinyi?
2. Bwakinyi uno mwanda ubakitshi Akane na kifuko kyaye nyi mwanda ukata?
3. Yehowa bambile kinyi pabamwipwishe Yooshwa bwakinyi babatshokwele beena Isaleele mu ngoshi kwi beena Aayii?
4. Pabafikile Akane na kifuko kyaye kumpala kwa Yooshwa, nkinyi kibebakitshikiile?
5. Mushindo ubabadi banyokye Akane awitulongyesha kinyi?
Ingi nkonko:
1. Badika Yooshwa 7:1-26.
(a) Nteko ya Yooshwa ayilesha shi baadi na kipwano ki naminyi na Mupangi aye? (Yos. 7:7-9; Mis. 119:145; 1 Yo. 5:14)
(b) Kileshesho kya Akane akilesha kinyi, na mushindo kinyi wakitudimusha? (Yos. 7:11, 14, 15; Mye. 15:3; 1 Tim. 5:24; Eb. 4:13)
2. Badika Yooshwa 8:1-29.
Mudimo kinyi wi na ooso a kwatudi pabitale kakongye ka beena Kidishitu lelo uno? (Yos. 7:13; Lv. 5:1; Miy. 28:13)
Budimu bwa beena Gabaone
1. Mushindo kinyi ubaadi bantu ba mu Gabaone belekeene na beena Kanaana ba mu mawumbo abaadi pepi nabo?
2. Bu byabimweneka mu kifwatulo, nkinyi kikwete kukita beena Gabaone, na bwakinyi?
3. Yooshwa na bakata ba bisamba bya beena Isaleele babalayile beena Gabaone kinyi, kadi nkinyi kibabapushishe kunyima kwa mafuku asatu?
4. Ba nfumu ba angi mawumbo pababapushishe shi beena Gabaone babakitshi kipwano na beena Isaleele babakitshine kinyi?
Ingi nkonko:
1. Badika Yooshwa 9:1-27.
(a) Bu bibaadi Yehowa mulungule mwilo wa Isaleele bwa “kutuuta bantu booso b’eumbo,” nyikashi kinyi ibaadi muleshe pabalekyele beena Gabaone na muwa? (Yos. 9:22, 24; Mat. 9:13; Bik. 10:34, 35; 2 Mp. 3:9)
(b) Bwa kulesha shi mulamate ku kilombeno kibaadi mukite na beena Gabaone, mushindo kinyi ubaadi Yooshwa mulekyele beena Kidishitu kileshesho kibuwa lelo uno? (Yos. 9:18, 19; Mat. 5:37; Ef. 4:25)
2. Badika Yooshwa 10:1-5.
Mushindo kinyi wi loombe lukata lelo uno lukwete kulonda kileshesho kya beena Gabaone, na bino bikwete kwibatwadila nkalakasho kinyi? (Yos. 10:4; Za. 8:23; Mat. 25:35-40; Bif. 12:17)
Nguba bayimana mbalo imune
1. Mu kifwatulo, Yooshwa kwete kwakula kinyi, na bwakinyi?
2. Mushindo kinyi ubaadi Yehowa mukwashe Yooshwa na beena ngoshi baaye?
3. Yooshwa baadi mutshokole ba nfumu bungi kinyi, na byabya bibaadi byate mafuku bungi kinyi?
4. Mmushindo kinyi ubaadi Yooshwa mwabuule nsenga ya Kanaana?
5. Yooshwa baadi na bipwa bungi kinyi pabafwile, na nkinyi kibaadi kikitshikile mwilo kunyima kwa lufu lwaye?
Ingi nkonko:
1. Badika Yooshwa 10:6-15.
Bu byatuuku shi Yehowa bayimikile nguba na mweshi bwa beena Isaleele, abinyingisha lukumino lwetu naminyi lelo uno? (Yos. 10:8, 10, 12, 13; Mis. 18:3; Mye. 18:10)
2. Badika Yooshwa 12:7-24.
Nnanyi baadi na matalwa a kwipaa banfumu 31 mu Kanaana, na bwakinyi uno mwanda wi na muulo lelo uno? (Yos. 12:7; 24:11-13; Miy. 31:8; Luk. 21:9, 25-28)
3. Badika Yooshwa 14:1-5.
Mushindo kinyi ubaadi wiabulushene mawumbo munkatshi mwa bisamba bya beena Isaleele, na bino abilesha kinyi pabitale bupyanyi bwatukapete mu Mpaladiiso? (Yos. 14:2; Yesh. 65:21; Ez. 47:21-23; 1 Kod. 14:33)
4. Badika Bansushi 2:8-13.
Anka bu Yooshwa, nnanyi kwete kukalwila bya binyibinyi ku maasa a bantu basumbule lukumino lelo uno? (Bans. 2:8, 10, 11; Mat. 24:45-47; 2 Tes. 2:3-6; Tt. 1:7-9; Bif. 1:1; 2:1, 2)
Bakashi babidi bashi na moo
1. Bansushi abaadi bantu kinyi, na ouku mashina bangi ba kwabadi su?
2. Mudimo kinyi ukata ubaadi nawo Debora, na bino bibaadi abitungu shi akite kinyi?
3. Pabaadi Nfumu Yabine na Sisera mukata a basalayi baaye akengyesha beena Isaleele, mmukyendi kinyi ubatumine Yehowa ku bukwashi bwa mutemuki Debora bwa kulungula Nsushi Barake, na baadi mwambe shi nnanyi akyebe kutshokola?
4. Mushindo kinyi ubalesheshe Yaele shi, mukashi e na eshimba dibukopo?
5. Nkinyi kibakitshikile kunyima kwa lufu lwa Nfumu Yabine?
Ingi nkonko:
1. Badika Bansushi 2:14-22.
Mushindo kinyi ubaadi beena Isaleele bekatshile nsungu ya Yehowa, na uno mwanda awitulongyesha kinyi? (Bans. 2:20; Mye. 3:1, 2; Ez. 18:21-23)
2. Badika Bansushi 4:1-24.
Nkileshesho kinyi kya lukumino na eshimba di bukopo kilombeene bakashi beena Kidishitu lelo uno balongyela kwi Debora na Yaele? (Bans. 4:4, 8, 9, 14, 21, 22; Mye. 31:30; 1 Kod. 16:13)
3. Badika Bansushi 5:1-31.
Mushindo kinyi ulombeene loono lwa kutshokola ngoshi lubaadi Barake na Debora bayimbe lwekala bu luteko pabitale Armagedone akyebe kufika? (Bans. 5:3, 31; 1 Mya. 16:8-10; Bif. 7:9, 10; 16:16; 19:19-21)
Luuta na Naomi
1. Mushindo kinyi ubaadi Naomi mufikye mu nsenga ya Moabe?
2. Luuta na Opa mbantu kinyi?
3. Luuta na Opa abalulwile naminyi pabaadi Naomi mwibalungule bwashi balukye kwabo?
4. Boaze baadi muntu kinyi, na mushindo kinyi ubaadi mukwashe Luuta na Naomi?
5. Eshina dya mwana ababatandiile Boaze kwi Luuta nnanyi, na bwakinyi twibalombeene kumutentekyesha?
Ingi nkonko:
1. Badika Luuta 1:1-17.
(a) Luuta baadi mwakule bishima kinyi bibuwa abilesha kifulo kishi na mpwilo? (Lut. 1:16, 17)
(b) Mushindo kinyi wi binangu bibaadi nabyo Luuta abilesha binangu bi nabyo “ingi mikooko” pabitale bashingwe mwimu bakii pano pa nsenga lelo uno? (Yo. 10:16; Za. 8:23)
2. Badika Luuta 2:1-23.
Mushindo kinyi wi Luuta bu kileshesho kibuwa kwi bakashi bakinga lelo uno? (Lut. 2:17, 18; Mye. 23:22; 31:15)
3. Badika Luuta 3:5-13.
(a) Boaze baadi mumone Luuta naminyi paye kukumina n’eshimba dimune bwashi amwibakile pamutwe pa kwiyibakishena na mulume kii mukinga?
(b) Binangu bya Luuta abitulongyesha kinyi pabitale kifulo kishi na mpwilo? (Lut. 3:10; 1 Kod. 13:4, 5)
4. Badika Luuta 4:7-17.
Balume beena Kidishitu mbalombeene kulonda kileshesho kya Boaze naminyi lelo uno? (Lut. 4:9, 10; 1 Tim. 3:1, 12, 13; 5:8)
Gideone na bantu baaye 300
1. Bwakinyi na mushindo kinyi wi beena Isaleele mu nkalakasho ibungi?
2. Bwakinyi Yehowa balungwile Gideone shi basalayi babaadi nabo mbakile bungi?
3. Kubashadile bantu bungi kinyi kunyima kwa Gideone kulungula bantu abaadi na moo bwashi balukiile kwabo?
4. Bu byokwete kumona mu kifwatulo, lesha mushindo ubaadi Yehowa mupeeleshe bungi bwa basalayi ba Gideone kwashala penda bantu 300.
5. Mushindo kinyi ubaadi Gideone mulumbuule basalayi baaye 300, na mushindo kinyi ubaadi beena Isaleele batshokole ngoshi?
Ingi nkonko:
1. Badika Bansushi 6:36-40.
(a) Gideone baadi mulombashe akikyebe Yehowa naminyi?
(b) Mushindo kinyi watukwete kuuka akikyebe Yehowa lelo uno? (Mye. 2:3-6; Mat. 7:7-11; 2 Tim. 3:16, 17)
2. Badika Bansushi 7:1-25.
(a) Elango kinyi dyatupetela kwi bantu 300 babaadi bashaale bapasukye bashi baadi bu bano babaadi na lulengu? (Bf. 7:3, 6; Lom. 13:11, 12; Ef. 5:15-17)
(b) Bu bibaadi bano bantu 300 batale Gideone bwa kulonda kileshesho kyaye, atwe namu mushindo kinyi watukwete kulonga patutala kileshesho kya Yesu Kidishitu, Gideone mukata? (Bf. 7:17; Mat. 11:29, 30; 28:19, 20; 1 Mp. 2:21)
(c) Mukanda wa Bansushi 7:21 awitukwasha naminyi bwa kushala atufubu na muloo pa mbalo yooso yabetutuulu bwa kufuba mu ndumbulwilo a Yehowa? (1 Kod. 4:2; 12:14-18; Ja. 4:10)
3. Badika Bansushi 8:1-3.
Patudi na lukalo lwa kupudisha bilumbu bi munkatshi mwetu na bakwetu balume na bakashi, elango kinyi aditulongyesha Gideone pabitale mushindo ubaadi mupudishe bilumbu bibaadi pankatshi paaye na beena Efraime? (Mye. 15:1; Mat. 5:23, 24; Luk. 9:48)
Mulayilo wa Yefetee
1. Yefetee nnanyi, na baadi na muwa mu kipungo kinyi?
2. Yefetee baadi mulee Yehowa kinyi?
3. Bwakinyi Yefetee mwinyongole pabalukiila kwaye aye baapu kutshokola beena Aamone?
4. Mwana mukashi a Yefetee bakwile naminyi pabapushishe mulayilo wa nshaaye?
5. Bwakinyi bantu abaadi bafule mwana mukashi a Yefetee?
Ingi nkonko:
1. Badika Bansushi 10:6-18.
Myanda itale kukutwa kwa bululame bwa beena Isaleele kumpala kwa Yehowa akwitudimusha bwa kukita kinyi? (Bf. 10:6, 15, 16; Lom. 15:4; Bif. 2:10)
2. Badika Bansushi 11:1-11, 29-40.
(a) Mushido kinyi watuuku shi mulayilo wa Yefetee wa kutuusha mwan’aaye bu ‘mulambu ushiikibwe’ taubaadi aulesha kushiika kwa muntu mu kaalo nya? (Bf. 11:31; Lv. 16:24; Miy. 18:10, 12)
(b) Mushindo kinyi ubaadi Yefetee mutushe mwan’aaye bu mulambu?
(c) Binangu bya Yefetee pabitale mutshipo ubaadi mwitshipe kwi Yehowa mbikumbeene kwitulongyesha kinyi? (Bf. 11:35, 39; Mul. 5:4, 5; Mat. 16:24)
(d) Mushindo kinyi wi mwana mukashi a Yefetee bu kileshesho kibuwa kwi bansongwalume na bansongwakashi beena Kidishitu pabitale kukita mudimo wa nsaa yooso? (Bf. 11:36; Mat. 6:33; Fil. 3:8)
Muntu baadi mukile bantu booso bukome
1. Mulume baadi mukile bantu booso bukome eshina dyaaye nnanyi, na bamupele bwabwa bukome nnanyi?
2. Ungi mususa, nkinyi kibaadi Samesone mukite ntambwe mukata, bu byokwete kumona mu kifwatulo?
3. Mwanda kinyi ukwete Samesone kulungula Dalila mu kifwatulo, uno mwanda ubaadi umutwale mu kukwatshibwa na beena Filistina naminyi?
4. Mushindo kinyi ubaadi Samesone mwipee beshikwanyi 3 000 beena Filistina efuku dibafwile?
Ingi nkonko:
1. Badika Bansushi 13:1-14.
Manowa na mukashi aaye mbalekyele baledi kileshesho kinyi kibuwa pabitale mushindo wa kukusha baana baabo? (Bf. 13:8; Mis. 127:3; Ef. 6:4)
2. Badika Bansushi 14:5-9 na 15:9-16.
(a) Mushindo ubaadi Samesone mwipee ntambwe, ubaadi mutshibe nkano ipya ibaadi imwanyiine, na kukwata lubangabanga lwa mpunda mulume bwa kwipaa bantu 1 000 aulesha naminyi bi bukome bwa kikudi kya Yehowa?
(b) Mushindo kinyi ukwete kwitukwasha kikudi kiselele lelo uno? (Bf. 14:6; 15:14; Za. 4:6; Bik. 4:31)
3. Badika Bansushi 16:18-31.
Kwikala mu kipwano na bantu bebubi kubaadi kufwishile Samesone kinyi, na bino abitulongyesha kinyi? (Bf. 16:18, 19; 1 Kod. 15:33)
Ka nsongwalume kakinga akafubila Efile Mukulu
1. Ouku eshina dya kano kansongwalume ke mu kifwatulo na mashina a bano bangi bantu su?
2. Nduteko kinyi lubaadi Aana mwele pabayile ku tabernakele a Yehowa, na Yehowa baadi mumwalule naminyi?
3. Samwele baadi na bipwa bungi kinyi nsaa ibaadi mwende mu kufubila Yehowa ku nshibo yaaye, na nyin’aaye baadi amukitshina kinyi ku kipwa kyooso?
4. Mashina a baana balume ba Eli mba nnanyi, na babaadi bantu ba mushindo kinyi?
5. Mushindo kinyi ubaadi Yehowa mwitamine Samwele, na nkinyi kibaadi mumulungule?
6. Samwele bafikile nnanyi pabakudile, na nkinyi kibaadi kikitshikye ku bununu bwaye?
Ingi nkonko:
1. Badika 1 Samwele 1:1-28.
(a) Elkana e bu kileshesho kinyi kwi banfumu ba bifuko pabitale kukunkusha kwa lulangwilo lwa binyibinyi mu kifuko? (1 Sam. 1:3, 21; Mat. 6:33; Fil. 1:10)
(b) Twi balombeene kulonga kinyi pabitale mushindo ubaadi Aana mupudishe mwanda wi bukopo? (1 Sam. 1:10, 11; Mis. 55:22; Lom. 12:12)
2. Badika 1 Samwele 2:11-36.
Mushindo kinyi ubaadi Eli mwate baana baaye na kinemo kukila Yehowa, na bino mbilombeene kwitulongyesha kinyi? (1 Sam. 2:22-24, 27, 29; Miy. 21:18-21; Mat. 10:36, 37)
3. Badika 1 Samwele 4:16-18.
Mikyendi kinyi inanka ya malwa ibafikile ku ngoshi ibabalungwile Eli, na Eli bakitshine kinyi?
4. Badika 1 Samwele 8:4-9.
Mushindo kinyi ubaadi Isaleele mulwishishe Yehowa, na mushindo kinyi watudi balombeene kulesha shi twi ku lupese lwa Bufumu bwaye? (1 Sam. 8:5, 7; Yo. 17:16; Ja. 4:4)
Saule nfumu a kwibedi mu Isaleele
1. Mu kino kifwatulo, nkinyi kikwete kukita Samwele, na mbwakinyi?
2. Bwakinyi Yehowa baadi mufule Saule, na baadi muntu e naminyi?
3. Eshina dya mwana mulume a Saule nnanyi, na uno mwana bakitshine kinyi?
4. Bwakinyi Saule baadi mulambule mulambu pamutwe pa kutengyela Samwele?
5. Mwanda wa Saule awitulongyesha kinyi?
Ingi nkonko:
1. Badika 1 Samwele 9:15-21 na 10:17-27.
Binangu bya Saule bya kwiyisha bibaadi bimukwashe naminyi pabaadi bantu bamwakule myanda kushi kanemo? (1 Sam. 9:21; 10:21, 22, 27; Mye. 17:27)
2. Badika 1 Samwele 13:5-14.
Mulwisho kinyi ubakitshine Saule ku Gilgale? (1 Sam. 10:8; 13:8, 9, 13)
3. Badika 1 Samwele 15:1-35.
(a) Saule bakitshine mulwisho kinyi ukata mu kwipushena na Agage nfumu a beena Amaleke? (1 Sam. 15:2, 3, 8, 9, 22)
(b) Mushindo kinyi ubaadi Saule mutompe kwibingisha ku mulwisho waaye na kwiushinga bangi bantu? (1 Sam. 15:24)
(c) Mushindo kinyi watudi balombeene kwikala badimukye lelo uno nsaa yabetupa malango? (1 Sam. 15:19-21; Mis. 141:5; Mye. 9:8, 9; 11:2)
Efile Mukulu basangula Daavide
1. Uno nsongwalume e mu kifwatulo eshina dyaaye nnanyi, na mushindo kinyi watuuku shi mmukome eshimba?
2. Daavide baadi mushaale kunyi, ouku eshina dya nshaaye na dya nshaaye-kulu su?
3. Bwakinyi Yehowa balungwile Samwele bwashi ende ku nshibo ya Yesse ku Beeteleeme?
4. Nkinyi kibaadi kikitshikye pabaadi Yeese mufikye na baana baaye balume musambobidi kwi Samwele?
5. Pababafikile na Daavide, Yehowa balungwile Samwele kinyi?
Ingi nkonko:
1. Badika 1 Samwele 17:34, 35.
Ino myanda ayilesha naminyi shi Daavide baadi n’eshimba di bukopo na shi baadi mutuule lukulupilo lwaye kwi Yehowa? (1 Sam. 17:37)
2. Badika 1 Samwele 16:1-14.
(a) Mayi a Yehowa e mu 1 Samwele 16:7 aetukwasha naminyi bwashi tatwikalanga na ntondo na shi tatwikalanga dingi atwelela bantu binangu bi bubi? (Bik. 10:34, 35; 1 Tim. 2:4)
(b) Mushindo kinyi wi kileshesho kya Saule akitulesha shi su Yehowa bakaasha kikudi kyaaye kiselele kwi muntu, kikudi kibubi nkikumbeene kutwela pa mbalo yakyo, sunga kumutuma mu kukita myanda ibubi? (1 Sam. 16:14; Mat. 12:43-45; Gal. 5:16)
Daavide na Golyate
1. Mushindo kinyi ubaadi Golyate mwele basalayi ba beena Isalelee munwe mukanwa?
2. Golyate baadi bukata bwi naminyi, na mbwedi kinyi bubaadi Nfumu Saule mulee muntu ooso ayipa Golyate?
3. Daavide bakwile kinyi pabaadi Saule mumulungule shi bu byakii mwana mukinga ta mukumbeene kulwa na Golyate?
4. Pabalulwile Golyate, mushindo kinyi ubaadi Daavide muleshe shi mutuule lukulupilo mwi Yehowa?
5. Bu byokwete kumona mu kifwatulo, Daavide baadi mwipee Golyate na kinyi, na kibaadi kifwile beena Filistina kunyima kwa byabya nkinyi?
Ingi nkonko:
1. Badika 1 Samwele 17:1-54.
(a) Nkinyi kibaadi kikwashe Daavide bwashi tekalanga na moo, mushindo kinyi watudi balombeene kwambula kileshesho kyaaye ky’eshimba di bukopo? (1 Sam. 17:37, 45; Ef. 6:10, 11)
(b) Bwakinyi abitungu shi beena Kidishitu tabekalanga na binangu bya kwipikeena bu bibaadi nabyo Golyate nsaa yabakwete kukisha kapapi sunga yabakwete kwasha maasha? (1 Sam. 17:8; Gal. 5:26; 1 Tim. 4:8)
(c) Bishima bya Daavide abilesha naminyi shi baadi na lukumino shi Efile Mukulu mukumbeene kumukwasha? (1 Sam. 17:45-47; 2 Mya. 20:15)
(d) Ino ngoshi tayibaadi penda ya bisaka bibidi bya basalayi nya, mushindo kinyi aulesha uno mwanda shi ino ngoshi ibaadi pankatshi pa b’efile ba madimi na Yehowa, Efile Mukulu a binyibinyi? (1 Sam. 17:43, 46, 47)
(e) Mushindo kinyi wi bashingwe mwimu bakii pa nsenga abalesha shi bakwete kulonda kileshesho kya Daavide baadi mutuule lukulupilo lwaye mwi Yehowa? (1 Sam. 17:37; Yel. 1:17-19; Bif. 12:17)
Bwakinyi Daavide basuuku?
1. Bwakinyi Saule mukwatshile Daavide kiutu, kadi mwan’aaye Yonatane baadi mwilekeene naaye naminyi?
2. Nkinyi kibaadi kikitshikye dingi efuku pabaadi Daavide ayimbila Saule kisaashi?
3. Saule balungwile Daavide shi abitungu akite kinyi bwashi amupe Mikale mwan’aaye mukashi bwa kumwibakila, na bwakinyi Saule bakwile byabya?
4. Pabaadi Daavide ayimbila Saule kisaashi, nkinyi kibakitshikile pa mususa wa kasatu, bu byabimweneka mu kifwatulo?
5. Mikale baadi mukwashe Daavide naminyi bwashi apaashe muwa waaye, na munda mwa bipwa musambo nkinyi kibaadi akitungu shi Daavide akite?
Ingi nkonko:
1. Badika 1 Samwele 18:1-30.
(a) Mushindo kinyi ubaadi kifulo kishi mpwilo kibaadi nakyo Yonatane bwa Daavide akilesha kifulo ki munkatshi mwa “ingi mikooko” na “loombe lupeela”? (1 Sam. 18:1; Yo. 10:16; Luk. 12:32; Za. 8:23)
(b) Bu byabibaadi abimweneka binyibinyi shi Yonatane ndjo baadi mulombeene kupyana Saule ku bufumu, mushindo kinyi wi 1 Samwele 18:4 alesha shi Yonatane baadi kileshesho kikata kya muntu baadi mukokyele kwi yawa musangulwe bwa kwikale nfumu?
(c) Kileshesho kya Saule akitulesha naminyi shi kiutu nkilombeene kufisha muntu mu kukita mulwisho ukata, na bino abitudimusha naminyi? (1 Sam. 18:7-9, 25; Ja. 3:14-16)
2. Badika 1 Samwele 19:1-17.
Yonatane pabakwile na Saule, mushindo kinyi ubaadi mutuule muwa waaye mu masaku? (1 Sam. 19:1, 4-6; Mye. 16:14)
Abigaile na Daavide
1. Uno mwana mukashi kwete kufika mu kufumankana na Daavide eshina dyaaye nnanyi, na baadi muntu a mushindo kinyi?
2. Nabale nnanyi?
3. Bwakinyi Daavide batumine bangi bantu baaye bwashi bakatekye Nabale bukwashi?
4. Nabale balungwile bantu ba Daavide naminyi, na Daavide balulwile bikwanyi?
5. Mushindo kinyi ubaadi Abigaile muleshe shi aye mmukashi sha binangu?
Ingi nkonko:
1. Badika 1 Samwele 22:1-4.
Mushindo kinyi wi kifuko kya Daavide bu kileshesho kibuwa pabitale mushindo autungu shi beena Kidishitu bekale abekwashena? (Mye. 17:17; 1 Tes. 5:14)
2. Badika 1 Samwele 25:1-43.
(a) Bwakinyi abaadi abamba Nabale bu kitesha? (1 Sam. 25:2-5, 10, 14, 21, 25)
(b) Bakashi beena Kidishitu lelo uno mbalombeene kulonda kileshesho kya Abigaile naminyi? (1 Sam. 25:32, 33; Mye. 31:26; Ef. 5:24)
(c) Abigaile baadi mukutshishe Daavide kukita myanda kinyi ibidi ibubi? (1 Sam. 25:31, 33; Lom. 12:19; Ef. 4:26)
(d) Mushindo kinyi wi bibakitshine Daavide pabapushishe mayi a Abigaile abikwasha balume lelo uno bwa kumona bakashi abibamonaa Yehowa? (Bik. 21:8, 9; Lom. 2:11; 1 Mp. 3:7)
Daavide bafiki nfumu
1. Pabaadi Saule mulale, nkinyi kibakitshine Daavide na Abishao?
2. Daavide belele Saule lukonko kinyi?
3. Daavide pabakatukile pe Saule, bayiile kunyi?
4. Nkinyi kibaadi kinyongoshe Daavide ngofu, aye nkufunda loono lwi buwa bukile?
5. Daavide pabafikile bu nfumu ku Hebrone baadi na bipwa bungi kinyi, na mashina a bangi baana baaye balume mba nnanyi?
6. Kunyima Daavide baadi bu nfumu kunyi?
Ingi nkonko:
1. Badika 1 Samwele 26:1-25.
(a) Mayi a Daavide aasanganyibwa mu 1 Samwele 26:11 aalesha shi baadi na binangu kinyi bwa ndumbulwilo a Efile Mukulu pabitale bufumu? (Mis. 37:7; Lom. 13:2)
(b) Nsaa yatukitshi mwetu mooso bwa kukitshina muntu kalolo kadi aye mmukutwe lutumbu, mushindo kinyi wi mayi a Daavide e mu 1 Samwele 26:23 aetukwasha bwa kulama binangu bibuwa? (1 Bf. 8:32; Mis. 18:20)
2. Badika 2 Samwele 1:26.
Mushindo kinyi ulombeene beena Kidishitu lelo uno beleshena ‘kifulo kikata ku muntu na muntu’ bu bibaadi Daavide na Yonatane? (1 Mp. 4:8; Kol. 3:14; 1 Yo. 4:12)
3. Badika 2 Samwele 5:1-10.
(a) Daavide baadi na bufumu munda mwa bipwa bungi kinyi, na kino kipungo kibaadi kiabulushene naminyi? (2 Sam. 5:4, 5)
(b) Bukata bwa Daavide abufiki ku kinyi na bino abitulongyesha kinyi lelo uno? (2 Sam. 5:10; 1 Sam. 16:13; 1 Kod. 1:31; Fil. 4:13)
Bubi bubatwele mu nshibo ya Daavide
1. Ku bukwashi bwa Yehowa, nkinyi kibabadi bakite maumbo a mu nsenga ya Kanaana?
2. Dingi efuku ku kyoolwa, nkinyi kibaadi kikitshikye pabaadi Daavide ku kashibo ka kunundu mu nshibo yaaye ya bufumu?
3. Bwakinyi Yehowa baadi mufitshile Daavide munda ngofu?
4. Bu byokwete kumona mu kifwatulo, nnanyi ababadi batume kwi Yehowa bwa kulungula Daavide pabitale milwisho yaaye, na yawa muntu bakwile shi nkinyi akikyebe kufwila Daavide?
5. Daavide bapetele nkalakasho kinyi?
6. Kunyima kwa Daavide, naanyi bafikile nfumu mu Isaleele?
Ingi nkonko:
1. Badika 2 Samwele 11:1-27.
(a) Bwakinyi kwikala na bibungi bya kukita mu mudimo wa Yehowa akwitukalwila?
(b) Daavide baadi mukatshibwe naminyi bwa kukita bubi, na bino abikwasha bafubi ba Yehowa naminyi lelo uno? (2 Sam. 11:2; Mat. 5:27-29; 1 Kod. 10:12; Ja. 1:14, 15)
2. Badika 2 Samwele 12:1-18.
(a) Elango kinyi dilombeene bakulu na baledi kupeta ku mushindo ubaadi Natane mufikye mu kulanga Daavide? (2 Sam. 12:1-4; Mye. 12:18; Mat. 13:34)
(b) Bwakinyi Yehowa baadi mufwile Daavide lusa? (2 Sam. 12:13; Mis. 32:5; 2 Kod. 7:9, 10)
Salomone nfumu sha binangu
1. Yehowa baadi mwipushe Salomone kinyi, na mushindo kinyi ubaadi Salomone mwalule?
2. Bu bibasangeele na luteko lwa Salomone, Yehowa baadi mulee shi akyebe kumupa kinyi?
3. Mwanda kinyi wi bukopo ubaadi bakashi babidi bafikye nawo kwi Salomone?
4. Bu byomono mu kifwatulo, mushindo kinyi ubaadi Salomone mupudishe uno mwanda?
5. Bufumu bwa Salomone bubaadi naminyi, bwakinyi bubaadi byabya?
Ingi nkonko:
1. Badika 1 Banfumu 3:3-28.
(a) Mayi a Salomone e mu 1 Banfumu 3:7 ngakumbeene kulongyesha bantu be na mashito mu ndumbulwilo a Yehowa kinyi? (Mis. 119:105; Mye. 3:5, 6)
(b) Bwakinyi kintu kibaadi kitekye Salomone nyi nkintu kibuwa kyatudi balombeene kuteka mu nteko yetu? (1 Bf. 3:9, 11; Mye. 30:8, 9; 1 Yo. 5:14)
(c) Mushindo ubaadi Salomone mutshibe kilumbu kya bakashi babidi awitupa lukulupilo kinyi pabitale bufumu bwa Yesu Kidishitu, Salomone Mukata? (1 Bf. 3:28; Yesh. 9:6, 7; 11:2-4)
2. Badika 1 Banfumu 4:29-34.
(a) Mushindo kinyi ubaadi Yehowa mwalule luteko lwa Salomone lubaadi mwele n’eshimba dya kukokyela? (1 Bf. 4:29)
(b) Patutala mushindo ubaadi bantu abakitshi mwabo mooso bwa kuteemesha binangu bya Salomone, mushindo kinyi autungu shi twikale atumono kulonga kw’Eyi dy’Efile Mukulu? (1 Bf. 4:29, 34; Yo. 17:3; 2 Tim. 3:16)
Salomone ayibaka ntempelo
1. Salomone baadi mukite mafuku bungi kinyi bwa kwibaka ntempelo a Yehowa, na bwakinyi wawa mudimo ubaadi autungu makuta akile bungi?
2. Mu ntempelo mubaadi tudimbo bungi kinyi, na nkinyi kibabadi batule mwanka?
3. Salomone bakwile kinyi mu luteko lwaye pabapwile kwibaka ntempelo?
4. Mushindo kinyi ubaadi Yehowa muleshe shi luteko lwa Salomone lubaadi lumusankishe?
5. Bakashi ba Salomone babamutakwile mu kukita kinyi, na nkinyi kibaadi kikitshikile Salomone?
6. Bwakinyi Yehowa baadi mufitshile Salomone munda, na nkinyi kibamulungwile Yehowa?
Ingi nkonko:
1. Badika 1 Myanda 28:9, 10.
Muyiile mayi a Daavide e mu 1 Myanda 28:9, 10, nkinyi akitungu shi twikale atwitatshisha bwa kukita mu nshalelo etu a mafuku ooso? (Mis. 19:14; Fil. 4:8, 9)
2. Badika 2 Myanda 6:12-21, 32-42.
(a) Mushindo kinyi ubaadi Salomone muleshe shi Efile Mukulu Sha-kwiyilu Kula ta mulombeene kushala mu ntempelo mukitshibwe na maasa a bantu? (2 Mya. 6:18; Bik. 17:24, 25)
(b) Bishima bya Salomone bi mu 2 Myanda 6:32, 33 abilesha kinyi pabitale Yehowa? (Bik. 10:34, 35; Gal. 2:6)
3. Badika 2 Myanda 7:1-5.
Anka bu bibaadi baana ba Isaleele batakulwe bwa kutumbisha Yehowa pababamwene ntumbo yaaye, bino mbilombeene kwitutakula mu kukita kinyi bwa kutumbisha Yehowa patumono mushindo wakwete kulama bantu baaye lelo uno? (2 Mya. 7:3; Mis. 22:22; 34:1; 96:2)
4. Badika 1 Banfumu 11:9-13.
Mushindo kinyi wi nshalelo a Salomone muleshe shi kushaala mululame mpa na ku nfudiilo kwi na muulo ukata? (1 Bf. 11:4, 9; Mat. 10:22; Bif. 2:10)
Bufumu bubeabuula
1. Mashina a bano bantu babidi be mu kifwatulo mba nnanyi, na mbantu kinyi?
2. Ahiya kwete kukita kinyi na kilamba kyadi mufwale, na bwakinyi bakitshi byabya?
3. Salomone batompele kukita Yeroboame kinyi?
4. Bwakinyi bantu abatudile Yeroboame bu nfumu a bisamba ekumi?
5. Bwakinyi Yeroboame bakitshine nkishi ibidi ya twana twa ngombe twa oòlò, na nkinyi kibakitshikile mwiumbo kunyima kwa byabya?
6. Nkinyi kibaadi kikitshikile bufumu bwa bisamba bibidi na ntempelo a Yehowa mu Yeelusaleme?
Ingi nkonko:
1. Badika 1 Banfumu 11:26-43.
Yeroboame baadi muntu a mushindo kinyi, na Yehowabaadi mumulee kinyi su balama miiya yaaye? (1 Bf. 11:28, 38)
2. Badika 1 Banfumu 12:1-33.
(a) Kileshesho kibubi kya Roboame, nkilombeene kulongyesha banambutwile na bakulu mu kakongye kinyi pa mwanda utale kukishakisha kwa bufumu bwabadi nabo? (1 Bf. 12:13; Mul. 7:7; 1 Mp. 5:2, 3)
(b) Bansongwalume na bansongwakashi lelo uno mbalombeene kutuula lukulupilo kwinyi nsaa yabadi na lukalo lwa kwata bitshibilo bikata mu muwa waabo? (1 Bf. 12:6, 7; Mye. 1:8, 9; 2 Tim. 3:16, 17; Eb. 13:7)
(c) Nkinyi kibaadi kitakule Yeroboame bwa kutuula lulangwilo lwa kana ka ngombe mu ma mbalo abidi, na mushindo kinyi ubabidi abilesha kukutwa kwa lukulupilo kwi Yehowa? (1 Bf. 11:37; 12:26-28)
(d) Nnanyi baadi mutakule bantu ba mu bisamba ekumi bwa kutombokyela lulangwilo lwa binyibinyi? (1 Bf. 12:32, 33)
Yezabele nfumu mukashi ebubi
1. Yezabele nnanyi?
2. Bwakinyi Nfumu Akabe baadi mwinyongole dingi efuku?
3. Nkinyi kibakitshine Yezabele bwa kwatshila mulume aaye Akabe efuba dya nfinyo dya Nabote?
4. Nnanyi ababadi batume kwi Yehowa bwa kunyooka Yezabele?
5. Bu byokwete kumona mu kifwatulo, nkinyi kibakitshikile pabafikile Yeku ku nshibo ya nfumu mukashi Yezabele?
Ingi nkonko:
1. Badika 1 Banfumu 16:29-33 na 18:3, 4.
Nshalelo a beena Isaleele baadi mulwile naminyi mu mafuku a Nfumu Akabe? (1 Bf. 14:9)
2. Badika 1 Banfumu 21:1-16.
(a) Mushindo kinyi ubaadi Nabote muleshe shi baadi n’eshimba dibukopo na baadi mulamate kwi Yehowa? (1 Bf. 21:1-3; Lv. 25:23-28)
(b) Kileshesho kya Akabe nkikumbeene kwitulongyesha kinyi pabitale mushindo wa kukita su abetukwatshisha buufu? (1 Bf. 21:4; Lom. 5:3-5)
3. Badika 2 Banfumu 9:30-37.
Katshintshi ka Yeku mu mudimo wa Yehowa nkalombeene kwitulongyesha kinyi? (2 Bf. 9:4-10; 2 Kod. 9:1, 2; 2 Tim. 4:2)
Yosafate atuulu lukulupilo mwi Yehowa
1. Yosafate nnanyi, na baadi na muwa mu kipungo kinyi?
2. Bwakinyi beena Isaleele abaadi na moo, nkinyi kibakitshine bebungi ba kwabadi?
3. Yehowa balulwile naminyi ku luteko lwa Yosafate?
4. Nkinyi kibaadi Yehowa mukitshishe kumpala kwa ngoshi?
5. Mwanda wa Yosafate ngulombeene kwitulongyesha kinyi?
Ingi nkonko:
1. Badika 2 Myanda 20:1-30.
(a) Mushindo kinyi ubaadi Yosafate muleshe akitungu shi bafubi b’Efile Mukulu bakite nsaa yabakwete kwi bafunyina? (2 Mya. 20:12; Mis. 25:15; 62:1)
(b) Bu bibaadi Yehowa esamba na mwilo waye kala ku bukwashi bwa bantu kampanda, lelo uno nnanyi akwete kutumika naaye bwa kwisamba na bafubi baaye? (2 Mya. 20:14, 15; Mat. 24:45-47; Yo. 15:15)
(c) Efile Mukulu pakyebe kubanga “ngoshi y’efuku dikata dy’Efile Mukulu Sha-bukome-booso,” mushindo kinyi watukekala nka bu bibaadi Yosafate? (2 Mya. 20:15, 17; 32:8; Bif. 16:14, 16)
(d) Mu kulonda kwa kileshesho kya beena Leevi, ba mbaala-mashinda na ba misionere lelo uno bakwete kukwasha mudimo wa kulungula mukandu wibuwa mu nsenga ishima naminyi? (2 Mya. 20:19, 21; Lom. 10:13-15; 2 Tim. 4:2)
Baana balume babidi babapasukile
1. Bano bantu basatu be mu kifwatulo mba nnanyi, na nkinyi kibaadi kikitshikile kano kansongwalume?
2. Eliya baadi mwelele uno nsongwalume luteko kinyi, na nkinyi kibakitshikile kunyima?
3. Eshina dya mukwashi a Eliya nnanyi?
4. Bwakinyi abaadi betamine Elisha ku nshibo ya mukashi a mu Shuname?
5. Elisha bakitshine kinyi, na nkinyi kibaadi kikitshikile mwana baadi mufwe?
6. Yehowa e na bukome kinyi, bu byabimweneka mu kileshesho kya Eliya na Elisha?
Ingi nkonko:
1. Badika 1 Banfumu 17:8-24.
(a) Mushindo kinyi ubabadi batompe lukumino na kukokyela kwa Eliya? (1 Bf. 17:9; 19:1-4, 10)
(b) Bwakinyi mukashi baadi mufwishe mulume a mu Sarepta baadi na lukumino lukata? (1 Bf. 17:12-16; Luk. 4:25, 26)
(c) Mwanda wa mukashi a mu Sarepta aulesha naminyi shi mayi a Yesu e mu Mateo 10:41, 42 ng’eyendo? (1 Bf. 17:10-12, 17, 23, 24)
2. Badika 2 Banfumu 4:8-37.
(a) Mukashi a mu Shuname etulongyesha kinyi pabitale kukukila kwa benyi? (2 Bf. 4:8; Luk. 6:38; Lom. 12:13; 1 Yo. 3:17)
(b) Mushindo kinyi watudi balombeene kulesha kalolo ketu kwi bafubi b’Efile Mukulu lelo uno? (Bik. 20:35; 28:1, 2; Gal. 6:9, 10; Eb. 6:10)
Kansongwakashi kabakwasha mulume sha bukome
1. Bu byomono mu kifwatulo, kano kansongwakashi kakwete kulungula uno mukashi kinyi?
2. Uno mukashi e mu kifwatulo nnanyi, na nkinyi kikwete kukita kano kansongwakashi mu nshibo yaaye?
3. Elisha balungwile mufubi aaye bwashi alungule Naamane kinyi, na bwakinyi Naamane bafitshile munda?
4. Nkinyi kibakitshikile pabaadi Naamane mupushiishe bafubi baaye?
5. Bwakinyi Elisha bapelele bwedi bwa Naamane, kadi nkinyi kibakitshine Gekazi?
6. Nkinyi kibaadi kikitshikile Gekazi, na uno mwanda awitulongyesha kinyi?
Ingi nkonko:
1. Badika 2 Banfumu 5:1-27.
(a) Kansongwakashi ka mu Isalele nkalekyele bansongwalume na bansongwakashi kileshesho kinyi lelo uno? (2 Bf. 5:3; Mis. 8:2; 148:12, 13)
(b) Bwakinyi abitungu shi twikale atutentekyesha kileshesho kya Naamane pabetulanga ku bukwashi bwa Bible? (2 Bf. 5:15; Eb. 12:5, 6; Ja. 4:6)
(c) Patutalula kwilekena kwi pankatshi pa kileshesho kya Elisha na kya Gekazi nkinyi kya bitulongyesha? (2 Bf. 5:9, 10, 14-16, 20; Mat. 10:8; Bik. 5:1-5; 2 Kod. 2:17)
Yoona na mushipa ukata
1. Yoona nnanyi, na nkinyi kibaadi Yehowa mumulungule?
2. Bu bibaadi apele kwenda kubaadi Yehowa mumutume, nkinyi kibakitshine Yoona?
3. Yoona balungwile bantu abaadi abatambusha mashuwa kinyi bwashi lupapi lubatame?
4. Bu byokwete kumona mu kifwatulo, nkinyi kibaadi kikitshikye nsaa ibaadi Yoona mwiyine mu mema?
5. Yoona bapwile mafuku bungi kinyi munda mwa mushipa, na nkinyi kibaadi mukite mwanka?
6. Yoona bayiile kunyi pabatukile munda mwa mushipa, na bino abitulongyesha kinyi?
Ingi nkonko:
1. Badika Yoona 1:1-17.
Abimweneka shi, Yoona baadi mupushe naminyi pabitale mudimo waaye wa kulungula beena Ninive mukandu wibuwa? (Yo. 1:2, 3; Mye. 3:7; Mul. 8:12)
2. Badika Yoona 2:1, 2, 10.
Mwanda wa Yoona awitunyingisha ku mashimba naminyi shi Yehowa alulaa ku nteko yeetu? (Mis. 22:24; 34:6; 1 Yo. 5:14)
3. Badika Yoona 3:1-10.
(a) Kuuka shi Yehowa baadi mutungunukye na kutumikisha Yoona sunga ku mbangilo baadi mupele kukita mudimo ubaadi mumupe akwitunyingisha ku kinyi? (Mis. 103:14; 1 Mp. 5:10)
(b) Mwanda wa Yoona na beena Ninive awitulongyesha kinyi pabitale kwelela bantu ba mu teritware etu binangu bibubi? (Yon. 3:6-9; Mul. 11:6; Bik. 13:48)
Efile Mukulu alaa Mpaladiiso
1. Yeeshaya baadi muntu kinyi, baadi na muwa mu kipungo kinyi, na Yehowa baadi mumuleshe kinyi?
2. Kishima “mpaladiiso” akilesha kinyi, na akitutentekyesha kinyi?
3. Yehowa balungwile Yeeshaya bwashi afunde kinyi pabitale Mpaladiso mupya?
4. Bwakinyi Adame na Eeva abaadi bashimishe mbalo yaabo ibuwa?
5. Nkinyi kibaadi Yehowa mulee booso bamufule?
Ingi nkonko:
1. Badika Yeeshaya 11:6-9.
(a) Mushindo kinyi wi Eyi dy’Efile Mukulu adilesha kufukama akwikala pankatshi pa nyema na bantu mu nsenga ipya? (Mis. 148:10, 13; Yesh. 65:25; Ez. 34:25)
(b) Kulombana kwa bishima bya Yeeshaya kukwete kumweneka naminyi munkatshi mwa mwilo wa Yehowa lelo uno? (Lom. 12:2; Ef. 4:23, 24)
(c) Abitungu kupa nnanyi ntumbo bwa kushintuluka kwa nyikashi ya bantu kubanga lelo mpa na mu nsenga ipya? (Yesh. 48:17, 18; Gal. 5:22, 23; Fid. 4:7)
2. Badika Bifumbulwe 21:3, 4.
(a) Mu Bifundwe, mushindo kinyi wabetulesha shi kushala kw’Efile Mukulu na bantu nyi ngakwilo a mu bileshesho, takulesha kushala kwa binyibinyi bu kwamba shi Efile Mukulu ekala na bantu pa nsenga nya? (Lv. 26:11, 12; 2 Mya. 6:18; Yesh. 66:1; Bif. 21:2, 3, 22-24)
(b) Mpolo na mikumbo ya mushindo kinyi ayikapu? (Luk. 8:49-52; Lom. 8:21, 22; Bif. 21:4)
Efile Mukulu bakwasha Nfumu Ezekyase
1. Uno muntu e mu kifwatulo nnanyi, na bwakinyi e na nkalakasho ibungi?
2. Ino mmikanda kinyi ituule Ezekyase kumpala kw’Efile Mukulu, na nduteko kinyi lubaadi mwele kwi Yehowa?
3. Ezekyase baadi nfumu a mushindo kinyi, na mukyendi kinyi ubaadi Yehowa mumutumine na mutemuki Yeeshaya?
4. Mwikeyilu a Yehowa baadi mukite basalayi ba beena Aasiriya kinyi, bu byabimweneka mu kifwatulo?
5. Sunga byekala shi bufumu bwa bisamba bibidi bubashalele mu butaale munda mwa mafuku, nkinyi kibakitshikile kunyima kwa lufu lwa Ezekyase?
Ingi nkonko:
1. Badika 2 Banfumu 18:1-36.
(a) Mushindo kinyi ubaadi Rabishake, mwakwidi a nfumu a mu Aasiriya, mukimbe kubofusha lukumino lwa beena Isaleele? (2 Bf. 18:19, 21; Efi. 5:2; Mis. 64:3)
(b) Pabadi kumpala kwa beshikwanyi na’abo, mushindo kinyi ukwete Batemwe ba Yehowa kulonda kileshesho kya Ezekyase? (2 Bf. 18:36; Mis. 39:1; Mye. 26:4; 2 Tim. 2:24)
2. Badika 2 Banfumu 19:1-37.
(a) Mu mafuku a malwa, bafubi ba Yehowa abalondaa kileshesho kya Ezekyase naminyi? (2 Bf. 19:1, 2; Mye. 3:5, 6; Eb. 10:24, 25; Ja. 5:14, 15)
(b) Senakeribe baadi mutshokolwe mu mishindo isatu kinyi, na baadi bu kileshesho kya nnanyi? (2 Bf. 19:32, 35, 37; Bif. 20:2, 3)
3. Badika 2 Banfumu 21:1-6, 16.
Bwakinyi twi balombeene kwamba shi Manase baadi umune a ku banfumu bakile bubi babaadi bamune mu Yeelusaleme? (2 Mya. 33:4-6, 9)
Nfumu ebuwa a nfudiilo mu Isaleele
1. Yosyase baadi na bipwa bungi kinyi pabafikile nfumu, na babangile kukita kinyi kunyima kwa bipwa musambobidi?
2. Muno mu kifwatulo omono Yosyase kwete kukita kinyi?
3. Tshiite-mwakwidi mukata e panundu baadi mumone kinyi pabababangile kulumbuula ntempelo?
4. Bwakinyi Yosyase baadi musaane bilamba byaye?
5. Mutemuki Hulda baadi mutumine Yosyase mukyendi kinyi ubaadi aufiki kwi Yehowa?
Ingi nkonko:
1. Badika 2 Myanda 34:1-28.
(a) Yosyase baadi mulekyele bantu babaadi bapete nkalakasho ibungi ku bukinga bwabo kileshesho kinyi? (2 Mya. 33:21-25; 34:1, 2; Mis. 27:10)
(b) Yosyase baadi mukite myanda kinyi bwashi lulangwilo lwa binyibinyi lwende kumpala mu kipwa kya 8, kya 12, na kya 18 kya bufumu bwaye? (2 Mya. 34:3, 8)
(c) Nfumu Yosyase na Tshiite-mwakwidi mukata e panundu Hilkiyau mbetulekyele kileshesho kinyi pabitale kulumbuula kwa ma mbalo etu a kulangwila? (2 Mya. 34:9-13; Mye. 11:14; 1 Kod. 10:31)
Mulume umune shibaadi na moo
1. Uno nsongwalume e mu kifwatulo nnanyi?
2. Yeelemiya baadi apwandikisha kinyi pabitale kufika kwaye kwa bu mutemuki, kadi Yehowa baadi mumulungule kinyi?
3. Nkinyi kibatungunukile Yeelemiya na kulungula mwilo?
4. Mushindo kinyi ubaadi batshiite-mwakwidi batompe kwimika Yeelemiya, kadi mushindo kinyi ubaadi muleshe shi tabaadi dingi na moo nya?
5. Nkinyi kibakitshikile pabapelele beena Isaleele kwalula nshalelo abo ebubi?
Ingi nkonko:
1. Badika Yeelemiya 1:1-8.
(a) Bu abilesha kileshesho kya Yeelemiya, nkinyi kikumbeene kukwasha muntu bwashi ekale mufubi a Yehowa? (2 Kod. 3:5, 6)
(b) Kileshesho kya Yeelemiya akinyingisha bansongwalume na bansongwakashi bwa kukita kinyi? (Mul. 12:1; 1 Tim. 4:12)
2. Badika Yeelemiya 10:1-5.
Nkileshesho kinyi kibaadi Yeelemiya mutuushe bwa kulesha shi kutuula lukulupilo mu ma nkishi nyi nkukisha kwa nsaa? (Yel. 10:5; Yesh. 46:7; Aba. 2:19)
3. Badika Yeelemiya 26:1-16.
(a) Pabakwete kulungula mukandu wa kudimusha bantu, mushindo kinyi wi bashingwe mwimu bakii pa nsenga abatentekyesha nsaa yooso mwiya wa Yehowa ubatumiine Yeelemiya shi: ‘Tokashanga kishima su nkimune’? (Yel. 26:2; Miy. 4:2; Bik. 20:27)
(b) Yeelemiya mulekyele Batemwe ba Yehowa lelo kileshesho kinyi pabitale kulungula mukandu wa kudimusha bantu? (Yel. 26:8, 12, 14, 15; 2 Tim. 4:1-5)
4. Badika 2 Banfumu 24:1-17.
Kukutwa kwa kululama kwa Yuuda kumpala kwa Yehowa kubaadi kufwishe myanda kinyi? (2 Bf. 24:2-4, 14)
Danyele na benaye
1. Bano bansongwalume bananka be mu kifwatulo mba nanyi, na bwakinyi be mu Babilone?
2. Nabukodonosore baadi akyebe kinyi bwa bano bansongwalume bananka, na mayi kinyi abatumiine bafubi baaye?
3. Danyele batekyele kinyi pabitale bya kudya na kutome bwa’ye na bwa benaye basatu?
4. Kunyima kwa kudya bisakisaki munda mwa mafuku ekumi, mushindo kinyi ubaadi Danyele na benaye basatu belekeene na bangi bansongwalume?
5. Mushindo kinyi ubafikile Danyele na benaye basatu mu lupango lwa nfumu, na mushindo kinyi ubabadi na binangu kukila batshiite-mwakwi na basha binangu?
Ingi nkonko:
1. Badika Danyele 1:1-21.
(a) Mushindo kinyi autungu shi twikale atwitatshisha su atukyebe kukambila bitompwanga na kubofula kwetu kwa mbidi? (Dan. 1:8; Kib. 39:7, 10; Gal. 6:9)
(b) Bansongwalume na bansongwakashi mbakumbeene kutompibwa mu mishindo kinyi bwa kubanga kukumina myanda ayimonaa bangi bantu bu ‘ibuwa’? (Dan. 1:8; Mye. 20:1; 2 Kod. 6:17–7:1)
(c) Pabitale kulonga tulasa, mwanda wi mu Bible wa bansongwalume bananka beena Ebreeyi ngukumbeene kwitukwasha naminyi? (Dan. 1:20; Yesh. 54:13; 1 Kod. 3:18-20)
Ababutula Yeelusaleme
1. Nkinyi kitwete kukitshikila Yeelusaleme na beena Isaleele babadi baleshe mu kino kifwatulo?
2. Ezekyele mmuntu kinyi, na myanda kinyi ibubi ibaadi Yehowa mumuleshe?
3. Bu bi beena Isaleele babaadi bakutwe kunemeka Yehowa, nkinyi kibaadi mwibalee?
4. Nfumu Nabukodonosore bakitshine kinyi pabaadi beena Isaleele bamutombokyele?
5. Bwakinyi Yehowa balekyele bwashi babutule beena Isaleele?
6. Mushindo kinyi ubashadile eumbo dya Isaleele kushi bantu bemushale, na bino bibakitshikile munda mwa bipwa bungi kinyi?
Ingi nkonko:
1. Badika 2 Banfumu 25:1-26.
(a) Sedekyase baadi muntu kinyi, mwanda kinyi ubaadi umukitshikile, na mushindo kinyi ubaulombeshe mwanda ubaadi Bible mutemukye? (2 Bf. 25:5-7; Ez. 12:13-15)
(b) Nnanyi ababadi batopekye kwi Yehowa bwa myanda yooso ya kukutwa kululama ibaadi beena Isaleele bakite? (2 Bf. 25:9, 11, 12, 18, 19; 2 Mya. 36:14, 17)
2. Badika Ezekyele 8:1-18.
Mushindo kinyi wi bwina Kidishitu bwa madimi bukwete kulonda kileshesho kya beena Isaleele babaadi basumbule lukumino abo nkubanga kulangwila nguba? (Ez. 8:16; Yesh. 5:20, 21; Yo. 3:19-21; 2 Tim. 4:3)
Abapele kukunama
1. Nabukokonosore, nfumu a mu Babilone, baadi mutumine mwilo eyi kinyi?
2. Bwakinyi bakuuku ba Danyele basatu babapelele kukunamina nkishi a oòlò?
3. Pabaadi Nabukodonosore mulungule beena Ebreeyi basatu bwashi bakuname nsaa yabeele dimo mpungi, mushindo kinyi ubabalesheshe shi mbatuule lukulupilo lwabo mwi Yehowa?
4. Nabukodonosore batumine bantu baaye bwashi bakite Shadrake, Meshake, na Abede-Nego kinyi?
5. Nabukodonosore bamwene kinyi pabatadile mu bwina bwa kaalo akatembe?
6. Bwakinyi nfumu baadi mutumbishe Efile a Shadrake, Meshake, na Abede-Nego, na nkileshesho kinyi kyabadi betulekyele?
Ingi nkonko:
1. Badika Danyele 3:1-30.
(a) Bano bansongwalume basatu beena Ebreeyi abaadi baleshe binangu kinyi abitungu shi bafubi booso b’Efile Mukulu bekale nabyo nsaa yabafumankana na kutompibwa kwa kululama kwabo? (Dan. 3:17, 18; Mat. 10:28; Lom. 14:7, 8)
(b) Mwanda kinyi wa muulo ukata ubaadi Yehowa Efile Mukulu mulongyeshe Nabukodonosore? (Dan. 3:28, 29; 4:34, 35)
Eyaasa adifundu ku mudimba
1. Nkinyi kibaadi kikitshikye efuku dibaadi nfumu a mu Babilone na feete mukata na dibaadi mutomene na kudiila mu makopo na malonga ababadi baate mu ntempelo a Yehowa mu Yeelusaleme?
2. Belshasare balungwile basha binangu baaye kinyi, kadi nkinyi kibabakutshile kobesha?
3. Nyina’ye na nfumu bamulungwile shi akite kinyi?
4. Muyiile bibaadi Danyele mulungule nfumu, bwakinyi Efile Mukulu baadi mutume eyaasa bwashi difunde ku mudimba?
5. Mushindo kinyi ubaadi Danyele mupatuule bishima bibaadi ku mudimba?
6. Nkinyi kibaadi kikitshikye pabaadi Danyele kyakula?
Ingi nkonko:
1. Badika Danyele 5:1-31.
(a) Lesha kwilekena kwi pankatshi pa kutshina Efile na moo ubaadi nawo Belshasare nsaa ibamwene eyaasa adifundu ku mudimba. (Dan. 5:6, 7; Mis. 19:9; Lom. 8:35-39)
(b) Mushindo kinyi ubaadi Danyele muleshe shi e na eshimba dikile bukopo nsaa ibaadi esamba kumpala kwa Belshasare na kwa bantu baaye bakata? (Dan. 5:17, 18, 22, 26-28; Bik. 4:29)
(c) Mushindo kinyi wi mukanda wa Danyele shapitre 5 aushinkamisha bi bukome bwa Yehowa? (Dan. 4:17, 25; 5:21)
Danyele mu bwina bwa ntambwe
1. Daryuse nnanyi, na mushindo kinyi ubaadi amono Danyele?
2. Nkinyi kibaadi bangi bantu abaadi na kiutu batakule Daryuse mu kukita?
3. Danyele bakitshine kinyi pabapushishe pabitale mwiya upya?
4. Bwakinyi Daryuse baadi mwinyongole kushi kumona tulo, na nkinyi kibakitshine pabubatokyele kunamashika?
5. Danyele balulwile Daryuse naminyi?
6. Nkinyi kibaadi kifwile bantu bebubi abaadi batompe kwipaa Danyele, na nkinyi kibaadi Daryuse mufundile bantu booso ba mu bufumu bwaye?
Ingi nkonko:
1. Badika Danyele 6:1-28.
(a) Mushindo kinyi wi kifufu kibabadi badiile Danyele akitutentekyesha mushindo ukwete kukita beshikwanyi bwa kutompa kwimika mudimo wa Batemwe ba Yehowa mu ano mafuku? (Dan. 6:7; Mis. 94:20; Yesh. 10:1; Lom. 8:31)
(b) Bafubi b’Efile Mukulu lelo uno mbalombeene kulonda kileshesho kya Danyele kya kushaala bakokyele ‘bakata ba mbulamatadi’ naminyi? (Dan. 6:5, 10; Lom. 13:1; Bik. 5:29)
(c) Mushindo kinyi watudi bakumbeene kulonda kileshesho kya Danyele kya kufubila Yehowa “bufuku na kanya”? (Dan. 6:16, 20; Fid. 3:16; Bif. 7:15)
Mwilo w’Efile Mukulu ubakatuka mu Babilone
1. Bu byokwete kumona mu kifwatulo, nkinyi kikwete kukita beena Isaleele?
2. Mushindo kinyi ubaadi Siruse mulombashe butemuki bwa Yehowa ku bukwashi bwa Yeeshaya?
3. Siruse baadi mulungule beena Isaleele bashibaadi na mushindo wa kwalukiila mu Yeelusaleme kinyi?
4. Siruse bapele bantu abalukiile ku Yeelusaleme kinyi?
5. Bwakwalukiila ku Yeelusaleme beena Isaleele abapwile mafuku bungi kinyi mwishinda?
6. Eumbo dibashadile bisumanga kushi muntu munda mwa mafuku bungi?
Ingi nkonko:
1. Badika Yeeshaya 44:28 na 45:1-4.
(a) Mushindo kinyi ubaadi Yehowa muleshe shi butemuki bwaye bubaadi abwisamba pabitale Siruse bubaadi bulombane binyibinyi? (Yesh. 55:10, 11; Lom. 4:17)
(b) Butemuki bwa Yeeshaya abwisamba pabitale Siruse abulesha kinyi pabitale bukome bwa Yehowa bwa kwakula myanda ayifiki kumpala? (Yesh. 42:9; 45:21; 46:10, 11; 2 Mp. 1:20)
2. Badika Esdrase 1:1-11.
Mu kileshesho kya beena Isaleele bashibaadi na mushindo wa kwalukiila ku Yeelusaleme, mushindo kinyi watudi balombeene lelo uno ‘kukwasha’ bano bakwete kwipaana mu mudimo wa nsaa yooso? (Esd. 1:4, 6; Lom. 12:13; Kol. 4:12)
Abatuulu lukulupilo mu bukwashi bw’Efile Mukulu
1. Mbantu bungi kinyi babaadi bakite lwendo lula lwa kukatuka ku Babilone bwa kwenda ku Yeelusaleme, kadi abasangeene kinyi pababafikile kwanka?
2. Beena Isaleele ababangile kwibaka kinyi abo bakya bafiki, kadi beshikwanyi baabo babakitshine kinyi?
3. Agee na Zakarii mbantu kinyi, na babalungwile bantu kinyi?
4. Bwakinyi Tatenai batumine mukanda ku Babilone, na bapetele lwalulo kinyi?
5. Esdrase bakitshine kinyi pabapushishe shi abitungu kulumbuula ntempelo a Efile Mulu?
6. Nkinyi kikwete Esdrase kuteka mu kifwatulo, mushindo kinyi ubabadi balule luteko lwaye, na bino abitulongyesha kinyi?
Ingi nkonko:
1. Badika Esdrase 3:1-13.
Su twekala bupenka pa mbalo ishi kakongye ka bantu b’Efile Mukulu, nkinyi kyatudi balombeene kutungunuka na kukita? (Esd. 3:3, 6; Bik. 17:16, 17; Eb. 13:15)
2. Badika Esdrase 4:1-7.
Zorobabele mulekyele bantu ba Yehowa kileshesho kinyi pabitale kusanga kwa lulangwilo lwa binyibinyi na lulangwilo lwa madimi? (Efi. 34:12; 1 Kod. 15:33; 2 Kod. 6:14-17)
3. Badika Esdrase 5:1-5, 17 na 6:1-22.
(a) Bwakinyi beshikwanyi babakutshile mushindo wa kwimika mudimo wa kwibaka ntempelo? (Esd. 5:5; Yesh. 54:17)
(b) Mwanda ubakitshine bakulu ba beena Yuuda aukwasha bakulu mu kakongye naminyi bwashi bekale abakimbi bukunkushi bwa Yehowa nsaa yabadi kumpala kwa beshikwanyi? (Esd. 6:14; Mis. 32:8; Lom. 8:31; Ja. 1:5)
4. Badika Esdrase 8:21-23, 28-36.
Kumpala kwa kukita kintu kampanda, Esdrase mwitulekyele kileshesho kinyi kibuwa kya kulonda? (Esd. 8:23; Mis. 127:1; Mye. 10:22; Ja. 4:13-15)
Mardokea na Esteere
1. Mardokea na Esteere mbantu kinyi?
2. Bwakinyi Nfumu Kesersese baadi na lukalo lwa ungi mukashi, na nnanyi abasangwile bu mukashi?
3. Hamane muntu kinyi, na nkinyi kimufitshishe munda ngofu?
4. Mwiya kinyi ubabadi beele, na nkinyi kibakitshine Esteere kunyima kwaye kupusha mayi ababadi bamutumine kwi Mardokea?
5. Nkinyi kibaadi kikitshikile Hamane, na nkinyi kibaadi kifwile Mardokea?
6. Beena Isaleele abaadi bapashibwe naminyi ku maasa kwa beshikwanyi baabo?
Ingi nkonko:
1. Badika Esteere 2:12-18.
Mushindo kinyi ubaadi Esteere muleeshe shi kwikala ‘n’eshimba dibuwa na difukame’ kwi na muulo? (Est. 2:15; 1 Mp. 3:1-5)
2. Badika Esteere 4:1-17.
Nka bu bibabadi bape Esteere mushindo wa kwakwila lulangwilo lwa binyibinyi, twi na bulungantu kinyi lelo uno bwa kulesha kwipaana kwetu na kulamata kwetu kwi Yehowa? (Est. 4:13, 14; Mat. 5:14-16; 24:14)
3. Badika Esteere 7:1-6.
Mushindo kinyi wi bafubi b’Efile Mukulu bebungi abakumina kutuula muwa wabo mu masaku bu bibakitshine Eestere? (Est. 7:4; Mat. 10:16-22; 1 Mp. 2:12)
Bimano bya Yeelusaleme
1. Beena Isaleele abaadi abapusha naminyi pababadi bashale mu kibundji kya Yeelusaleme kishi na bimano?
2. Neemi nnanyi?
3. Neemi baadi na mudimo kinyi, na bwakinyi ubaadi na muulo?
4. Mwanda kinyi ubabadi balungule Neemi ubaadi umwinyongoshe, na nkinyi kibakitshine?
5. Mushindo kinyi ubaadi Nfumu Artakesese mukitshine Neemi kalolo?
6. Mushindo kinyi ubaadi Neemi mulumbuule mudimo wa kwibaka bwashi beshikwanyi tabobeshanga kwiwimika?
Ingi nkonko:
1. Badika Neemi 1:4-6 na 2:1-20.
Mushindo kinyi ubaadi Neemi mukimbe bukunkushi bwa Yehowa? (Ne. 2:4, 5; Lom. 12:12; 1 Mp. 4:7)
2. Badika Neemi 3:3-5.
Bakulu na bafubi ba midimo mu kakongye mbalombeene kulonga kinyi ku kileshesho kya beena Teko na “bilobo byaabo”? (Ne. 3:5, 27; 2 Tes. 3:7-10; 1 Mp. 5:5)
3. Badika Neemi 4:1-23.
(a) Nkinyi kibaadi kitakule beena Isaleele mu kutungunuka na kwibaka sunga bya kubaadi nkalakasho ikile bukopo? (Ne. 4:6, 8, 9; Mis. 50:15; Yesh. 65:13, 14)
(b) Kileshesho kya beena Isaleele akitunyingisha naminyi lelo uno?
4. Badika Neemi 6:15.
Kupudisha kwa kwibaka kwa bimano bya Yeelusaleme penda munda mwa myeshi ibidi akulesha nkinyi pabitale bukome bwa lukumino? (Mis. 56:3, 4; Mat. 17:20; 19:26)
Mwikeyilu umune bafiki kwi Madiya
1. Uno mwana mukashi e mu kifwatulo nnanyi?
2. Gabryele balungwile Madiya kinyi?
3. Mushindo kinyi ubaadi Gabryele muleshe Madiya shi akatanda mwana sunga tamubande kuuka mulume?
4. Nkinyi kibakitshikile pabayile Madiya mu kutembela Elizabete?
5. Yoosefe baadi na binangu kinyi pabaukile shi Madiya e n’eyimi, kadi bwakinyi baadi mushintuule binangu byaaye?
Ingi nkonko:
1. Badika Luuka 1:26-56.
(a) Mukanda wa Luuka 1:35 aulesha kinyi pabitale kukutwa kwa kupwidika kw’efu dya Madiya akufiki ku mulwisho wa Adame nsaa ibaadi Efile Mukulu mwele muwa wa Mwana aaye mwifu dya Madiya? (Ag. 2:11-13; Yo. 6:69; Eb. 7:26; 10:5)
(b) Mushindo kinyi ubaadi Yesu mupete ntumbo kumpala kwa kutandika kwaye? (Luk. 1:41-43)
(c) Madiya mulekyele beena Kidishitu babadi bape bushito bwa kukita mudimo ukata mu ndumbulwilo kileshesho kinyi? (Luk. 1:38, 46-49; 17:10; Mye. 11:2)
2. Badika Mateo 1:18-25.
Sunga byekala shi Yesu tababaadi bamupe eshina dya bu Emanuwele, mudimo waaye pabaadi pa nsenga ngukumbashe akipatuula dyadya eshina naminyi? (Mat. 1:22, 23; Yo. 14:8-10; Eb. 1:1-3)
Kutandikwa kwa Yesu
1. Uno mwana mukinga e mu kifwatulo nnanyi, na Madiya mumuladishe mbalo kinyi?
2. Bwakinyi Yesu batandikile mu nshibo ya nyema?
3. Mu kino kifwatulo, bano balume abatwele mu nshibo ya nyema mba nnanyi, na mwikeyilu ekele mwibalungule kinyi?
4. Bwakinyi Yesu baadi mwilekeene na bantu booso?
5. Bwakinyi abetamina Yesu bu Mwan’Efile Mukulu?
Ingi nkonko:
1. Badika Luuka 2:1-20.
(a) Nkinyi kibakitshine Keezare Oguste kibaadi kikwashe bwashi butemuki butale kutandikwa kwa Yesu bukumbane? (Luk. 2:1-4; Mik. 5:2)
(b) Mushindo kinyi ulombeene muntu kwikala munkatshi mwa bantu babetamina bu ‘bantu ba mashimba ebuwa’? (Luk. 2:14; Mat. 16:24; Yo. 17:3; Bik. 3:19; Eb. 11:6)
(c) Su balami ba mikooko beena Yuuda abaadi na kya kusangala mwanda wa kutandika kwa Mupaashi, nkinyi kilombeene kupa bafubi b’Efile Mukulu muloo ukile bukata lelo uno? (Luk. 2:10, 11; Ef. 3:8, 9; Bif. 11:15; 14:6)
Lwenyenyi alukunkusha bantu
1. Bano bantu be mu kifwatulo mba nnanyi, na bwakinyi umune a kwabadi kwete kufunka lwenyenyi alutembe?
2. Bwakinyi Nfumu Eroode baadi mwinyongole, na nkinyi kibakitshine?
3. Lwenyenyi lubaadi lunkunkushe bantu kunyi, kadi bwakinyi abaadi batwele mu dingi eshinda bwa kwalukiila kwabo?
4. Mwiya kinyi ubaadi Eroode mwele, na mbwakinyi?
5. Nkinyi kibaadi Yehowa mulungule Yoosefe bwa kukita?
6. Nnanyi baadi mutume lungi lwenyenyi bwashi lumunyikye, na bwakinyi bakitshine byabya?
Ingi nkonko:
1. Badika Mateo 2:1-23.
Yesu baadi na bipwa bungi kinyi na baadi mbalo kinyi pabafikile basha binangu mu kumutala? (Mat. 2:1, 11, 16)
Yesu e mu ntempelo
1. Bu byokwete kumona mu kifwatulo Yesu e na bipwa bungi kinyi, na nkunyi kwadi?
2. Yoosefe na kifuko kyaaye abaadi abakitshi kinyi ku kipwa kyooso?
3. Bwakinyi Yoosefe na Madiya abalukiila ku Yeelusaleme abo abaapu katambuka munda mwefuku dishima abaluka kwabo?
4. Yoosefe na Madiya abasangeene Yesu kunyi, na bwakinyi bantu bakwete kukanya?
5. Yesu balungwile nyin’aaye Madiya kinyi?
6. Mushindo kinyi watudi balombeene kulonda kileshesho kya Yesu nsaa yatulongo myanda y’Efile Mukulu?
Ingi nkonko:
1. Badika Luuka 2:41-52.
(a) Sunga bu bibaadi Mwiya autekye penda baana balume bwashi bende ku feete a ku kipwa, Yoosefe na Madiya mbalekyele ba nambutwile kileshesho kinyi? (Luk. 2:41; Miy. 16:16; 31:12; Mye. 22:6)
(b) Yesu mulekye kileshesho kinyi kibuwa kwi bansongwalume na bansongwakashi pabitale kukokyela kwa baledi baabo? (Luk. 2:51; Miy. 5:16; Mye. 23:22; Kol. 3:20)
2. Badika Mateo 13:53-56.
Ouku mashina a bakwabo na Yesu balume bananka babadi batemune mu Bible su, na mudimo kinyi ubaadi aukitshi babidi ba kwabadi mu kakongye ka beena Kidishitu? (Mat. 13:55; Bik. 12:17; 15:6, 13; 21:18; Gal. 1:19; Ja. 1:1; Yu. 1)
Yowano abatshisha Yesu
1. Bano balume babidi be mu kifwatulo abebetamina naminyi?
2. Mushindo kinyi wababatshishaa muntu?
3. Yowano baadi abatshisha nka penda bantu kinyi?
4. Nkinyi kibaadi kitakule Yesu bwashi atekye Yowano bwa kumubatshisha?
5. Nkinyi kibaadi Efile Mukulu mukite bwa kulesha shi musangeele kubatshishibwa kwa Yesu?
6. Nkinyi kibaadi kikitshikye pabaadi Yesu mwende ku mbalo ya bupenka munda mwa mafuku 40?
7. Ouku mashina a bangi ba ku balondji ba Yesu ba kumpala na kipaso kya kumpala kibaadi Yesu mukite su?
Ingi nkonko:
1. Badika Mateo 3:13-17.
Yesu mulekye kileshesho kinyi pabitale kubatshishibwa kwa balondji baaye? (Mis. 40:7, 8; Mat. 28:19, 20; Luk. 3:21, 22)
2. Badika Mateo 4:1-11.
Mushindo ubaadi Yesu atumika kalolo na Bifundwe awitunyingisha naminyi pabitale kwikala na kiubishi kya kulonga Bible? (Mat. 4:5-7; 2 Mp. 3:17, 18; 1 Yo. 4:1)
3. Badika Yowano 1:29-51.
Yowano Mubatshishi baadi muleshe muntu kinyi kwi balondji baaye, na mushindo kinyi watudi balombeene kulonda kileshesho kyaaye? (Yo. 1:29, 35, 36; 3:30; Mat. 23:10)
4. Badika Yowano 2:1-12.
Kipaso kya kumpala kibaadi Yesu mukite akilesha naminyi shi Yehowa tasuminaa bafubi Baaye kintu kibuwa su nkimune nya? (Yo. 2:9, 10; Mis. 84:11; Ja. 1:17)
Yesu atoosha ntempelo
1. Bwakinyi abaadi abaudisha nyema mu ntempelo?
2. Nkinyi kibaadi kifiitshishe Yesu munda?
3. Bu byokwete kumona mu kifwatulo, nkinyi kibakitshiine Yesu, na baadi mutumine bantu abaadi abaudisha toonyi twa nkudimba eyi dya kukita kinyi?
4. Balondji ba Yesu pababamwene Yesu akitshi byabya, babatentekyeshe kinyi?
5. Yesu pabaadi alukiila mu Ngadile baadi mukile mu distrike kinyi?
Ingi nkonko:
1. Badika Yowano 2:13-25.
Patumono nsungu ibaadi Yesu mukwate pabamwene bantu abaadi abashintula makuta mu ntempelo, mbinangu kinyi bibuwa byatudi balombeene kwikala nabyo pabitale myanda ya busunga mu Nshibo ya Bufumu? (Yo. 2:15, 16; 1 Kod. 10:24, 31-33)
Yesu na mwana mukashi mwina Samariya
1. Bwakinyi Yesu mushale pa bwina bwa mema mu Samariya, na nkinyi kyakwete kulungula mukashi e paapa?
2. Bwakinyi mwana mukashi kwete kukanya, nkinyi kibamulungula Yesu na bwakinyi bamulungula byabya?
3. Mwana mukashi kwete kupwandikisha shi Yesu esamba pabitale mema kinyi, kadi baadi akula binyibinyi pabitale mema kinyi?
4. Bwakinyi mwana mukashi kwete kukanya mwanda Yesu auku myanda imutale, na Yesu baadi muukye ino myanda yooso naminyi?
5. Mwanda wa uno mwana mukashi e ku bwina bwa mema awitulongyesha kinyi?
Ingi nkonko:
1. Badika Yowano 4:5-43.
(a) Mu kulonda kileshesho kya Yesu, abitungu twikale na binangu kinyi pabitale bantu ba dingi ekoba sunga be na nshalelo mwilekene na etu? (Yo. 4:9; 1 Kod. 9:22; 1 Tim. 2:3, 4; Tt. 2:11)
(b) Mbintu kinyi bya mu kikudi abipete muntu afiki bu mulondji a Yesu? (Yo. 4:14; Yesh. 58:11; 2 Kod. 4:16)
(c) Mushindo kinyi watudi balombeene kulesha lutumbu bu lubaadi na mukashi a mu Samariya baadi na muloo wa kulungula bangi myanda ibaadi mulongye? (Yo. 4:7, 28; Mat. 6:33; Luk. 10:40-42)
Yesu alongyesha pa mwengye
1. Mu kino kifwatulo, Yesu kwete kulongyesha pa mbalo kinyi, na bano bashaale pepi naaye mba nnanyi?
2. Batumibwa 12 abebetaminaa naminyi?
3. Yesu baadi alongyesha pabitale Bufumu kinyi?
4. Yesu baadi mulongyeshe balondji baaye bwashi batekye kinyi mu nteko yaabo?
5. Yesu bakwile kinyi pabitale mushindo ulombeene bantu kwikitshishena myanda?
Ingi nkonko:
1. Badika Mateo 5:1-12.
Mushindo kinyi watudi balombeene kulesha shi atuuku shi twi na bulanda bwa mu kikudi? (Mat. 5:3; Lom. 10:13-15; 1 Tim. 4:13, 15, 16)
2. Badika Mateo 5:21-26.
Mukanda wa Mateo 5:23, 24 aulesha naminyi shi kipwano kyatudi nakyo na bakwetu nkilombeeno kulongamisha sunga kulwisha kipwano kyetu na Yehowa? (Mat. 6:14, 15; Mis. 133:1; Kol. 3:13; 1 Yo. 4:20)
3. Badika Mateo 6:1-8.
Beena Kidishitu be na kya kusuuka kwikala na mishindo kinyi ya kwilesha bu basha-kululama? (Luk. 18:11, 12; 1 Kod. 4:6, 7; 2 Kod. 9:7)
4. Badika Mateo 6:25-34.
Yesu etulongyesha kinyi pabitale kutuula lukulupilo kwi Yehowa nsaa yatudi na lukalo na bintu bya ku mbidi? (Efi. 16:4; Mis. 37:25; Fid. 4:6)
5. Badika Mateo 7:1-11.
Kileshesho kibuwa ki mu Mateo 7:5 akitulongyesha kinyi? (Mye. 26:12; Lom. 2:1; 14:10; Ja. 4:11, 12)
Yesu abuusha bafwe
1. Eshina dya nsha-mwana e mu kifwatulo uno nnanyi, na bwakinyi uno muntu na mukashi aye abaadi benyongole?
2. Nkinyi kibakitshine Yayiluse pabamwene Yesu?
3. Nkinyi kibakitshikile pabaadi Yesu ende kwa Yayiluse, na Yayiluse bapetele mukandu kinyi pababadi mwishinda?
4. Bwakinyi bantu babaadi mu nshibo ya Yayiluse babaadi abasepe Yesu?
5. Kunyima kwa kutwela mu kadimbo ka nsongwakashi na balondji baye basatu na baledi ba mwana, Yesu bakitshine nkinyi?
6. Nnanyi mungi ababadi babuushe ku lufu kwi Yesu, na bino abilesha kinyi?
Ingi nkonko:
1. Badika Luuka 8:40-56.
Mushindo kinyi ubaadi Yesu muleshe lusa na kalolo kwi mwana mukashi baadi atuuku mase, na bino mbilombeene kulongyesha bakulu beena Kidishitu kinyi? (Luk. 8:43, 44, 47, 48; Lv. 15:25-27; Mat. 9:12, 13; Kol. 3:12-14)
2. Badika Luuka 7:11-17.
Bwakinyi booso bafwishe bakwabo ba p’eshimba mbalombeene kusambibwa na mayi abaadi Yesu mulungule mukashi a mu Naine baadi mufwishe mulume? (Luk. 7:13; 2 Kod. 1:3, 4; Eb. 4:15)
3. Badika Yowano 11:17-44.
Mushindo kinyi ubaadi Yesu muleshe shi tabibubi kudila apafu muntu oodi mufule? (Yo. 11:33-36, 38; 2 Sam. 18:33; 19:1-4)
Yesu adiisha bisaka bya bantu
1. Mwanda kinyi wi bubi ubaadi ukitshikile Yowano Mubatshishi, na Yesu baadi mupushe naminyi pabitale uno mwanda?
2. Mushindo kinyi ubaadi Yesu mudiishe bibumbu bya bantu abaadi abamulondo, na kubaadi kushaale bya kudya bungi kinyi?
3. Bwakinyi balondji abaadi na moo munkatshy’a bufuku, na nkinyi kibaadi kikitshikile Mpyeele?
4. Yesu baadi mudiishe binunu bya bantu naminyi mususa wa kabidi?
5. Bwakinyi abikekala buwa bukile nsaa ayikyebe Yesu kukunkusha nsenga mu Bufumu bw’Efile Mukulu?
Ingi nkonko:
1. Badika Mateo 14:1-32.
(a) Mwanda wi mu Mateo 14:23-32 awitulesha kinyi pabitale mwikeelo wa Mpyeele?
(b) Bifundwe abitulesha naminyi mushindo ubaadi Mpyeele munyingye na mukambile nshalelo aaye a muntu sh’eshimba kwiyilokwiyilo? (Mat. 14:27-30; Yo. 18:10; 21:7; Bik. 2:14, 37-40; 1 Mp. 5:6, 10)
2. Badika Mateo 15:29-38.
Mushindo kinyi ubaadi Yesu muleshe shi baadi anemeka bya kudya bibaadi Nshaaye mumupe? (Mat. 15:37; Yo. 6:12; Kol. 3:15)
3. Badika Yowano 6:1-21.
Beena Kidishitu mbalombeene kulonda kileshesho kya Yesu naminyi pabitale kunemeka kwa bakata ba mbulamatadi? (Yo. 6:15; Mat. 22:21; Lom. 12:2; 13:1-4)
Mufule baana bakinga
1. Batumibwa babaadi abeele mpaka pabitale kinyi pababadi abalukiila mu lwendo?
2. Bwakinyi Yesu bayitamine kana kakinga ekayimika munkatshi mwa batumibwa?
3. Mushindo kinyi ubaadi autungu shi batumibwa balonde kileshesho kya baana bakinga?
4. Myeshi ipela kunyima, mushindo kinyi ubaadi Yesu muleshe shi mufule baana bakinga?
Ingi nkonko:
1. Badika Mateo 18:1-4.
Bwakinyi Yesu baadi alongyesha ku bukwashi bwa bileshesho? (Mat. 13:34, 36; Mak. 4:33, 34)
2. Badika Mateo 19:13-15.
Nyikashi kinyi ya baana bakinga yatudi balombeene kwambula su atukyebe kupeta myanda ibuwa ayikakitshi Bufumu? (Mis. 25:9; 138:6; 1 Kod. 14:20)
3. Badika Maako 9:33-37.
Yesu baadi mulongyeshe balondji baaye kinyi pabitale kukimba kwa kwikala pa mbalo ya kinemo? (Mak. 9:35; Mat. 20:25, 26; Gal. 6:3; Fid. 2:5-8)
4. Badika Maako 10:13-16.
Mushindo kinyi ubaadi Yesu muleshe shi mmuntu a bantu, na kileshesho kyaye nkilombeene kulongyesha bakulu beena Kidishitu kinyi? (Mak. 6:30-34; Fid. 2:1-4; 1 Tim. 4:12)
Mushindo ubaadi alongyesha
1. Ungi mwana mulume baadi mwipushe Yesu kinyi, na mbwakinyi
2. Ingi misusa Yesu baadi alongyesha ku bukwashi bwa kinyi, na nkinyi kitatupwile kulonga pabitale beena Yuuda na beena Samariya?
3. Mu uno mwanda bakwile shi nkinyi kibaadi kikitshikile mwina Yuuda baadi ende mwishinda dya ku Yeeriko?
4. Nkinyi kibaadi kikitshikye pabafikile tshiite-mwakwidi na mwina Leevi mwishinda?
5. Bu byokwete kumona mu kifwatulo, nnanyi kwete kukwasha mwina Yuuda ababadi bakupile?
6. Pabapwile Yesu kumulondela uno mwanda bamwipwishe kinyi, na yawa mwana mulume balulwile naminyi?
Ingi nkonko:
1. Badika Luuka 10:25-37.
(a) Pamutwe wa kutuusha lwalulo mususa umune, mushindo kinyi ubaadi Yesu mukwashe yawa mulume baadi mwipaane mu Miiya bwashi anangushene pabitale uno mwanda? (Luk. 10:26; Mat. 16:13-16)
(b) Mushindo kinyi ubaadi Yesu mutushe bileshesho bwashi bantu abaadi abamuteemesha tabekalanga abelela bangi binangu bibubi? (Luk. 10:36, 37; 18:9-14; Tt. 1:9)
Yesu apasha basha maladi
1. Yesu baadi akitshi kinyi pabaadi efunyu mwiumbo?
2. Bipwa bisatu kunyima kwa kubatshishibwa kwaye, Yesu baadi mulungule batumibwa baaye kinyi?
3. Bano bantu be mu kifwatulo mba nnanyi, na Yesu kwete kukitshina uno mwana mukashi kinyi?
4. Bwakinyi lwalulo lwa Yesu kwi bakata ba bipwilo babaadi abamutopeka lubaadi lwi bakwatshishe buufu?
5. Pabaadi Yesu na balondji pepi na ku Yeeriko, nkinyi kibaadi Yesu mukitshine ba mpofu babidi abaadi abatekye ka-pa-lusa?
6. Bwakinyi Yesu baadi akitshi bipaso?
Ingi nkonko:
1. Badika Mateo 15:30, 31.
Mushindo kinyi ubaadi bukome bwa Yehowa abumweka ku myanda ibakitanga Yesu, na mmushindo kinyi wabidi mbilombeene kulumbuula mpushisho etu pabitale bintu byadi mulee mu nsenga ipya? (Mis. 37:29; Yesh. 33:24)
2. Badika Luuka 13:10-17.
Bwakinyi bipaso bibaadi Yesu mukite mwifuku dya Nsabato abilesha mushindo wakyebe kupudisha nkalakasho ya bantu mu Bufumu bwaye bwa bipwa kinunu? (Luk. 13:10-13; Mis. 46:9; Mat. 12:8; Kol. 2:16, 17; Bif. 21:1-4)
3. Badika Mateo 20:29-34.
Uno mwanda aulesha naminyi shi sunga Yesu baadi na myanda ibungi yakukita, baadi akimbi nsaa ya kukwasha bantu, na bino abitulongyesha kinyi? (Miy. 15:7; Ja. 2:15, 16; 1 Yo. 3:17)
Yesu afiki bu nfumu
1. Pabaadi Yesu mufikye pa kabundji kapela ke pepi na Yeelusaleme, balungwile balondji baaye bwashi bakite kinyi?
2. Bu byokwete kumona mu kifwatulo nkinyi kibaadi kikitshikye pabafikile Yesu pepi na lupata lwa Yeelusaleme?
3. Baana bakinga abakitshine kinyi pababamwene Yesu apaasha ba mpofu na balemane?
4. Yesu balungwile batshii-mwakwidi abaadi bamufitshile munda kinyi?
5. Mushindo kinyi watudi balombeene kwikala bu baana bakinga abaadi batumbishe Yesu?
6. Balondji abaadi na lukalo lwa kuuka kinyi?
Ingi nkonko:
1. Badika Mateo 21:1-17.
(a) Kutwela kwa Yesu mu Yeelusaleme bu Nfumu nkwilekeene na kwa bakata ba basalayi ba beena Looma abo abapu kutshokola ngoshi naminyi? (Mat. 21:4, 5; Za. 9:9; Fid. 2:5-8; Kol. 2:15)
(b) Bansongwalume na bansongwakashi mbalombeene kulonda kileshesho kya bansongwalume beena Isaleele abaadi batentekyeshe mayi a Musambo wa 118 pabatwelele Yesu mu ntempelo naminyi? (Mat. 21:9, 15; Mis. 118:25, 26; 2 Tim. 3:15; 2 Mp. 3:18)
2. Badika Yowano 12:12-16.
Malala abaadi atwale bantu bwa kukukila Yesu abaadi aalesha kinyi? (Yo. 12:13; Fid. 2:10; Bif. 7:9, 10)
Ku Mwengye wa Olive
1. Bu byokwete kumona mu kifwatulo, Yesu e pe kunyi, na bano bantu baadi nabo mba nnanyi?
2. Batshiite-mwakwidi abatompele kukita Yesu kinyi mu ntempelo, na Yesu bebalungwile kinyi?
3. Batumibwa abepwishe Yesu kinyi?
4. Bwakinyi Yesu balungwile batumibwa baaye ingi myanda ayikyebe kukitshika nsaa yakabanga kumunana bu Nfumu mwiyilu?
5. Yesu bakwile shi nkinyi akikyebe kukitshika kumpala kwadya kupudisha myanda ibubi pa nsenga?
Ingi nkonko:
1. Badika Mateo 23:1-39.
(a) Sunga bi Bifundwe abilesha shi kwitamina bantu mu myasu yaabo takwi bubi, mayi a Yesu e mu Mateo 23:8-11 aalesha kinyi pabitale kwitamina bantu mu myasu ya kwibasamuna mu kakongye ka beena Kidishitu? (Bik. 26:25; Lom. 13:7; 1 Mp. 2:13, 14)
(b) Bafadisee abakitshine kinyi bwa kutompa kutosha bantu bwa kwikala beena Kidishitu, na mushindo kinyi ukwete kwibikita bakata ba bipwilo lelo uno? (Mat. 23:13; Luk. 11:52; Yo. 9:22; 12:42; 1 Tes. 2:16)
2. Badika Mateo 24:1-14.
(a) Mu Mateo 24:13 mushindo kinyi wabalesha muulo wa kwikala munyingiile?
(b) Kishima “nfudiilo” ki mu Mateo 24:13 akipatuula kinyi? (Mat. 16:27; Lom. 14:10-12; 2 Kod. 5:10)
3. Badika Maako 13:3-10.
Nkishima kinyi ki mu Maako 13:10 akilesha shi nguba a kulungula mukandu wibuwa bashaala peela, na bishima bya Yesu abitutumu mu kukita kinyi? (Lom. 13:11, 12; 1 Kod. 7:29-31; 2 Tim. 4:2)
Mu nshibo ya kunundu
1. Bu byokwete kumona mu kifwatulo, nkinyi kikwete kukita Yesu na batumibwa baaye 12 mu nshibo ya kunundu?
2. Uno muntu kwete kukatuka nnanyi, na nkinyi kyakwete kwenda mu kukita?
3. Nkidibwa kinyi kya ungi mushindo kibaadi Yesu mukite aye baapu kukita kya kudya kya Lukilo?
4. Kidibwa kya Lukilo kibaadi akitentekyesha beena Isaleele mwanda kinyi, na kino kidibwa kya ungi mushindo kibaadi akitentekyesha batumibwa ba Yesu kinyi?
5. Kunyima kwa Kidibwa kya Mwanana, Yesu balungwile balondji baaye kinyi, na abakitshine kinyi?
Ingi nkonko:
1. Badika Mateo 26:14-30.
(a) Mukanda wa Mateo 26:15 aulesha naminyi shi Yudase baadi auku kibaadi mukite pa kupaana Yesu?
(b) Myanda kinyi ibidi ayilesha bwakinyi Yesu baadi mupongoole mase aaye? (Mat. 26:27, 28; Yel. 31:31-33; Ef. 1:7; Eb. 9:19, 20)
2. Badika Luuka 22:1-39.
Satana baadi mutwele munda mwa Yuudase naminyi? (Luk. 22:3; Yo. 13:2; Bik. 1:24, 25)
3. Badika Yowano 13:1-20.
(a) Patutalula mwanda wabalesha mu Yowano 13:2, Yuudase mulombeene kutopekibwa pabitale kibakitshine su, na uno mwanda aulongyesha bafubi b’Efile Mukulu kinyi? (Kib. 4:7; 2 Kod. 2:11; Gal. 6:1; Ja. 1:13, 14)
(b) Yesu mulekye kileshesho kinyi kikata? (Yo. 13:15; Mat. 23:11; 1 Mp. 2:21)
4. Badika Yowano 17:1-26.
Mushindo kinyi ubaadi Yesu mutekyele balondji baaye bwashi bekale “bu umune”? (Yo. 17:11, 21-23; Lom. 13:8; 14:19; Kol. 3:14)
Yesu e mwifuba dya Getesemane
1. Yesu na batumibwa baaye abayiile kunyi nsaa ibabakatukile mu nshibo ya kunundu, na nkinyi kibebalungwile bwa kukita?
2. Nkinyi kibaadi Yesu musangane nsaa ibalukiile kwi batumibwa baaye, na bino bibakitshikile misango bungi kinyi?
3. Nnanyi batwelele mwifuba, na Yudase Iskaryote bakitshine kinyi, bu byokwete kumona mu kifwatulo?
4. Bwakinyi Yudase bafifile Yesu ku milomo, na nkinyi kibakitshine Mpyeele?
5. Yesu balungwile Mpyeele kinyi, kadi bwakinyi Yesu bapelele kuteka Efile Mukulu bwashi amutumine miikeyilu?
Ingi nkonko:
1. Badika Mateo 26:36-56.
(a) Mushindo ubaadi Yesu mulangye balondji baaye aupa bakulu beena Kidishitu kileshesho kinyi lelo uno? (Mat. 20:25-28; 26:40, 41; Gal. 5:17; Ef. 4:29, 31, 32)
(b) Mushindo kinyi ubaadi Yesu amono kwibweshela muntu noobe kintu kya ngoshi? (Mat. 26:52; Luk. 6:27, 28; Yo. 18:36)
2. Badika Luuka 22:39-53.
Kufika kwa mwikeyilu mwifuba dya Getesemane bwa kunyingisha Yesu akulesha shi lukumino lwa Yesu lubaadi lubofule su? Patuula. (Luk. 22:41-43; Yesh. 49:8; Mat. 4:10, 11; Eb. 5:7)
3. Badika Yowano 18:1-12.
Mushindo kinyi ubaadi Yesu mukalwile balondji baaye ku maasa a beshikwanyi, na bino abitulongyesha kinyi? (Yo. 10:11, 12; 18:1, 6-9; Eb. 13:6; Ja. 2:25)
Abayipa Yesu
1. Nnanyi baadi nsulo ya lufu lwa Yesu?
2. Nsaa ibabakwatshile Yesu kwi bakata ba bipwilo batumibwa abakitshine kinyi?
3. Nkinyi kibakitshikile ku nshibo ya Kayifase, tshiite-mwakwidi mukata e panundu?
4. Bwakinyi Mpyeele bakatukile na kudila?
5. Kunyima kwa kwalusha Yesu kwa Pilato, batshiite-mwakwidi bakata abelanga misase kinyi?
6. Nkinyi kibaadi kikitshikile Yesu mu dya Katano kunyima kwa midi, na nkinyi kibaadi mulee nkitshishi a bubi baadi mupudikwe ku mutshi pepi naaye?
7. Mbalo kinyi ayikekala Mpaladiiso ababaadi bakule kwi Yesu?
Ingi nkonko:
1. Badika Mateo 26:57-75.
Mushindo kinyi ubaadi baaba abaadi mu lukuku lukata lwa bansushi ba beena Yuuda baleshe shi abaadi na mashimba e bubi? (Mat. 26:59, 67, 68)
2. Badika Mateo 27:1-50.
Bwakinyi atwakula shi kwinyongola kubaadi Yudase mwinyongole takubaadi kwa binyibinyi? (Mat. 27:3, 4; Mak. 3:29; 14:21; 2 Kod. 7:10, 11)
3. Badika Luuka 22:54-71.
Elango kinyi dyatupete pabitale mushindo ubaadi Mpyeele mutune Yesu bufuku bubabadi bamukwate? (Luk. 22:60-62; Mat. 26:31-35; 1 Kod. 10:12)
4. Badika Luuka 23:1-49.
Yesu bakitshine kinyi na myanda yooso ibubi ibabadi bamukitshine, na bino abitulongyesha kinyi? (Luk. 23:33, 34; Lom. 12:17-19; 1 Mp. 2:23)
5. Badika Yowano 18:12-40.
Nkinyi akilesha shi sunga Mpyeele baadi mukalakashwe na moo wa bantu bwa kapindji kapela, kunyima bapetele bukome aye nkufika bu mutumibwa mukata a Yesu? (Yo. 18:25-27; 1 Kod. 4:2; 1 Mp. 3:14, 15; 5:8, 9)
6. Badika Yowano 19:1-30.
(a) Yesu baadi na mweneno kinyi mupelepele pabitale bintu bya ku mbidi? (Yo. 2:1, 2, 9, 10; 19:23, 24; Mat. 6:31, 32; 8:20)
(b) Mushindo kinyi wi mayi a Yesu kumpala kwa kufwa aalesha shi baadi mutumbishe Bufumu bwa Yehowa? (Yo. 16:33; 19:30; 2 Mp. 3:14; 1 Yo. 5:4)
Yesu basanguka
1. Uno mwana mukashi e mu kifwatulo nnanyi, bano balume babidi mba nnanyi, na be pa mbalo kinyi?
2. Bwakinyi Pilato batumine basalayi bwa kulama mashama a Yesu?
3. Mwifuku dya kasatu kunyima kwa lufu lwa Yesu mwikeyilu bakitshine kinyi, kadi nkinyi kibakitshine batshiite-mwakwidi?
4. Bwakinyi bangi baana bakashi abaadi abakanya nsaa ibabafikile ku mashama a Yesu?
5. Bwakinyi Mpyeele na Yowano babayiile lubilo ku mashama a Yesu, na abasangeene kinyi?
6. Nkinyi kibaadi kikitshikile mbidi ya Yesu, kadi nkinyi kibakitshine bwa kulesha balondji baaye shi basanguka?
Ingi nkonko:
1. Badika Mateo 27:62-66 na 28:1-15.
Nsaa ibasangukile Yesu, mushindo kinyi ubaadi batshiite-mwakwidi bakata, Bafadisee na bakulu bakitshine kikudi kiselele mulwisho? (Mat. 12:24, 31, 32; 28:11-15)
2. Badika Luuka 24:1-12.
Mwanda wa kusanguka kwa Yesu aulesha naminyi shi Yehowa amonaa bakashi bu tumonyi twa binyibinyi? (Luk. 24:4, 9, 10; Mat. 28:1-7)
3. Badika Yowano 20:1-12.
Mushindo kinyi wi mukanda wa Yowano 20:8, 9 awitukwasha bwa kwikala na lwishinko su tatupusha kalolo kulombana kwa butemuki kampanda bwa mu Bible? (Mye. 4:18; Mat. 17:22, 23; Luk. 24:5-8; Yo. 16:12)
Yesu atuukila balondji baaye
1. Nkinyi kibaadi Madiya mulungule muntu abapwandikishanga shi adimaa kwakwa, kadi nkinyi kibaadi kimukuminyishe shi yawa muntu baadi Yesu binyibinyi?
2. Nkinyi kibaadi kikitshikile balondji babidi abaadi abende mwishinda dya ku kibundji kya Emause?
3. Nkintu kinyi kya kukanya kibakitshikile nsaa ibaadi balondji babidi abalungula batumibwa shi abamono Yesu?
4. Yesu baadi mumwenekyele balondji baaye misango bungi kinyi?
5. Tomase bakwile kinyi pabapushishe shi balondji abamono Mwanana, kadi nkinyi kibakitshikile kunyima kwa mafuku mwanda?
Ingi nkonko:
1. Badika Yowano 20:11-29.
Mayi a Yesu e mu Yowano 20:23 aalesha shi muntu e na matalwa a kulekyela milwisho su? Patuula. (Mis. 49:2, 7; Yesh. 55:7; 1 Tim. 2:5, 6; 1 Yo. 2:1, 2)
2. Badika Luuka 24:13-43.
Mushindo kinyi watudi balombeene kulumbuula mashimba etu bwashi ekale aateemesha bya binyibinyi bya mu Bible? (Luk. 24:32, 33; Esd. 7:10; Mat. 5:3; Bik. 16:14; Eb. 5:11-14)
Yesu balukiila mwiyilu
1. Mbalondji bungi kinyi abaadi bamone Yesu ungi musango, na nkinyi kibebalungwile?
2. Bufumu bw’Efile Mukulu nkinyi, na nshalelo akekala naminyi apakekala Yesu bu Nfumu munda mwa bipwa kinunu?
3. Yesu baadi mumwekyele balondji baaye munda mwa mafuku bungi kinyi, kadi binobino akyebe kukita kinyi?
4. Kumpala kwa kwilekena na balondji baaye, Yesu bebalungwile bwashi bakite kinyi?
5. Nkinyi kikwete kukitshika bu byomono mu kifwatulo, na mushindo kinyi ubaadi Yesu mushimine ku meso kwabo?
Ingi nkonko:
1. Badika 1 Beena-Kodinto 15:3-8.
Nkinyi kibaadi kikwashe Mpoolo mutumibwa bwashi akule na kushinkamisha kooso pabitale kusanguka kwa Yesu, na abitungu shi beena Kidishitu besambe na kushinkamisha kooso pabitale myanda kinyi? (1 Kod. 15:4, 7, 8; Yesh. 2:2, 3; Mat. 24:14; 2 Tim. 3:1-5)
2. Badika Bikitshino 1:1-11.
Mushindo kinyi ubaadi mukandu wibuwa upalakane bu byabidi bileshibwe mu Bikitshino 1:8? (Bik. 6:7; 9:31; 11:19-21; Kol. 1:23)
Bakwete kutengyela mu Yeelusaleme
1. Bu byokwete kumona mu kifwatulo, nkinyi kibaadi kikitshikile balondji ba Yesu abaadi abatengyela mu Yeelusaleme?
2. Nkinyi kibaadi kikanyishe bantu benyi abafikile mu Yeelusaleme?
3. Mpyeele baadi mupatulwile bantu kinyi?
4. Bantu babapushishe naminyi kunyima kwa kuteemesha mwisambo wa Mpyeele, na nkinyi kibaadi mwibalungule bwa kukita?
5. Mu dyadya efuku dya Pentekote a 33 K.Y.K. mbantu bungi kinyi babaadi babatshishibwe?
Ingi nkonko:
1. Badika Bikitshino 2:1-47.
(a) Mushindo kinyi wi mayi a Mpyeele e mu Bikitshino 2:23, 36 aalesha shi mwilo ooso wa beena Yuuda ubaadi mu kilumbu kya lufu lwa Yesu? (1 Tes. 2:14, 15)
(b) Mpyeele mulekye kileshesho kinyi kibuwa pabitale kutentekyesha na bantu muyile Bifundwe? (Bik. 2:16, 17, 29, 31, 36, 39; Kol. 4:6)
(c) Mushindo kinyi ubaadi Mpyeele mutumikye na lufungula lwa kumpala lwa ku “nfungula ya bufumu bwa mwiyilu” ibaadi Yesu mumulee? (Bik. 2:14, 22-24, 37, 38; Mat. 16:19)
Abebatusha mu lukano
1. Nkinyi kibaadi kikitshikile Mpyeele na Yowano abo abende ku ntempelo kunyima kwa midi?
2. Mpyeele balungwile muntu baadi kisheki kinyi, na Mpyeele bamupeele kinyi kibaadi na muulo kukila nfwalanga?
3. Bwakinyi bakata ba bipwilo abafitshile munda, na nkinyi kibabadi bakite Mpyeele na Yowano?
4. Mpyeele balungwile bakata ba bipwilo kinyi, na babaadi batumine batumibwa eyi dya kukita kinyi?
5. Bwakinyi bakata ba bipwilo abaadi na kiutu, kadi nkinyi kibakitshikile pababelele batumibwa mu lukano mususa wa kabidi?
6. Batumibwa abalulwile naminyi pababebatwadile mu nshibo ikata ya Sanedrine?
Ingi nkonko:
1. Badika Bikitshino 3:1-10.
Sunga tatwi na bukome bwa kukita bipaso lelo uno, mushindo kinyi wi mayi a Mpyeele e mu Bikitshino 3:6 aetukwasha bwa kumona muulo wa mukandu wibuwa wa Bufumu? (Yo. 17:3; 2 Kod. 5:18-20; Fid. 3:8)
2. Badika Bikitshino 4:1-31.
Patufumankana na bitompwanga mu mudimo wa kulungula mukandu wibuwa, mushindo kinyi watudi balombeene kulonda kileshesho kya bakwetu beena Kidishitu ba kumpala? (Bik. 4:29, 31; Ef. 6:18-20; 1 Tes. 2:2)
3. Badika Bikitshino 5:17-42.
Mushindo kinyi wi bangi bantu ba kala na ba ano mafuku etu bashi Batemwe baleshe kalolo kaabo pabitale mudimo wa kulungula mukandu wibuwa? (Bik. 5:34-39)
Abaasa Etshyene mabwe
1. Etshyene nnanyi, na Efile Mukulu baadi mumukwashe bwa kukita kinyi?
2. Nkinyi kibaadi Etshyene mwakule kibaadi kipe bakata ba bipwilo nsungu?
3. Pababakakile Etshyene paasha pa lupata, baana balume babamukitshine kinyi?
4. Bu byokwete kumona mu kifwatulo, uno nsongwalume mwimane pepi na bilamba nnanyi?
5. Kumpala kwa kufwa, Etshyene balungwile Yehowa kinyi mu luteko?
6. Mu kileshesho kya Etshyene abitungu tukite kinyi su muntu betukitshina mwanda wibubi?
Ingi nkonko:
1. Badika Bikitshino 6:8-15.
Bakata ba bipwilo bakwete kukita mayele kinyi ebubi bwa kutompa kwimika mudimo wa Batemwe ba Yehowa wa kulungula mukandu wibuwa? (Bik. 6:9, 11, 13)
2. Badika Bikitshino 7:1-60.
(a) Nkinyi kibaadi kikwashe Etshyene bwashi obeshe kwakwila mukandu wibuwa kumpala kwa Sanedrine kushi kutshina, na kino kileshesho kyaye akitulongyesha kinyi? (Bik. 7:51-53; Lom. 15:4; 2 Tim. 3:14-17; 1 Mp. 3:15)
(b) Abitungu twikale na binangu kinyi pabitale bantu bashikwe mudimo wetu wa kulungula mukandu wibuwa? (Bik. 7:58-60; Mat. 5:44; Luk. 23:33, 34)
Mwishinda dya ku Damase
1. Saule bakitshine kinyi kunyima kwa lufu lwa Etshyene?
2. Pabaadi Saule mwishinda dya ku Damase, nkintu kinyi kya kukanya kibaadi kikitshikye?
3. Yesu balungwile Saule bwashi akite kinyi?
4. Yesu balungwile Ananii bwashi akite kinyi, na Saule bapetele mushindo wa kumona dingi naminyi?
5. Saule baadi mufikye mu kuukibwa mwishina kinyi, na mudimo kinyi wababamupeele?
Ingi nkonko:
1. Badika Bikitshino 8:1-4.
Mushindo kinyi ubaadi bitompwanga bibapetele kakongye kapya ka beena Kidishitu bikwashe bwashi mukandu wibuwa upalakane, na mushindo kinyi wabikwete kukitshika ano mafuku etu? (Bik. 8:4; Yesh. 54:17)
2. Badika Bikitshino 9:1-20.
Midimo isatu kinyi ibaadi Yesu muleshe shi akyebe kupa Saule? (Bik. 9:15; 13:5; 26:1; 27:24; Lom. 11:13)
3. Badika Bikitshino 22:6-16.
Mushindo kinyi watudi balombeene kwikala bu Ananii, na bwakinyi byabya bi na muulo? (Bik. 22:12; 1 Tim. 3:7; 1 Mp. 1:14-16; 2:12)
4. Badika Bikitshino 26:8-20.
Kwaluluka kwa Saule bu mwina Kidishitu akunyingisha bano bayibakile muntu shi mwina Kidishitu naminyi? (Bik. 26:11; 1 Tim. 1:14-16; 2 Tim. 4:2; 1 Mp. 3:1-3)
Mpyeele kwa Korneye
1. Uno muntu omono mukuname mu kifwatulo nnanyi?
2. Mwikeyilu balungwile Korneye kinyi?
3. Efile Mukulu balesheshe Mpyeele kinyi pabaadi ku kitenta kya kunundu kya nshibo ya Simone ku Yopee?
4. Bwakinyi Mpyeele baadi mutoshe Korneye bwashi tamukunaminanga sunga kumulangwila?
5. Bwakinyi balondji beena Yuuda abaadi na Mpyeele abakanyine?
6. Lwendo lwa Mpyeele kwa Korneye alwitupa elango kinyi dikata?
Ingi nkonko:
1. Badika Bikitshino 10:1-48.
Mayi a Mpyeele e mu Bikitshino 10:42 aalesha kinyi pabitale mudimo wa kulungula mukandu wibuwa wa Bufumu? (Mat. 28:19; Mak. 13:10; Bik. 1:8)
2. Badika Bikitshino 11:1-18.
Mpyeele bakitshine naminyi pabamwene shi Yehowa batadiila kwi bantu Bashi-beena Yuuda, na mushindo kinyi watudi balombeene kulonda kileshesho kyaye? (Bik. 11:17, 18; 2 Kod. 10:5; Ef. 5:17)
Timotee mukwashi mupya a Mpoolo
1. Uno nsongwalume okwete kumona mu kifwatulo nnanyi, mushaalele kunyi, ouku eshina dya nyinaanye na dya nyinaaye kulu su?
2. Timotee bakwile naminyi pabaadi Mpoolo mwisambe naye su akumina kwibashindika na Silase mu lwendo lwabo lwa kulungula bantu bekula mukandu wibuwa?
3. Mbalo kinyi ibabadi betamine balondji ba Yesu bu beena Kidishitu bwa mususa wa kumpala?
4. Kunyima kwa Mpoolo, Silase na Timotee kukatuka mu Listre, babayiile mu bingi bibundji kinyi?
5. Mushindo kinyi ubaadi Timotee mukwashe Mpoolo, na bansongwalume na bansongwakashi mbalombeene kwiela nkonko kinyi?
Ingi nkonko:
1. Badika Bikitshino 9:19-30.
Mushindo kinyi ubaadi Mpoolo mutumibwa muleshe budimu nsaa ibamwene shi mudimo waaye wa kulungula mukandu wibuwa ubafumankana na bitompwanga? (Bik. 9:22-25, 29, 30; Mat. 10:16)
2. Badika Bikitshino 11:19-26.
Mwanda ausanganyibwa mu Bikitshino 11:19-21, 26 aulesha naminyi shi kikudi kya Yehowa kikwete kukunkusha mudimo wa kulungula mukandu wibuwa?
3. Badika Bikitshino 13:13-16, 42-52.
Mushindo kinyi wi mukanda wa Bikitshino 13:51, 52 aulesha shi balondji tababaadi batadiile shi bitompwanga bibabofushe mu mudimo wabo? (Mat. 10:14; Bik. 18:6; 1 Mp. 4:14)
4. Badika Bikitshino 14:1-6, 19-28.
Kishima ‘abo nkwibalambula kwi Yehowa’ akitukwasha naminyi bwa kukaasha moo ooso ulombeene kwitukwata nsaa yatukyebe kukwasha muntu kii mupya? (Bik. 14:21-23; 20:32; Yo. 6:44)
5. Badika Bikitshino 16:1-5.
Kukokyela kwa Timotee bwashi bamusale akulesha naminyi shi ‘kukita myanda yooso pa mwanda wa mukandu wibuwa’ kwi na muulo? (Bik. 16:3; 1 Kod. 9:23; 1 Tes. 2:8)
6. Badika Bikitshino 18:1-11, 18-22.
Mukanda wa Bikitshino 18:9, 10 aulesha naminyi mushindo ukwete Yesu kwipana bupenka bwaye bwa kukunkusha mudimo wa kulungula mukandu wibuwa, na bino abitunyingisha naminyi lelo uno? (Mat. 28:20)
Nsongwalume umune balala
1. Bu byokwete kumona mu kifwatulo, uno nsongwalume mulale mu nsenga nnaanyi, na nkinyi kibamukitshikila?
2. Mpoolo bakitshine kinyi pabamwene shi nsongwalume mmupwe kufwa?
3. Mpoolo na Timotee na bangi babaadi nabo abayiile kunyi, na nkinyi kibakitshikile pababashalele mu Milee?
4. Mutemuki Agabuse badimwishe Mpoolo naminyi, na mushindo kinyi wabibakitshikile bu bibambile?
Ingi nkonko:
1. Badika Bikitshino 20:7-38.
(a) Mushindo kinyi watudi balombeene kwikala ‘besuule mu mwanda wa mase a muntu ooso’ muyiile mayi a Mpoolo e mu Bikitshino 20:26, 27? (Ez. 33:8; Bik. 18:6, 7)
(b) Bwakinyi abitungu bakulu bekale ‘balamate bi bukopo ku myanda ya-binyibinyi’ nsaa yabakwete kulongyesha? (Bik. 20:17, 29, 30; Tt. 1:7-9; 2 Tim. 1:13)
2. Badika Bikitshino 26:24-32.
Mushindo kinyi ubaadi Mpoolo mutumikye na matalwa aye a bu mwina Looma bwa kulombasha mudimo waaye wa kulungula mukandu wibuwa ubabamupeele kwi Yesu? (Bik. 9:15; 16:37, 38; 25:11, 12; 26:32; Luk. 21:12, 13)
Mashuwa abeyini mu mema
1. Nkinyi kibaadi kikitshikile mashuwa mubaadi Mpoolo nsaa ibabefubwile pepi na kisangi kya Krete?
2. Mpoolo balungwile booso babaadi mu mashuwa kinyi?
3. Mushindo kinyi ubaadi mashuwa atshibikye bipindjibipindji?
4. Mukata a basalayi baadi ebalama bebalungwile shi bakite kinyi, na mushindo kinyi ubaadi bantu bebungi bafikye ku kyese kushi kufwa?
5. Mu kisangi mu babatwelele abekitaminaa bikwanyi, na nkinyi kibaadi kikitshikye pababatamine lupapi?
Ingi nkonko:
1. Badika Bikitshino 27:1-44.
Kubadika kwa mwanda utale lwendo lwa Mpoolo ku Looma awitukwasha bwa kukumina shi myanda i mu Bible ngya binyibinyi? (Bik. 27:16-19, 27-32; Luk. 1:3; 2 Tim. 3:16, 17)
2. Badika Bikitshino 28:1-14.
Su bantu bashi beena kukumina ba mu Malate abalesheshe Mpoolo na bantu babaadi naye mu mashuwa “kalolo kakile,” beena Kidishitu be na kya kulesha eyikashi kinyi pabitale wawa mwanda? (Bik. 28:1, 2; Eb. 13:1, 2; 1 Mp. 4:9)
Mpoolo e mu Looma
1. Mpoolo baadi alongyesha bantu kinyi pabaadi mu lukano mu Looma?
2. Bu byokwete kumona mu kifwatulo, uno muntu mwenyi mushale pa mesa nnanyi, na nkinyi kyakwete kukitshina Mpoolo?
3. Epafrodite nnanyi, na nkinyi kyatwala nsaa yalukiila ku Fidipe?
4. Bwakinyi Mpoolo bafundila Filemone, kuuku aaye a p’eshimba?
5. Mpoolo bakitshine kinyi pabatuukile mu lukano, na nkinyi kibaadi kimukitshikile kumongo?
6. Yehowa baadi mutumikye na muntu kinyi bwa kufunda mikanda ya nfudiilo ya mu Bible, na mukanda wa Bifumbulwe awitulungula kinyi?
Ingi nkonko:
1. Badika Bikitshino 28:16-31 na Beena-Fidipe 1:13.
Mpoolo baadi mutumikye naminyi na nsaa yaaye pabaadi mu lukano, lukumino lwaye lwi bukopo lubaadi lukwashe kakongye ka beena Kidishitu naminyi? (Bik. 28:23, 30; Fid. 1:14)
2. Badika Beena-Fidipe 2:19-30.
Mpoolo bakwile kinyi bwa kulesha shi baadi na lutumbu kwi Timotee na Epafrodite, na mushindo kinyi watudi balombeene kulonda kileshesho kya Mpoolo? (Fid. 2:20, 22, 25, 29, 30; 1 Kod. 16:18; 1 Tes. 5:12, 13)
3. Badika Filemone 1-25.
(a) Mpoolo baadi mulungule Filemone bwa kukita myanda ibuwa pa mwanda wa kinyi, na uno mwanda ngulombeene kukwasha bakulu ba tukongye lelo uno naminyi? (Fil. 9; 2 Kod. 8:8; Gal. 5:13)
(b) Mayi a Mpoolo e mu Filemone 13, 14 aalesha naminyi shi baadi anemeka mashimba a bangi bantu mu kakongye? (1 Kod. 8:7, 13; 10:31-33)
4. Badika 2 Timotee 4:7-9.
Bu Mpoolo, mushindo kinyi watudi bakumbeene kwikala na lukulupilo shi Yehowa akyebe kwitupa bwedi su tubashaala banyingye mpa na ku nfudiilo? (Mat. 24:13; Eb. 6:10)
Nfudiilo a myanda yooso ibubi
1. Bwakinyi mu Bible abakula pabitale mpunda mwiyilu?
2. Ngoshi y’Efile Mukulu yakyebe kulwisha bantu be pa nsenga abeyitamina naminyi, na ino ngoshi i na mudimo kinyi?
3. Bu byokwete kumona mu kifwatulo, Nnanyi akyebe kukunkusha ngoshi, bwakinyi mufwale kifulu kya bufumu, na lupete lwaye alulesha kinyi?
4. Polukiila mwisaki aditulondela Mwanda wa 10, 15 na wa 33, bwakinyi ta twi balombeene kukanya shi Efile Mukulu akyebe kubutula bantu bebubi?
5. Mushindo kinyi wi Mwanda wa 36, na wa 76 ayitulesha shi Efile Mukulu akabutula bantu bebubi sunga beamba bu balangwidi baaye?
Ingi nkonko:
1. Badika Bifumbulwe 19:11-16.
(a) Bifundwe abilesha naminyi shi Yesu Kidishitu nnaye akunkusha mpunda tooka? (Bif. 1:5; 3:14; 19:11; Yesh. 11:4)
(b) Mushindo kinyi wi mase abapongolokyele ku bilamba bya Yesu aalesha shi kutshokola kwaye nkwa binyibinyi mu myanda yooso? (Bif. 14:18-20; 19:13)
(c) Mba nnanyi be munkatshi mwa basalayi bakwete kulonda Yesu paadi mushale pa mpunda tooka? (Bif. 12:7; 19:14; Mat. 25:31, 32)
Mpaladiiso mupya pa nsenga
1. Nshalelo kinyi abadi baleshe mu Bible atukekala naaye mu Mpaladiiso?
2. Mu Bible mbalee bano abakashaala mu Mpaladiiso kinyi?
3. Yesu akashintuula ino myanda yooso nsaa kinyi?
4. Pabaadi Yesu pa nsenga, bakitshine kinyi bwa kulesha shi akekala Nfumu mu Bufumu bw’Efile Mukulu?
5. Yesu na bano abakamunana pamune naaye abekala abataluula kinyi pa nsenga nsaa yabadi mwiyilu?
Ingi nkonko:
1. Badika Bifumbulwe 5:9, 10.
Bwakinyi twi balombene kwikala na lukulupilo shi bano booso abakakunkusha nsenga mu Bufumu bwa bipwa Kinunu abaketuulu pa mbalo ya bantu na kwibapushisha lusa nsaa yabekela bu banfumu na bu batshiite-mwakwidi? (Ef. 4:20-24; 1 Mp. 1:7; 3:8; 5:6-10)
2. Badika Bifumbulwe 14:1-3.
Kufundibwa kw’eshina dya Yaaya na dya Mwana a mukooko mu mapala a bantu 144 000 akupatuula kinyi? (1 Kod. 3:23; 2 Tim. 2:19; Bif. 3:12)
Twi balombeene kwikala na muwa wa looso
1. Abitungu tushinguule kinyi su atukyebe kwikala na muwa wa looso?
2. Mushindo kinyi watudi balombeene kulonga pabitale Efile Mukulu na Yesu, bu byatukwete kumona kano kansongwashi na beena’aye mu kifwatulo?
3. Mukanda kinyi ungi okwete kumona mu kifwatulo, na bwakinyi abitungu twikale atwiubadika misusa yooso?
4. Kukaasha kulonga pabitale Yehowa na Yesu, abitungu tukite kinyi dingi bwa kupeta muwa wa looso?
5. Elango kinyi dyatupete nsaa yatulongo Mwanda wa 69?
6. Kileshesho kibuwa kya nsongwalume Samwele ki mu Mwanda wa 55 akitulongyesha kinyi?
7. Mushindo kinyi watudi balombeene kulonda kileshesho kya Yesu Kidishitu, na su tubekilondo, atukekala na mushindo wa kukita kinyi mu mafuku e kumpala?
Ingi nkonko:
1. Badika Yowano 17:3.
Bifundwe abilesha naminyi shi kuuka Yehowa Efile Mukulu na Yesu Kidishitu takulesha penda kulamiina ingi myanda ibatale? (Mat. 7:21; Ja. 2:18-20; 1 Yo. 2:17)
2. Badika Misambo 145:1-21.
(a) Myanda kinyi ingi ayitutakula mu kutumbisha Yehowa? (Mis. 145:8-11; Bif. 4:11)
(b) Mushindo kinyi wi Yehowa “buuwa kwi bantu booso,” na bino mbilombeene kwitukwasha naminyi bwa kwifubwila pepi naaye? (Mis. 145:9; Mat. 5:43-45)
(c) Su twi bafule Yehowa mu mashimba eetu, kyakya kifulo akitutumu mu kukita kinyi? (Mis. 119:171, 172, 175; 145:11, 12, 21)