KIPINDJI 6

Mpeshi a kabutu etulongyesha kinyi?

Efile babutwile bantu bebubi kadi bapashishe Nowa na kifuko kyaye. Kibangilo 7:11, 12, 23

Bwato mbulengame, bantu babi abafu mu mema, ba mwikeyilu batombokye abafulu mbidi ya bana ba bantu

Uno mpeshi banokyele munda mwa mafuku 40 bufuku na kanya, meema awo nkuwula pa nsenga ishima. Bantu booso bebubi abafwile.

Yaya miikeeyilu ibantombokyele ibafuudile mbidi ya bantu ayo kufika bikudi bibi.

Nowa, kifuko kyaaye, na nyema abatuku mu bwato na nkongolo batuku mwiyilu

Bantu booso abaadi mu bwato abapandile. Ata Nowa na kifuko kyaye babafwile Kunyima kwa mafuku; Efile akebasangusha na lukulupilo lwa kwikala na muwa wa looso.

Efile akabutula dingi bantu bebubi anka akapaasha baba bebuwa. Mateo 24:37-39

Satana na ba demo baaye abafubu na mishindo ilekene bwa kudimba bantu

Satana na bikudi bibi bakwete kutungunuka na kudimba bantu.

Lelo uno, nka bu bibaadi mu mafuku a Nowa, bantu bebungi bakwete kupela bukunkushi bwa kifulo bwa Yehowa. Kubashala mafuku apela bwashi Yehowa abutule bantu booso bebubi.—2 Mpyeele 2:5, 6.

Temwe a Yehowa afubu na Bible bwa kulongyesha mwana mulume, mwana mulume abadika Bible

Bangi bantu benka bu Nowa. Baaba bantu bakwete kupushisha Efile na kukita byooso byamba—nyi m’Batemwe ba Yehowa.