DILONGIESHA 34
Tui kulesha’shi tui bafule Yehowa naminyi?
We muipushe bu’be e pepi n’Efile kasha obanga kulonga Bible su? Okumina kutungunuka na kunyingisha kipuano kiobe naye? Su mbiabia, tentekiesha’shi Yehowa nsaa yamono biodi mumufule ngofu, aye namu anyisha nkufula na kukupasukila. We kumulesha’shi we mumufule naminyi?
1. Tui kulesha Yehowa’shi tui bamufule naminyi?
Atulesha Yehowa’shi tui bamufule patumukokiela. (Badika 1 Yowano 5:3.) Takitshishaa muntu bua kumukokiela pa bukopo nya. Anka, etupeya bulungantu bua kukumina kumukokiela sunga kupela. Buakinyi? Yehowa akumina’shi ‘tumukokyele n’eshimba dimune.’ (Bena-Looma 6:17) Mu ungi ngakuilo, Yehowa akumina’shi tumukokiele muanda tui bamufule kushi bu kitungo. Kipindi 3 na 4 kia uno mukanda, mbekikite buashi kikukuashe oleshe kifulo kiobe bua Yehowa pa kukita biakumina na kushikua biadi mushikue.
2. Buakinyi bi kuikala lukalakashi bua kulesha’shi tui bafule Yehowa?
‘Mululame ekalaa na malwa e bungi.’ (Misambo 34:19) Atue boso atukitaa bilubilo muanda ta tui bapuidikie. Tui kukutua makuta, be kuitukitshina mianda ya kukutua kululama sunga’shi tui kufumankana na ingi nkalakashi. Nsaa yatupete nkalakashi, bi kuituikela bukopo bua kukita akitutekie Yehowa. Nyi buakinyi abikalaa bibofule bua kukita mianda i bubi. Anka, nsaa yodi na lulamato ku abikulungula Yehowa, olesha’shi we mumufule kukila bintu bioso. Na olesha’shi we na kifulo ki na lulamato kuadi. Naye namu akulesha kianka. Takakulekiela nya.—Badika Misambo 4:3.
TUKIMBUULE BOSO
Tutale buakinyi kukokiela kobe kui na muulo kui Yehowa, na biakudia nkukuasha bua kushala na lulamato kuadi.
3. Uno muanda ngukutale
Mukanda wa Yoobo wi mu Bible aulesha’shi, Satana tabafundile penda Yoobo nya, anka bafundile bantu boso abakumina kufubila Yehowa. Badika Yoobo 1:1, 6–2:10, akupu nuisambile ino nkonko ailondo:
Muyile bibakuile Satana, buakinyi Yoobo badi akokiela Yehowa?—Tala Yoobo 1:9-11.
Satana bakuile kinyi pabitale bantu boso mpa n’obe?—Tala Yoobo 2:4.
Badika Yoobo 27:5b, akupu nuisambile luno lukonko alulondo:
Yoobo badi muleshe naminyi’shi badi mufule Yehowa binyibinyi?
Yoobo badi muleshe’shi mufule Yehowa paye kushala na lulamato kuadi
Atulesha’shi tui bafule Yehowa patushala na lulamato kuadi
4. Sankisha eshimba dia Yehowa
Badika Nkindji 27:11, akupu nuisambile ino nkonko ailondo:
Yehowa apushaa naminyi nsaa yodi na binangu na yomukokiela? Buakinyi?
5. We kuikala na lulamato kui Yehowa
Kifulo kietu bua Yehowa akitutakula bua kulungula bangi pa bimutale. Lulamato luetu kuadi aluitutakula bua kuibikita sunga mu nkalakashi. Tala VIDEO, akupu nuisambile ino nkonko ailondo.
Tobopetele lukalakashi lua kulungula bangi pabitale Yehowa?
Mu uno video, nkinyi kibadi kikuashe Grayson bua kukambila moo?
Mbibofule bua kuikala na lulamato kui Yehowa nsaa yatufulu biadi mufule na kushikua biadi mushikue. Badika Misambo 97:10, akupu nuisambile ino nkonko ailondo:
Muile bibopu kulonga, Yehowa mufule mianda kinyi? Ingi mianda kinyi yadi mushikue?
We kulonga bia kufula mianda i buwa na kushikua i bubi naminyi?
6. Atupete miabi su tubakokiela Yehowa
Kukokiela Yehowa akutuala’nka miabi. Badika Yeeshaya 48:17, 18, akupu nuisambile ino nkonko ailondo:
Omono’shi, tui kukulupila’shi Yehowa aukaa nsaa yoso kiatudi nakio lukalo? Buakinyi wamba biabia?
Kulonga kobe kua Bible na kuuka Efile a binyibinyi Yehowa, kubakukuasha naminyi?
BANGI ABAMBA’SHI: “Bikitshino biande ta bi bu muanda ku meso ku’Efile Mukulu.”
We kufubisha kifundue kinyi bua kulesha’shi bikitshino bietu bi kuinyongosha Yehowa sunga kumuikasha na mulo?
MU KIKOSO
We kulesha’shi we mufule Yehowa pa kumukokiela, na kushala na lulamato kuadi sunga mu nkalakashi.
Kuambuula
Kileshesho kia Yoobo kibakulongiesha kinyi?
We kulesha naminyi’shi we mufule Yehowa?
Nkinyi ki nkukuasha bua kushala na lulamato kui Yehowa?
TALUULA DINGI
Tala biodia kuikala na lulamato kui Yehowa na kui bena kakongye.
Longa bi bungi pabitale Satana biafunda bantu.
“Yoobo badi mulame lulamato luaye” (Bible—E na mukandu kinyi? kipindi 6)
Tala bilombene nsongua kulesha’shi mufule Yehowa.
Nsongua e kukita kinyi bua kushala na lulamato kui Yehowa apamutakula bangi bua kukita mianda i bubi?